تعالو عندي شوي بس ..ممكن

هلا
انا لما شفت انو 77 زيارة والردود صفر استغربت من البنات صراحة

المهم
لما تبغي تجربي اكلة جديدة سوي نصف او ربع المقدار
يعني اقرأي الوصفة واقسمي المقادير بالنص
لو كانت الاكلة كيك او اي نوع ينحبز بالفرن لازم التقيد بالمقادير

اما لو كانت اكلة مالحة تنطبخ على عين البوتوجاز هذي تكون فيها مرونة يعني ممكن تذوقي الاكلة وتشوفي ملحها وبهارراتها وانتي تضيفي من عندك مكونات من اللي تحبيها زي الخضار
او تغيري تعمليي بدل الدجاج السوتيه روبيان وكذا
يعني الاكل المالح عامة فيه مرونة اكثر من الحلو
لأنو حتى لو خرب عليكي مثلا ممكن يتصلح اليوم الثاني وتسوي فيه اكله ثانية مختلفة

اذكر مرة سويت دجاج في الفرن وطلع الملح قليل مرة مرة و ونوع الدجاج هذاك كان فيه زفرة ابدا مو حلوة
اهلي اكلوا الرز وسابوا الدجاج
ثاني يوم مسكت الدجاجة ونتفتها وما خليت الا العظم وقطعته صغار وكشنت بصل وثوم وحطيت الدجاج المقطع وعليه فلفل رومي وبهارات ايطالية وكريمة وسلقت فيتوشيني
وصارت من احلا ما يكون

وهكذا


اما الفطور يا سلاااااااااام احلى شي في الدنيا

1- كبدة >شوحيها وسويها من الليل وثاني يوم حميها
2- عجينة الشباتي كمان سويها من الليل وخليها ترتاح طول الليل وافرديها وسويها ثاني يوم
3- عصيرات طازجة اتفنني فيها اذا ميزانيتكم كويسة وزوجك يجيب فاكهة كثير
4- البيض عالم لا ينتهي (بيض مقلي بالجبنة - شكشوكة - فريتاتا وهذي اكلة ايطالية بيض في الفرن مع خضار - بيتزا البيض وهو عبارة عن بيض وخضار ورقية ومن فوقها جبنة مبشورة وزيتون وفلفل رومي وفطر وبيبروني - بيض بالسجق - بيض مسلوق - حتى البيض المسلوق تقدري تتفنني فيه وتسوي فيه سلطة او ساندويتشات )
5- نواشف (جبنة - حلاوة طحينية - مربى - شيدر - زيتون ) هذي كلها تحطيها في صحون وتغلفيها من الليل والصباح بس تطلعيها من الثلاجة
6- فول وطعمية > حلوين وزي الفل بس الله يعينك ع الغازات


وشكرا

كفت ووفت بيتوتيه يعطيها العافيةوالطبخ عادي جربي ماضبط اليوم ابداً لاتتحطمي عدلي اغلاطك وعيديها خصوصاً ان نفسك ماشاءالله حلو بالاكل مااحد طلع من بطن امه متعلم

عندك كتاب اطباق النخبة مقاديره متوفره وسهله ومضبوطة ماشاءالله مااستغني عنه ابد اذا مو عندك اشتريه موخساره

رفع

الله يسعدكم  ان شاء الله اجرب كل الي كتبتو لي واخبركم وان شاء الله 
تشوفون طبخاتي هنا