تعالو طمنوني او واسوني

يابنات انا قصتي قصه والوسواس قطعني تقطيع


زوجي فيه مشاكل بينه وبين اهله وما يبون بعض وبسبب المشاكل انا قطعت علاقتي معهم يدخلوني بمشاكلهم وانا يشهد علي ربي واحنا ب ايام فضيله ان مالي دخل بها ابد وقررت اقطع علاقتي بهم نهائي والله تعبت من المشاكل المهم امه حاقده علي وحالفه تزوجه ذي حياتنا مع اهل زوجي ب اختصار
نجي لسالفه الي ذبحتني اليوم
اخو زوجي قرر يخطب وخطب وحده ولما حددو موعد الفحص جانا اخو زوجي ويقول البنت رفضت
بعدها ب ٣ اسابيع دق وقال خلص البنت وافقت
وبرضو لما حددو موعد الفحص دق وقال رجعت رفضت
زوجي قاله خلها تولي والله لخطبلك الي تسواها ومدري ايش وهو بدا دراما انا ابيها وعاجبتني والبنت جميله وجسمها حلو نفس المواصفات الي احلم فيها ومدري ايش ومن ها المدح ويمدح اهلها وانه حالف ما يتزوج غيرها
بعدها ب شهر ارسل وقال البنت وافقت علي وحلل وخلاص
قبل ثلاث ايام جانا وزوجي ماش احسه تغير واليوم يتسحب ويحوس
وطلب اطلع شماغه وملابس جديده وقلت وش عندك قال ابي اروح اخطب لفلان سكت وجهزت عفشه وانا مو مرتاحه
راح لـ اهله من العصر والمغرب ارسلت له قال انا عند العرب لا ترسلين
ارسلت الساعه ٩ قلت بشر قال مصار شي ننتظر الشيخ تاخر علينا وانا عند رجال اكلمك بعدين
قلبي قارصني ومقبوض ولي ساعه ادق وارسل ولا يرد ماني مرتاحه احس امه راح تسويها وتزوجه

واحس سالفة الخطبه والرفض كلها فلم وتأليف وحتى مدح اخو زوجي للبنت الي يبي يخطبها احس فيه شي احسهم يبون يغرونه عشان يتحرك


مدري انا صح ولا غلط التفكير ذبحني 😩 وصدري ضايق والله تعبت