عزيزاتي الله يسعدكم تعبنا من جد واحنا ندور مرايه للمدخل..
مدخل الشقه ضيق وصغير فماينفع المداخل الكامله لمن نلاقي مرايه تعجبنا من ناحية الحجم والعرض وكل شي يقلنا لازم تاخذو الطقم كامل بالدولاب وماله مكان فساعدوني وين ممكن الاقي مداخل حلوه وحجمها وسط في جده تعبت وانا ادور رحت محمود سعيد والشاطئ وسنتر بوينت وهوم بلازا ..
او وين ممكن افصل ؟؟
واعطوني افكار هذا المكان اللي راح احط في المرايه ..ادعموني بصور لو لقيت محل يفصل ..
وجزيتم الجنة:)
عموما انا كمان مدخلي صغير بس الحلو فيه انه فيه ركنية وناوي افصل عند الخزائن المبتكرة في جدة مراية طويلة باطار خشبي معلقة في الجدار وتنتهي بدرج صغير يعني ماتوصل للأرض
وفي الركن جنبها علاقة عبايات رف للتحف وتحته تجي العصاية الي تتعلق فيها العبي وله اطار خشب قد عرض العلاقات من فوق ومن الجنوب عموما روحي للخزائن المبتكرة وان شاء الله يفيدك
بس تريه غالي يعني يكلفك 3000 اقل شي