تعالو كلكم دشو ارجووووووووكم

:( حاسه بضيق وحزن ولا تقولون لي هذا من تأثير هرمونات الحمل واني في بدايه الحمل ولازم تجيني مثل هالاحاسيس :icon33:
بنات انا شاكه بزوجي انه يبي يتزوج علي لانه لمح لي كم مره ومب عارفه شسوي معاه يمكن انتو تعرفون طبيعة علاقتي بزوجي لاني كتبت كم موضوع عن هالشي انا مب مدحا في نفسي بس والله احاول ماخلي شي بخاطره ولا اخلي شي الا واسويه له بس شتقولون مادري من منو السبب هل هو من اصدقاءه اللي يبون يخربون بيتي ويوزون زوجي علي ويشجعونه على الزواج الثاني يا زعم عشان الاجر وزوجي ملتزم :(
او لاني اكتشفت من فترة ان زوجي يشوف صور مب زينه في النت وهذا الشي من تقريبا شهر وهو جدا غشيم في الكمبيوتر يعني انا علمته كيف يدش النت ويتصفح الموقع الاسلامي اللي دايما يدشه بس الله يسامح اللي كان السبب من فترة وديت كمبيوتري اسوي له فرمات قام الاخ المصلح حط لي موقع المسنجر في الفيفورت وزوجي يفتح الموقع الديني من الفيفورت ومادري كيف دش على صفحة موقع المسنجر يمكن بدافع الفضول وتعرفون ان هاي الصفحه فيها اعلانات ودعايات وايد هو فتح على الشوبينج يعني التسوق وكان فيها عروض عن ملابس نساء داخليه وكريمات وملابس نوم :icon33: واكتشفت انه فتح على تقريبا كل الصور اللي كانت معروضه وشافها وهي كلها لحريم عاريات بملابس النوم او السباحه
وانا كنت شاكه فيه هذيك الفترة يعني احس انه ملهوف علي بشكل غير طبيعي ولما سالته قالي انا شاد حيلي عشان ابيك تحملين !!!!! :08: ولما راجعت الهيستوري ذاكرة الكمبيوتر اكتشفت المصيبه :44:
وهالايام يلمح كم مره انه يبي يعرس مع انه يعرف اني مستحيل اوافق لاني عشت في بيت كله مشاكل
ابوي الله يسامحه عيشنا في جحيم من كثر ماكان يتزوج ويطلق ويهملنا ولا يدري عنا ويقصر علينا عشان حريمه وزوجي يعرف هالشي عدل ويعرف اني معقده جدا من سالفة الزواج الثاني ولا يمكن اني اوافق على هالشي وقلت له اذا تبي تتزوج طلقني وروح تزوج اللي تبيها بس انا مستحيل اعيش مع شريكة
يابنات والله حاسه اني بنفجر احس انه يطبخ شي او يرتب شي الله يستر منه ومادري شسوي اهدده اني بترك البيت او اسكت واشوف اخرتها اهمله او اهتم فيه اكثر مع اني مالي نفس ابدا اني اطالع بوجهه محتاره ولا ادري شسوي ؟؟؟؟
امس جبنا طاري للموضوع وقلت له بكل صراحه اذا تحبني وتبيني اكتفي فيني انا وبس بخيري وشري بايجابياتي وعيوبي واصبر علي واحتسب الاجر عند الله واذا تحس انك مب قادر على هالشي روح في حال سبيلك وانا في حال سبيلي وكل واحد يسوي اللي يريحه اذا انا اللحين بكمل معاك سبع سنين او ثمان وماقدرت لين اليوم اكسبك واكسب قلبك روح تزوج يمكن تلاقي الحب والراحه عند وحده غيري

يابنات انا اعترف اني في الفترة الاخيره شوي كنت مهمله في جسمي يعني كانت طالعه لي كرشه وزاد وزني بس شسوي كان هو مصر يبيني احمل وماكنت اقدر اسوي رياضه للبطن عشان لا افقد البيبي لاني سقطت من كم شهر بس والله كنت البس واكشخ واتعطر وابخر واسوي كل شي هو يبيه يعني مريحتنه في الفراش لاخر درجه حتى لو كنت تعبانه ومالي خلق مااحسسه اني تعبانه او فيني شي

محتاره ولا ادري شسوي ان اهملته لقاها حجه وان اهتميت فيه وهو كان حاط السالفه في راسه بينفذها حتى لو مهما سويت شيرو علي ساعدوني تكفون منو منكم مرت بمثل تجربتي اوعندها نصيحة تنصحني فيها