تعالو شوي ابغاكم

والله اني في اشد الندم من التصرف اللي حصل مني
امي متوفيه وحالتي صعبه واعيش فيه نفسيه صعبه و أليمه
عارفه مافي اي مبرر لتصرفي لكن لسعته لسعه خفيفه اخوفه عشان مايكرر التصرف لسعه بس عشان يخاف


ادري غلط والله اني غلطانه وفي اشد الندم


اعتذرت منه وتقربت منه ادري هالشي مستحيل ينساه وادري حرام ومعترفه بغلطتي والله العظيم


اول مرا يطلع مني هالتصرف والله اني حنونه عليهم لكن من تحت الضغط النفسي صار الي صار


انا حتى وجهي بالمرايه مقدر اناظره من الندم مو مصدقه نفسي ان طلع مني هالشي


النوم مانامه لا ليل ولا نهار والله بس بكي بكي كل ماشفت نقطة اللسعه


حاولت اتقرب منه اعرف الخلل اللي بيني وبينه وحده الله يجزاها خير ارسلت لي خاص تتكلم عن تربية الطفل قالت العبي معه وتقربي منه وفعلا هذا اللي صار هاليومين اني اتقرب واسولف معه والعب و نقول يارب يهديه ويهديني ويصلح الحال


ردات فعلكم طبيعيه اخواتي وارجو من الله العفو والمغفره والسماح
واتمنى اني اسامح نفسي في هذه الظروف
واتمنى منكم تسامحوني على هذا الوضوع المستفز
حنا اخوات ونشكي لبعضنا ومتابعه لكلامكم اول بأول والله اني اقرا كل رد وقلبي يتقطع من الحسرة والندم والله العظيم
احس مو انا اللي كتبت الموضوع اساسا والله مو مصدقه حالي


الله يجير كسري ويرحم حالي ويحفظ لي ذريتي ويحفظ لكم احبابكم ويصلحهم ويهدينا الى سبل السلام
استودعكم الله الذي لاتضيع ودائعه