تعالو للمسلسل حقنا

المهم يابنااات مدري اذا تصدقوني ولا لا بس كونو واثقين اني ماكذبت بحرف عليكم وربي يشهد علي بهذا اليوم
هذا الكلام قبل فترة يمكن اقدرها بالشهر ونصف وكنا طالعين انا واختي مع سواق بيت اهلي ومرينا من قريب بيت اهل زوجي
ويوقف على نفس الاشارة اخو زوجي وانا من هبالتي جيت قلت ل اختي شوفي تراه هذي اخو زوجي وذيك طالعت فيه
بس تمت طول الوقت تناظر فيه ماغاب عن نظرها الين مشى بسيارته
عدت اول اسبوع وما اشوفها الا تسأل علييه من باب الفضول على قولتها استفسرت عن حياته بالكامل وبعده عادتها مرة ثانية
والحين اقدر اقولكم انه مايغيب عن بالها ومدري وش لي تخطط له
لدرجة تقولي قبل كم يوم انها مرت من جنب بيت اهل زوجي بس عشان تشوف سيارته
والله العظيم هذا لي صار
الحين الاعجاب بشخصيته صار على لسانها بكل صراحة وشكل سيارته وشكله وثوبه البني
تقول لون سيارته جذبني وشكلها جذبني مع انه سيارته رانج روفر ومو حقته اصلا ذي حقة اخوه الكبير
هو للحق شخصية وطويل ووسيم ودقن ووظيفة وراتب ممتاز
بس رجال مثله مثل اي واحد
يعني عايشة مراهقة تامة على الرجال مع انه متزوج ومن زمان والحين عنده ولدين واحد عمره ٨ سنين والثاني ٤
ولافوق كذا تنقد حرمته بكل وقاحة وليش شكلها كذا وماتهتم فيها وكيف متقبلها بهالشكل
كأنها متزوجة براد بيت او قصي خولي
مع انه حرمته جميلة بس يوم زرنا بيت اهل زوجي
كانت تطبخ ومشغلة الغاز والفرن وفاتحة الثلاجة وقاعدة تشيل المواعين وحالتها حالة
ويوم رجعنا بيت اهلي الحرمة ماغابت عن لسان اختي ابدا طول وقتها تحش بالحرمة
طبعا ما احد يقوم بالبيت غيرها وام زوجي كبيرة بالعمر وتحبها كثيييير لانها سنعة ونظيفة جدا
الحين مدري ليه قاعدة اعيش شعور الغبنة على هذي الحرمة وليش قاعدة اناظر سلفي بعين الاستحقار امس يوم شفته الا شوي حسيت نفسي بتفل على وجهه رغم انه مسكييين ماسوا شي بالعكس رجال كفو وشهم ومستقيم ماعنده حركات ابدا
بس انا عايشة الدور وقاعدة اتخيل الموضوع كله وقمت انغبنت على الحرمة واستحقرت اخو زوجي بقووووة والله ماقمت اطيق اشوفه لمجرد اني تخيلت الموضوع تخيل بس
واختي سحبت عليها شوي خايفة تسويلي مصايب مع العلم انها عزباء وعمرها ٢٦ وذاك عمره ٣٢ سنة
من جد الله لايذوقنا مرار الضرة