صفحة البياض @sfh_albyad
محررة ذهبية
تعالو كلكم ابي اقولكم شي
صباح الخير للجميع
والله انا بحب اقولكم قصتي وقصة التزامي وحبي لهذا الدين اولا انا نشات نشاه صالحه بين ام صالحه واب صالحه بمنطقه معروفه بالصحوه الاسلاميه لدرجة تلفزيون مرات عندنا مرات مو عندنا وعمي الله يرحمه حتى عياله ماشاء الله وبناته متدييينين واصحاب ورع وتقى حتى خوال امي الله يرحمها فيهم دين اذكر يوم صغيره افتح كتبهم بالحوش فقه وعقيده واقراها عشان كذا تاثرت بالجانب الديني وورثته لعيالي وخواتي الصغار
اذكر مره رحت ازور مدرسة اختي القعده اصغرنا
بعد وفاة امي طبعا خواتي ماتت امي وهن صغار يعلم الله اشفقت عليهن ورحمتهن وهذا سبب صبري عليهن الحين رغم تغيرهم علي
طبعا انتقلت للعاصمه الرياض واشتهرت بالمدراس بصوتي بالاناشيد الاسلاميه وقراءتي للقران الكريم وتفاعلي مع النشاطات الدنيييه كان فيه شلة بنات سوء تروج عني الاشاعات وتستهزي فيني وتحاول تمنعي اني اطلع بالاذاعه واقرا قران ووصل بهم الترويج اني مكروهه وانه مااحد يحبني وكان لي اخ كان مايصلي ذاك الوقت وكان يؤذيني بكلامه انتي كل العالم تكرهك ماتحبك مع انه اهلي وامي وخواتي الصغار يحبوني بس يبالغ لو حصل مشاكل بيننا وطبعا خواتي من هن صغار الى الحين فيهن غيره مني مره عسل مره بصل
بس يروج لهاالكلام نفس شلة بنات السوء اللي في المدراس مايروجون ووصلو حطو بشرفي
ثم توفت امي الله يرحمها وانا كنت في زهرة شبابي وتزوجت ثم انقطعت عن الدراسه بسبب طليقي واهله طبعا عائله ليس فيها قوة ايمان وتوحيد وتروح لمشايخ الله العالم بهم واغلبهم يقول انا مسحور انا معيون طبعا من اول يوم تزوجت فيه وهم كلامهم عني نفس كلام شلة السوء اللي تكره صوت القران الكريم تقول اتباع ابليس طبعا فيه من جاراتي مو ملتزمات مره ويحبوني واقارب لي كثر نادر احد يكرهني ولله الحمد بس مايروج للهذا االكلام الا ناس مدفوعه لربما من احد للتشويش علي وتعذيبي بحياتي واولهم اخوي اللي قلته عنكم ثم طليقي (والحمدلله سمعت انهم يصلون والتزمو والله اعلم)
بعد الطلاق من العائله اللي حظي الاقشر اني تزوجت منهم استغلت سفهاء العقول من اخواني واهلي وللجماعه من قبيلتي تحرضهههههم علي وتقول اني شريره واني واني تحررررريض وتروج اشاعات مره عن الدين والشرف ومره زي سالفة خثاريد ها المعرفات اللي هنا كل العالم تكرهك وانتي فيك قرين ومن هالشركيات وهاالافكار المسمومه الماسونيه الشاذه عن تعاليم ديننا الحنيف
وهدي الرسول اللهم صل وسلم عليهم وهدفهم لاني اكتب كتابات دينيه وانشر الدعوه اني مكروهه من الجميع وادخال الناس في دوامة الشركيات وانه الجن يتحكم بالقدر وهذا كلام يغضب الله عزوجل وقد سال شخص مسلم شيخ في لقاء تلفزيوني هل القرين مع الانسان ويتحكم بمصيره ؟قال لا القرين هو الشيطان من الجن يوسوس لك فقط مثل ابليس وتتعوذمنه ويروح
ولكن لايتحكم بحياتك ولا بحياة البشر وكل ذنب واثم الانسان محاسب عليه
وقد ذكر الرسول طائفه من المسلمين تدخل الجنه لقوة ايمانها وتوحيدها وطهرها من الشرك والنفاق وانها تصرف الخوف والرجاء لله عزوجل
وهم يدخلون الجنه بلاحساب ولا عذاب
هذا جاء في حديث السبعين أنه- صلى الله عليه وسلم- أخبر أصحابه أنه عرضت عليه أمته, وكان فيهم سبعون ألفاً يدخلون الجنة بغير حساب ولا عذاب، فخاض الناس في أولئك من هم؟ لما حدث بهذا الحديث وقام -عليه الصلاة والسلام- خاضوا، فقال بعضهم: فلعلهم الذين ولدوا في الإسلام، وقال بعضهم: فلعلهم الذين صحبوا رسول الله- صلى الله عليه وسلم-، يعني من الصغر ولم يكفروا، وخاضوا في غير هذا، ثم خرج عليهم- صلى الله عليه وسلم- وقال: ما كنتم تخوضون فيه؟ سألهم عما كانوا يخوضون فيه فأخبروه، فقال: (هم الذين لا يسترقون, ولا يتطيرون, ولا يكتوون, وعلى ربهم يتوكلون)
فلا تلتفو لمثل من يتكلم بهذي الامور وبربطها بالجن والله ماكتبت الموضوع رياء انا والله عندي ذنوب صغيره ربي سترها علي ولا توصل للكبائر ومثل عباد الله اذنب واتوب واحيانا اتفرج على التلفزيون الله يصلح الحال واستغفر وانسانه عاديه لكن نقاب وستر الحمدلله واخاف الله
ولكن كتبته لاقوى ايمانكم بالله عزوجل لانه التفكير محاسبين عليه والخوف والرجاء لايكون الا لله
والله وملائكته اقوى من عالم الجن والشيطان
بارك الله فيكم
11
2K
يلزم عليك تسجيل الدخول أولًا لكتابة تعليق.
بتول~
•
اللهم صل وسلم على نبينا محمد ..
الصفحة الأخيرة