حبايبى جايبالكم وصفه جناااااااااان تقلل نمو شعر الجسم ومرتين وتلاقيه اختفى نهائيا
هاحكيلكم الحكايه برضه
طبعا كلنا بنضايق من الشعر اللى فى الجسم وطبعا انا ماسكتش فضلت اسأل لغاية مالحمد لله لاقيت الحل واحده كوافيره قالتلى عنها وجربتها لكذا عروسه ولنفسها كمان
و علشان خاطر عيونكم هاكتب الوصفه :-
طبعا هى طريقة الحلاوه التقليديه بس عليها شوية اضافات (دى بقى اللى بتقلل الشعر وتمنع ظهوره )
كوب ماء
كوب سكر
من العطار تجيبى حاجه اسمها فسوخ بمقدار حبة البندق
مسكه حرة مطحونه بمقدار ربع ملعقة شاى
3 معالق شبه مطحونه+ نصف حامضة
كل المقادير دى حطيها على النار وافضلى قللبى قللبى قللبى زى مابتتعمل الحلاوه بالظبط
وبس شيلى الشعر عادى وهاتشوفى ازاى الشعر قل من اول مره واذا لاقيتى طلع مره تانيه بعد فتره قصيره اعمليه تانى بنفس الوصفه
انا عن نفسى عملته اول مره وبعد شهر ونصف طلع تانى ده فعملت الوصفه تانى وشيلت الشعر ودلوقتى بقاله تقريبا 6 شهور مش شايفاله اى أثر رحت للكوافيره قالتلى هو بيغيب اوى لمايبدأ يطلع وممكن يقعد سنه مايظهرش خالص وأذا ظهربعد السنه اعمليه تانى وهايقعد سنه وهكذا للافادة ولا تحرمونى من دعاكم وتقبلوا تحياتي
يلزم عليك تسجيل الدخول أولًا لكتابة تعليق.
مقلم
•
يعطيك العافيه وبجربها ان شاء الله
الصفحة الأخيرة