هلا ب سها ......اسمحى لى عزيزتى ان اضم موضوعك الى موضوع الاخت بنت الشرق لتشابه محتواه وبالتالى سيكون التجاوب عليه اكثر ... تقبلى تحياتى

لا إله إلا الله ..
والله وانا اقرأ كل مشاركات الأعضاء أحس بتعب ..
والله سبحان الله عندما يقرأ الانسان عن مصائب غيرة تهون عليه مصيبته ...
جعلها الله في ميزان حسناتكن جميعا ..
واتمنى من كل مشاركة ان تكتب الإفادة من ذكر مشاركتها .. حتى يتسنى للجميع الإستفادة من الحدث الذي مرت به المشاركة ..
وجزاكن الله كل خير ..

اللهم ارحم موتانا وموتى جميع المسلمين .. وادخلهم فسيح جناتك ..
أمين

الساكنة

هذاني دشيت وياكم..

أدرى بتقولون وش فيها هاذي حاشره عمرها..

هذا موقف مؤسف حدث لي..لكن يللا


أنا من عادتي أني خجولة وصامتة وما أتدخل باللي ما يعنيني..

لكن شاسوي ...حتى هذي ما يرضون عليها أهل الزوج..
لأني كنت ما اسولف مع النسوان اللي جايين يزوروني من شدة الخجل..لأن عمري كان وقتها 17 سنة والنسوان هاذول أعمارهم تزيد عن 40 سنة ..يعني بالله شنهو السالفة اللي أقدر اطقها معاهم..
قالو هذي وحشية ما تحب الناس..ولا تحب اليمعات والقعدات النسوانية..

قلت يلا.. لازم أحاول اقعد وياهم..واحشر عمري معاهم في السوالف يمكن أقول كلمة الله عادلها وأشارك مع الكل..

المهم في يوم من الأيام كنت آآكل تمر مع أم زوجي.. شفت مرة وحدة دودة في التمر.. خفت ..تعرفون أول أيام الزواج جني وحدة مدلعة كأني كنت عايشة في بيت عز وأناقة ورقة.. ما يدرون إن احنا جايين من بيت الفقر..لكن هييه ..شنسوي هذا بيتنا تربينا فيه ما نقدر نقول شي..المهم نرد عل سالفتنا..

شنو كنت أقول..إيه خفت وحذفت التمر من يدي وصرخت دود ..دوووووووود..

ترى صج أخاف انا من الدوود وايد..

المهم أم زوجي شافتني من صصجي اصارخ ..خصوصا إن هي ما كانت تشوف عدل..وما كلت من هذا التمر مرة ثانية ..
وعندي انتهت السالفة إلى هني..

وبعده بيوم أو بيومين ما أذكر والله ...جات وحدة من النسوان وهذي المرأة كانت من النوع اللي يقبل أي شي حتى لو كان شين..وكانت الله يعافينا وياكم تهف الاكل من السفرة اللهم لا شماتة..وهذا اللي شفع لي في الموقف..
المهم..

وإلا أسمع أم زوجي تقول لها يا فلانة اخذي التمر اللي محطوط فوق العتبة..وكانت أم زوجي راعية كرم..تكرم وتتصدق على الكل..فقالت لها أخذي التمر..

وأنا أسمع..يعني شنهو اخذي التمر..رحت أشوف. الظاهر إن المحروسة أم زوجي..شسوت..عطتها ذاك التمر..اللي فيه الدود..تصوروا؟؟؟.وهني قررت أشارك بالحديث النسواني اللي يا ليتني ما نطقت به..

قلت لها يا يما ليش تطلعين هذي التمر..عشان دودة وحدة وكانت ميتة بعد.. خلي عشان ناكله ..ما عليج من الدودة..ناسية إن المرأة اللي كانت مستانسة على التمر واقفة جدامي تسمع..


وتخيلوا وجه أم زوجي عقب هالسالفة.

من عذرهم الحموات يشدون على مرت الولد؟؟

وسامحوني إذا طولت عليكم..

اخواتي SOHA 2002 ..ساكنة القلوب ..لينا

حياكم الله وياهلاااا فيكم ومشكوره اختي ساكنه على الاقتراح

اما بالنسبه لي وهو اصعب موقف في حياتي كان مع زوجي توضف في وضيفه جدا ممتازة مميزاتها تعطي الموضف سكن وسياره ومبلغ كبير نهاية كل سنه وكان فرحان جدا بهذه الوضيفه وبشرني بالسكن وفرحت جداوهو ايضا كان متحمس لدرجة اننا كنا يوميا نذهب السوق لاختيار اثاث المنزل الجديد وحطينا عربون لغرفه نوم جدا جميله وجمعت بعض الاثاث في شقتنا الصغيرة استعداد للنقل وجاني زوجي يوم من الايام فرحان قالي تعالي معي عشان اروح استلم مبلغ السياره اللي باشتريها وفرحت جدا بهذه المفاجاة ورحت معاه يومها راح لاحد فروع هذه الشركه وكنت انتضره في السيارة وبعد شوي ركب السياره ووجهه متغير وسالته خير وش السالفه قال لقيت خطاب من المدير لصاحب الشركه بقرار فصلي انا واثنين من اصحابي وقتها والله يابنات ماتتوقعون هول المفاجئه علي والله تمنيت لو يصير لنا حادث واموت وقتها وارتاح خاصه وان هذه ماهي اول وضيفه لزوجي يفصل منها وقالي زوجي لازم تروحين الحين عند اهلك وتقولين لهم عن السالفه وقوليلهم اننا بننقل الجنوب عند اهلي يعني صارت عندي مصيبتين فصل زوجي وفراق اهلي والرياض الحبيبه ورحت عند امي الغاليه التي بكت عندما علمت بالخبر هي واخوتي كلهم والله يابنات انها لو يمر علي اصعب المواقف لايمكن تكون مثل هذا الموقف المحزن وبعدها طلعنا انا وزوجي وجالس يقوااي الحمدلله يمكنها خيره لنا اما انا لم استطع الكلام حتى البكا ء في ذلك الوقت وزوجي استمر يدعي عاى مدير الشركه وصاحب الشركه ودعوة المظلوم مستجاااااااابه قبل سبعة شهور مات ابن صاحب الشركه غرقا ومدير الشركه جاء قرار فصله قبل شهر ولكن الحمدلله على كل حالولسنا من الشامتين بهم ولكن لعلها تكون درسالهم ولغيرهم والحمد لله رب العالمين 00000000000000000000