تعالو طمنو قلبي بينفجرر

السلام عليكم .. انا زوجي انسان مايسافر عند اهله بدوني لو اموت اترجااه اجلس مايرضى المهم اللي صار جاء قبل امس وهو جاي اتصل قال جهزي شنطتي انا طالع من الدوام بسافر لآهلي وجهزت شنطته وجا اخذها ومشي ع طول استغربت مررا مراا وجاني شك اعوذ بالله جلس الشيطان يوسوسلي انو طالع مع وحده ولامتزوج ولا اي هم لآن زوجي ٢٤ ساعه برا البيت
المهم اول مامشي ماعاد رد بعد ساعتين رد قال وقفت ونمت كنت تعبان وهو طول اليوم اللي قبله نايم كان والسفر كله ٣ ساعات وبعد ٣ ساعات كذا رسل قال انا وصلت وبعدها كل مااتصل عليه مايرد ولايعطيني مشغول ارسل ع الواتس مايرد ابدا في الليل رسل ارسليلي الشاليه اللي كنتي تبغينا نستأجره والشاليه في مدينتنا مو في مدينة اهله
واليوم نفس الشي مايرد ولا شي اتصلت قبل شويه جواله مقفول وزوجي مستحيل جواله يتقفل اتصلت ع جواله الثاني اول مرا مارد ثاني مرا رد قال انا نايم وهو كذاب صاحي قلت لاتكذب انت صاحي المهم قال ايوه صاحي اش تبغي وعصبت مرا يومين مطنش وهو يرد ببرود ولاعصب مع ان زوجي يعصب من الهواء استغربت مرا وقال بنام مع السلامه يابنات انا قلبي قارصني جلس يبرر انو مشغول مع اهله طول اليوم انا قلبي ناغزني احسه كذاب اول مرا يجيني الاحساس دا ريحوني مرا بنفجر