بــنت ابـــوها :

ذكرتينى والله يوم احترقت غرفة نومي من سنتين اول شي الحمدلله على سلامتككككككككك انا الله يسلمك كنت طالعه من الحمام ( تكرمون ) ولابسه روب الحمام وهذا من طبيعتى اني اتم بالروب واتعدل واحط مكياج كامل واسشور شعري يعنى جاهزه بس بدون ثياب وكنت بدخن كناديري ايداد ويدوب حطيت المعمول داخل المدخن ورحت ابغسل ايدي ولما جيت ثواني بسسسسسسسسسس ولا الكندوره كلها تحترق كامله عاد انا كنت بسوي مثل الافلام رحت ويبت اللاحاف وفريته على المدخن الا ويحترق زياده ( لا تصدقون الافلام ) يعنى زدت الطين بله واركض بسرعه تحت واطلع العيال برع البيت مع الخدمات واتصل بالدفاع المدني وقبله اتصل بالحارس وماعرف يطفيها وكل مالها وتزيد وقمت وطفيت الكهرباء وقبل كل شي قعدت ادور شى البسه ماشي رحت غرفة الخدامه ولقيت كندوره مالت الصبح لا وفيها فصوص ومطرزه ولا عندي ملابس داخليه ولا شي يدوب حطيت عبايتى على مسكره بس عاد يوم يا زوجي وليشوفني حاطه مكياج كامل الا ايقولي متفيجه حاطه هذا كله بس طبعاً انا كنت متغشيا طول الوقت ومرتبكه وحالتى حاله لا ملابس داخليه ولا شي كان يوم الله لا يعيده . اسمحولي طولت عليكم

ذكرتينى والله يوم احترقت غرفة نومي من سنتين اول شي الحمدلله على سلامتككككككككك انا الله يسلمك...

كل الغوامد :

هههههههههههههههههههههههههه اسفه عزيزتي ترى ماضحكت عليك لكن ذكرتيني بنفسي مرة سافرنا عند اهل زوجي لحضور ملكه حماي ومن لقافتي دخلت المطبخ عندهم للمساعدة وسبحان الله بمجرد اقترابي من الفرن الا وحصل انفجار رهيب وطلعت النار تقولي مخصوص عليه والحمد لله سلمت منها يعني ماحصلي شي ورحت جري اغسل وجهي ولما شفت وجهي في المراة لقيت شبح الرموش والحواجب ومقدمه الشعر احترقو وتعالي شوفيني ساعتها المشكله المناسبه اليوم اللي بعدة وبصراحه انا حاسه انها عين وصابتني لاني نفس الشي كنت مشهورة برموشي لدرجه اني كنت اقصها من طولها وكثافتها لانها كانت تضايقني لما اغطي وجهي بس احب اطمنك انها ترجع تطول بسرعه لكن ماترجع زي اول الااذا اعتنيتي ودهنتيها بزيت خروع وسلامتك

هههههههههههههههههههههههههه اسفه عزيزتي ترى ماضحكت عليك لكن ذكرتيني بنفسي مرة سافرنا عند اهل...

@؛@ أطيب قلب @!@ :

يؤيؤيؤ الف لابأس عليج حبيبتي وسلامات وما تشوفين شر انشاءالله ...وحمدلله على سلامتكم يا بنت ابوها وكل الغوامد...والله العين يا بنات ماتترك احد بحاله ...هالله هالله بالأذكار وقراءة القران واللخ يحفظكم انشاءالله من كل شر .....وبالنسبه لج يا ريماس ترى كلام البنات صح وماعليه خلاف زيت الخروع روعه للرموش وياليت بعد تستخدمين كحل الاثمد الاصلي تتكحلين فيه بالنهار وتخلين الخروع بالليل او العكس انتي ومزاجك ..وبعد حبيت اوصيج لا تكثرين الخروع على الحواجب اخاف تطلع كثيفه يعني مو تحطين وايد مسحي عليهم بالخفيف كلش عشان ما يسيح الزيت على اماكن انتي ما تبينها وبعدين يطلع فيها شعر وتتوهقين فيه فخليج حبيبتي مركزه عشان ما تتحسفين بيوم ...المهم الله عداج الشر وحفظج ..عشان جذي اشكري ربج وحمديه انها يت على جذي ونصيحه مني لج ولكل بنت اذكار الصباح والمساء والقران كل يوم لا تهجرونه سوري على الاطاله والله يشافيكم ويشافي الجميع يارب

يؤيؤيؤ الف لابأس عليج حبيبتي وسلامات وما تشوفين شر انشاءالله ...وحمدلله على سلامتكم يا بنت ابوها...