تعالو عطوني ارائكم

زوجي
عندهم اخ من الاب توفى الله يرحمه قبل سنتين وترك حرمته ارملة ومعاها ولد عمره حوالي ١٠ سنين الان
المهم انه اهتمام زوجي بهذا الولد مبالغ فيه كأنه ابنه
طبعا مصاريف الولد من وإلى كلها زوجي يشيلها مع ابوه
حتى رسوم مدرسته زوجي يسدها على طول لان ابوه حاطه بمدرسة خاصة كان وبعد مامات تم زوجي يدفع له
مصروف الولد على جده بس باقي احتياجاته على زوجي
والام اهلها متخلين عنها ساكنة بشقة ل ابو زوجي ومصاريفها من فواتير كهرباء للمياه ل احتياجات البيت كلها زوجي
حتى كل اسبوع ياخذ الولد يوديه سوق الخضار والمول يشتري لهم من وإلى
انا ماعندي مشكلة مع هذا الكلام بالعكس كفالة يتيم واحب على قلبي
بس اخر فترة صرت احس في تغيير مو عاجبني
اولها قبل شهرين زوجي طلع الام مع ابنها مطعم
ولما سألته قالي ترا مافيها شي عادي
قلتله ليه ماخذتني معاك طييب سكت وصرف وحاولت اتناسى
وبعدها اكتشفت انه خذ مرت اخوه وابنها يتقضون
ويوم واجهته قالي انا تميت بالسيارة ومانزلت معاهم
كل اسبوع لازم يزور الولد مرتين وحتى لما يتواصل عشانه
يتواصل مع امه!
حتى يقول لعيالي هذا اخوكم وذيك المرة يقوله لا سألوك بالمدرسة عن حاجة عطهم رقمي وقلهم هذا ابوي
صارلي فترة قلبي مو مريحني ابدا من ناحية الموضوع هذا
شكوك كثيرة قاعدة على قلبي تجاه زوجي مع العلم امه تزور بيت اهل زوجي كل اسبوعين بس
وفي تواصل بيني وبينها رسائل واتس اب بس كل فترة
معقولة يسويها ويكتب كتابه عليها
والله خايفة ومدري ايش اسوي بس هذا الموضوع بقاله اكثر من كم يوم متعبني لدرجة شفته بالمنام متزوجها