تعالو كلكم وعطوني رايكم بصراحه تكفوون

صباح الخير للجميع

انا بدخل بالموضوع وابيكم تفيدوني هل شعوري طبيعي ولالا تكفون

خطبني ولد عمي قبل كم شهر انا استخرت ولاحسيت بشي ابدا
يعني عادي جدا يااخواتي ..مافيني فرحة البنت اللي تجيها لمن تنخطب
مافرحت ولاانبسطت ولا حسيت بشي
هل شعوري طبيعي
انا ماأميل له ولااحبه ..هو مبين عليه انه يحبني لكن انا مشاعري تجاهه صفر بالميه
مو مثل ماهو مقدرني ..اشوفه واحد عادي مابعد ملت له ولاحبيته
استخرت ياحبيباتي ولا حسيت بشي
هل استمر واملك ولا لا
كلمت خالتي بالموضوع وقالت بالشوفه الشرعيه راح تحددين اكثر بقناعه هل تبينه ولالا
انا انفر منه احيانا لان شكله يخوف لكن خواتي وخالاتي يقولون الشكل مو مقياس للحياة الزوجيه ومدام انه طيب واخلاق وافقي عليه حتى لو ماتحبينه لانك راح تحبينه بعد الزواج <يتكلمون بثقه معاي ولمن اسألهم هل وقت الخطبه كنتم مبسوطين كلهم قالو ايه ..لكن انا مو مثلهم *_*
لكن انا لو ارفضه بتصير مشاكل لان هو مره متعلق فيني ونقل عمله عشاني واستقر بالرياض وترك اهله بسبتي
انا انسانه ضايعه شوروني تكفون الله يخليكم ويحقق كل امانيكم

وادعولي بالتوفيق لان مرررره انا شايله هم اخاف اتزوجه ولااحبه واعيش حياة تعيسه