الواثقة من نفسها :

اهم شئ تتعود البنوته على النظافه والريحه العطره بناتي ياخذون شور يوم ورا يوم يعني 3 مرات بالاسبوع علشان مايفقد الجسم نعومته اذا اخذوا شور يومي يضر البشره والشعر هذا بالنسبه لبناتي لان بشرتهم حساسه وكثره استخدام المويه او السباحه بالمسبح تنشف جسمهم بعد الشور والشامبو كل وحده لها نوع خاص لان نوعيه شعورهم مختلفه الشعر الدهني تستخدم صانسيلك وهكذا اللي فيها حساسيه ادهنها كريم طبي واللي شعرها ناشف ومتقصف ادهنها ببديل الزيت من بانتين ويكون الشعر رطب مندي وبعدين بودره من نكتار المجموعه البنفسجيه خياااااال ريحته وبعدين انقط خفيف من دهن العود وادهن رجولهم وايديهم كريم الاطفال من جونسون حتى الوجه طبعا اذا كان فيه خروج لمناسبه لازم اسوي لهم صنفره لاجسامهم وماتتخيلوا الجلد الميت كيف يتساقط عموما نادرا اسوي هالطريقه لكن اركز على المرفق والركب واللبس لازم يكون قطني 100% على الجسم مباشره ويكون مبخر بالبخور بدرجه خفيفه واذا كان فيه مناسبه لازم اسوي تسريحات مختلفه لكل وحده فيهم وعلى حسب ميولها وشخصيتها والملابس لازم تكون انيقه والجزمه والشراب ماتلبس الا مع اللبس نفسه يعني لكل طقم جزمته وشرابه وقبعته واكسسواراته وربطاته هذا ينمي الذوق عند البنت وتصير تحب وتتعود على تناسق الاشياء وخاصه تناسق الالوان بناتي الكبار هم يتنقون اللبس من الدولاب طاح همهم شوي اما الصغار اتعب كثير معهم لان مزاجهم صعب الله يصلحهم واهم شئ تكون الالوان مناسبه للون بشره بناتكم يعني البنكي والفستقي والليموني والاحمر مناسب للطفله البيضاء والسماوي بدرجاته والابيض والوردي الغامق والاخضر الفاتح مناسب للسمراوات ابتعدوا عن الالوان مثل الجيشي والاسود والكحلي ماتناسب الاطفال من سنه لعشر سنوات بعد العشر ممكن الجزمه حاولي تشرين اكبر من مقاسها لان رجل البنوته ماشاء الله بسرعه تكبر والله اتفاجا بانها صغرت عليها بسرعه صرت اشتري اكبر وارتاح والطفل يرتاح بعد وخاصه انها كندره تطول وهي لابستها اما بالنسبه للميك اب والارواج والكحل هذا مااحب اشوفه على البنوته حتى لو كانت بسن المراهقه مايناسب الا المتزوجات هذا بعض مما لدي لانكم تتكلمون عن البنات وانا عالمي بنوتات واحب اكشخهم ااااخر كشخه ماشاء الله لاقوه الا بالله

اهم شئ تتعود البنوته على النظافه والريحه العطره بناتي ياخذون شور يوم ورا يوم يعني 3 مرات...