1-كم لها متزوجه؟ سنه و7شهور
2-كم عدد اعيالها؟ بنوته عمرها 7 شهور
3-بيتها مكون من كم صاله وغرف وحمامات ومجلس وووو؟مجلس رجال وحمام ومقلط (قسم الرجال) مجلس حريم وحمام وصاله صغيره (قسم الحريم) مطبخ ومستودع داخلي غرفة نوم بحمامها
4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟ المطبخ يومي واللي امر عليه امسحه اتفقده بكذا ارتاح ومايكون عندي شغل كثير والغسيل مرتين في الاسبوع والكوي مره كل اسبوعين بحكم ان زوجي سبورت اغلب الوقت اكوي طبق كذا تيشيرت وخلصنا وتنظيف قسم الرجال وقسم الحريم مره كل اسبوعين / غرفة نومي طبعا بشكل يومي ارتبها وحاطه فيها سله تنقفل للغسيل وحمامنا حاطه بقارورة مويه داك صنوبر وداك بالورد وكلوركس وجل العملاق الاخضر مع بعض وبعد كل ترويشه لازم شطف وبعد ما اروش بنتي برضو شطف
5-وش الادوات والمنظفات اللي تستخدمها في التنظيف؟ للمواعين فيري وكلوركس - للمطبخ ككل داك صنوبر وجل العملاق الاخضر وجف للفرن وملمع قزاز وسلامتك







ببدأ معك من بكره
وكل وحده تقول وش سوت شرايك ؟؟ :27:

يللا يا ام دنو
انا الحين المطبخ نظيف المواعين مغسوله والطاولات ممسوحه والارضيه نظيفه
والثلاجه بعد مرتبه اشوي بقوم امسح الفرن مامسحته بعد العشا امس
والصاله نظيفه الارضيه مسحتها يوم الاربعاء واليوم بمسحها
غرفة نومي امس نظفتها على السريع يعني سطحيا نظيفه بس داخل الدواليب عفسه
وغرفة بنتي ماسويت فيها شي
والمجلس بعد ما سويت فيه شي
الحين حاطه الملابس في الغساله
وووبس

الله يعينا واياك

1-كم لها متزوجه؟
من ثلاث سنوات ونصف

2-كم عدد اعيالها؟
عندي ولد سنتين وشهرين وحامل الله يهون علي وكل الكروشات

3-بيتها مكون من كم صاله وغرف وحمامات ومجلس وووو؟
مكون من غرفة نوم ومطبخ مفتوح وصالة ومجلس مع حمامه مهجووووور
والدور الثاني صاله وغرفة وحمام

4-والمهم شو نظامها اليومي والاسبوعي في تنظيف بيتها؟ والغسيل والكوي؟ومتى تبدأ كل هذا؟

بصراحه ماني منتظمة على جدول معين اقوم الساعه 11 ونص او 12 افطر انا وولدي ارتب السرير
اذا عندي غسيل بديت بالغسيل وغالبا السبت غسيل والاحد كوي
المهم انو يوم غسي واللي بعده كوي
يجي زوجي من الدوام 1 ونص وينام مافي غدا
انا اجلس عانت شوي وابدا بالغدا واذا كنت بسوي حلا مع القهوة
العصر نتقهوى بعدين نتغدا المغرب انظف المطبخ وبعدها اذا البيت محتاج تنظيف نظفته اذا لا يا اطلع او عالنت مع ولدي 10 10 ونص اتعشى انا وولدي ونستعد للنوم عاد شوفي متى ينام :mad:
وهذا روتيني هالفترة

5-وش الادوات والمنظفات اللي تستخدمها في التنظيف؟
بالنسبة للملابس تايد والوزيرللبيضاء وبونكس للملون
وما استغني عن فانيش مهما صار والملطف داوني او ماس واذا كان في عرض لجوهر كمفورت الاحمر وااااااااو رهيييييي

المطبخ
فيري و جف
409 للفرن
الاسطح ببخاخ داك الاحمر مع موية نظافة وريحة حلوة

الحمامات
خالطة بعلبة جل العملاق الاخضر مع تايد وشوي موية وطالع زي الكريم < للارضيات
101 لكرسي الحمام
وبخاخ الزجاج للمرايا والادراج

الارضيات
داك الاحمر مع مويه وامسح فية السيراميك بفوطة طبعا < اكتشفت انها الافضل على الاطلاق
هذي المنظافات اللي مستحيل استغني عنها يتوقف الشغل عليها
اما الباقي اعتبرة مكملات مو دايم استخدمها

اتمنى ما اكون طولت وثقلت عليكم

حبيبي وانا
الله يسهل عليك
بس ماشاء الله في تنظيم على الاقل
مدري ليش انا مااقدر انظم وقتي
والله لان بنتي ماتخليني بكيفي
اليوم ما سويت شي في الشقه
سويت عشا وحلا عاد تخيلو من العصر وانا اشتغل فيهم توي مخلصه هالبنت ما خلتني كل اشوي تصيح واشيلها
ونظفت المطبخ غسلت المواعين
ومسحت الطاولات عالسريع
باقي الفرن والارض

الله يعيننا واياك

كلنا كذا

انا اليوم نظفت مدخل البيت والصاله تنظيف كامل وكويت الملابس اللي تنكوي
وشغلت الغساله على غسلتين
واحس ظهري انكسر خاصه اني حامل

وبالنسبه للجدول ماعندي وهذا اللي حايسني

وبكرا ودي انظف غرفتي تنظيف كامل للارضيه والخشب والدواليب ودي ارتبها واطلع اللي مااحتاجه من الملابس

وش رايك نكتب هنا كل يوم وش سوينا عشان نتحمس