تعالو ندردش عن القهوة وكل وحدة تحكي حكايتها معاها

اطباق عالم حواء

بسم الله الرحمن الرحيم

يقولون : الدلّة اللي ماتبهّر من الهيـل=مثل العجوز اللي خبيثٍ نسمها








السلام عليكم ورحمة الله وبركاته

كيف حبايبي بنات عالم حواء وشخبار الدنيا معاكم

كل واحد فينا طبعا مليان مشاغل وهموم ناس طايحة أسهمهم الله يعوض عليهم وناس بحوسون ببنا بيوتهم وناس تذاكر وناس تسافر وناس وناس وناس

لكن أكيد فيه وقت يكون فيه الوحد محتاج شي يعدل المزاج صح وتختلف أذواق الناس من فلان لعلان

أنا عن نفسي اعمل ترمس القهوة أحيانا بشكل يومي ومرات بالهيل ومرات بالنانخة على حسب التصديعة والمزاج:mad:
وأحب أحيانا ما أعمل أي شي وأنا أتقهوى ولا حتى أتكلم لين ما يستوي راسي وأحيانا يصك في راسي أكلم أمي أو أي احد على التفلون وأنا أتقهوى >>>>>>>> تصانيف

والمشكلة الكبيرة اللي تواجهني اني ما أستسيغها إلا مع الحلى


وكلكم عارفين الحلى وعمايله
لكن في الآونة الأخيرة يعني من اسبوع تقريبا غيرت النظام للتركش كوفي


قلت هنا مافي داعي للحلى والسكر اللي فيها احطه منخفض السعرات

لكن يقول المثل قديمك نديمك وأنا أكتب هذا الموضع وترمسي جنبي يلهمني الأفكار هههههههه:39:

طولت عليكم مو بس هذي دردشة

وهذي حكايتي مع القهوة احكولي انتم عن قهاويكم

بانتظار أهل الكيف :27:
61
7K

يلزم عليك تسجيل الدخول أولًا لكتابة تعليق.

تسجيل دخول

*لمعه*
*لمعه*
يووووووووووووووه مسكتيني مع اليد اللي توجعني

وهل يخفى القمر ((اللي هي القهوه ))يا حبني لها وطاريها يختي احسن شي القهوه في هذه الحياة >>>اقول لاعاد تعبرين عن مشاعرك ههههههههههه

المهم تراني من عشاق القهوه بالهيل طبعا والزعفران اااااه يا سلام ومع جمعة الاهل والاخوات او اي احد المهم معي احد يتقهوى

واحسسسن شي ريحتها اذا قامت تفوح
وتراني ارحم اللي ما يحبون القهوه احس انهم محرومين خخخخخخخخخخ

مشكوووووره اختي على موضوعك اللي يعدل المزاج
نزف المحاني
نزف المحاني
ينقل من المقبلات الى الأطباق ...
]دهن العود
]دهن العود
لاتكلموني عن القهوه وعمايلها فيني وخاصه لما تكثرين هيلها مع شوي من الشيبه وشوي عويدي :32:

وجنبها كم نوع حلى الله يسامحكم شكلي بروح اسويلي دله :p
مدو مافي قدو
مدو مافي قدو
والله كانكم تتكلمون عني بالظبط انا مايستاسع صدري الا اذا سويت اقهيوتي وجبت معه اي شئ ينقنق

وتشوفينن بعد ثالث فنجال وانا مسفهله ومروقه اه يالله من فضلك

حتى لا صارعندي شغل ومالي خلق اشرب هاالترمس وصحصح

حتى ان زوجي يضحك على يقول لا شافني كسلانه ماعبيتي بانزين

يقصد القهوه وعلى قولتك ارحم الي ما يحبونه ودي اقولهم جربو وشوفو سعة الصدر

اممم الله يهديك اشتهيته والوقت متاخر ان شاء الله نعوضها بكرى سلام معطر برائحة القهوه
أجمل الغيد
أجمل الغيد
القهوة ومادراك مالقهوة :27:

انا افتتح يومي بها يعني فطوري قهوة:35:

بس لازم نوعية تمر فاخرة سكري او خلاص من النوع الزين :26:...وجنبه صحن اقط اموت عليه مع التمر والقهوة جربوه والله ادماااان حتى الحرقان اللي يجيني من التمر خف علي وااااجد...:)


واذا جاء معه حلا منيب قايلة لا:)

والله احيانا معد اشتهي الغداءء من كثرة القهوة ....واذا جاء المغرب او العصر نزلت عند حمولتي وتقهويت ثانية معهم ..

بنات وش رايكم بريحة القهوة برمضان وهي تفوح ومعها ريحة قلي لقيمات او سمبوسة :icon32: احسها تجنن هالريحتين مع بعض :cook


صارت الريحة هذي تذكرني برمضان الله يشرفه :hahaha: