تعالو نسولف عن رمضان وبعض العادات البايخة فيه

الحمدلله مافي اي عادة بايخة برمضان
حتى جمعات الاهل وعزايم الفطور عند كل بيت
هذي كانت ميزة في رمضان
وللأسف انقرضت
اللهم بلغنا رمضان لافاقدين ولا مفقودين

ليه للاسف بالعكس احس تعب الجمعات عاد بالذات لاجو مايساعدو ولايجيبو شي معاهم ويغلق رمضان كله وانا ماقريت ايه وحدة اشوف انه شهر عبادة والله اكثر من عزايم

شهر رمضان اجمل الشهور
جهزي مفرزناتك نظفي مطبخك تنظيف عميق
كل شي تحتاجيه خليه قدامك بتصير حياتك أسهل
ووجود الضيوف ميزة فيه وثواب إطعام الطعام لا يفوتك
منها صلة رحم ومنها وجود ضيوف ومنها افطار صائم ولمة ووناسة وسعادة اقنعي نفسك ان وجود الضيوف ساعة
اذا هم جايين للفطور بيمشون بعد العشاء
يمديك بعدها تقرأين قرأن وتتعبدين وشغلك بالمطبخ لو احتسبتيه لله فهو اجر وثواب

اكثر شي اشيل همه الالتزام بالكرف والطبخ طول الشهر
لدرجة اني اتمنى يكون رمضان فيه كل اسبوع يومين راحه
عشان اقدر انام زين واستجمع قوتي من جديد
الله يبلغنا وياكم شهر رمضان بخير وصحه وعافيه

ماعندنا عاده شينه وصح مو كل الشهر عزايم فطور عند الناس مب زين لكن مايمنع مثلا مره وحده تنعزمين فطور في الشهر كله عادي انا مره وحده افطر عند اهلي تناديني امي او اخت زوجي تعزمني
واروح بطبقين حالي ومالح او واحد منها مااروح يدي فاضيه مافيها شي الزيارات لكن زي ماقلت مو كل الشهر تطلعين لا
والقراءه عادي مصحفي معي بالشنطه اخذه معي واقرا هناك عندهم شوي ونصلي تراويح وقيام ماراح تنقطع العباده بمجرد اني بطلع انا كذا اسوي
كل ماصليت فرض افتح المصحف واقرا لو صفحتين وقومي لشغلك اذا فضيت بعد التراويح قريت اكثر هالشي ساعدني كثير في ختم القرأن
اغلب الطلعات نصير قرينا قرأن ومصلين في بيتنا والحمدلله
لكن اللي طلعاتها بتقطعها عن عبادتها وماتسوي شي ولاتقرا مشكله
وانا اشوف ان الواحد يصير وسط مو ينقطع ولايصير كل يوم طلعه
اتكلم عن الاهل اما اقارب مانروح اول قبل مااتزوج انا واخواتي وبنات خالاتي وماجبنا بزارين تونا نجتمع اسبوعيا مع خالاتي عند جدتي الله يرحمها بعد التراويح هي تعزمنا والعشر الاواخر خلاص مانجتمع الا بالعيد وبس
الله يبلغنا ياه وحنا بصحه وعافيه ويجعلنا من صوامه وقوامه اللهم امين ❤