كثير منا يابنات تشتكي من خشونة يديها
وفي نفس الوقت نستخدم منظفات انا اول وحدة فيكم اول كانت يديني مرة تجنن من نعومتها ونظارتها لحد ماتزوجت وبديت اكرف وبدون اهتمام ننتبة يابنات بدون اهتمام اذا جلسنا في مجالس الحريم كل وحدة تشكي من الشغل ومن تغير يده واسمرارها وتنسب كل هذا للشغل والكرف وانا وحدة منهن لين ماجلست مع نفسي وقررت ابدا اعتني بنفسي وهم شي بدون ماحطم نفسي يعني كرف ماراح يكرف غيري لان مافي شغالة وكمان زوجي يبغاني ناعمة واول شي رح يلمس نعومتة في جسمي هويديني و**** استحي لمن يلمسها وكانها يد رجال موحرمة المهم يابنات انا ببدا ببرنامجي من اليوم الي بتبدا معي ي**** وكل يوم كل وحدة فينا تكتب النتيجة لين نوصل لحل اول شي لازم قبل مانغسل الصحون اوالملابس نكون حاطين على يدينا طبقة واقية من الفازلين لان الفازلين يمنع دخول الصابون للبشرة طبعا هذا بس لغسيل الصحون والملابس فقط لان في بعضنا مايفضل يستخدم الجونتيات وانا وحدة منهم بس لمن نجي لغسيل الحمام والمطبخ لازم نلبس الدسوس لان هنا رح نستخدم منظفات قوية زي المية واحد وبعضنا يستخدم جف وبعضنا يستخدم الفلاش وبعضنا يخلط الكلوركس مع الديتول مع التايد مع الديتول لكل منا طريقتة وهذي بالمرة مظرة على الايدي وتسبب جفاف عشان كذا نلبس دسوس ثالث شي لمن نخلص من اي شي غاسلينة اي شي يعني لمن مثلا نروح نطلع ملابس من الغسالة ونحط ثانية يتكون يدينا دخلت بالصابون والكلوركس على طول نجي طيران وندهن ايادينا بكمية وفيرة من الفازلين وبعدة اي كريم كريم يابنات مولوشن اي كريم يناسب بشرتنا مثل نيفيا اوجليسوليد او واحد وعشرين طبعا هذي افضل الانواع يعني كل تلمس يدينا صابون ندهن فازلين بعدين كريم حتى لو نغسل يدينا بسائل اليدين نجي للخلطة الي نحطها قبل النوم نخلط زبدة الكاكاو بالمرز وفقس وفازلين وزيت جليسوليد وجليسوليد وزيت اللوز الحلوونييفيا لوشن ونحطها بعلبة وكل يوم لمن نجي ننوم ناخذشوي وندهن فيها يدينا ونعمل مساج واحنا ندهنها عشان نريح اعصاب اليد بعد شغل البيت ونخفف من العوق الي طالعة الي الكل يشتكي منها لمن نقوم فازلين واي كريم ناسبلنا نجي للماسكات احلى شي يبيض اليد ويخفي السواد في غضون اسبوع اواقل كمان الليمون الليمون يابنات اول شيي نجيب موية دافية ونحط فيها ملح وخل ونغمس يدينا فيها لين منحسها لانت نحط عليها زيت زيتون وندهنها فيها بعدي نجيب ليمونة كاملة ونفركها نفركه زين على اليد لين ماتنشف الليمونة بعدين نقوم نغسل يدينا بموية بس ونحط كريم وكمان السكر نعصر علية ليمونة ونصنفر فية اليد ونعمل صنفرة لها كل يوم في وقت ماتفضين وتكونين منسدحة عند التلفزيون تريحين عشان ما نتعيجز ممكن تعملين الصنفرة بالبيت وتحطيها بعلبة تحطين ملح خشن وعصير ليمونة وطحينة سايلة وعسل وقليل زيت زيتزن وزيت اللوز الحلو وممكن تستخدمين الجاهزة بس انتبهي تغسلين بعد السنفرة بموية بس وابعدي عن الموية الدافية زيادة عن اللزوم افضل شي تكون متوسطة طولت عليكم بس ياليت الي بتبدا معي ترد والي ماراح تبدا تعطيني رايها بالموضوع
عاشقة الصمت 66 @aaashk_alsmt_66
عضوة جديدة
يلزم عليك تسجيل الدخول أولًا لكتابة تعليق.
* حواء غاليري *
•
يعطيك الف عافيه
مشكورة حبيبتي فعلا اليدين مع كثر الغسل و الشغل تتغير كثييييير الله يعين بس و الموية الحارة جدا ضاااارة للجلد
الصفحة الأخيرة