تعالو نشرب القهوه سوى ونشوف لنا حل في الرجال اللي يدخل نفسو فــكلام الحريم

هلااااااا وغلاااااااا حبايبي


تعالوا ندردش في دا الموضوع المهم


ونتبادل خبراتنا ومشاكلنا ونفيد بعض


ودا الموضوع مو سهل

ياااماا تفرقو ناس وتقاطعو ويااماا إنخربت بيوت بسبب نقل الكلام

طبعاً الحريم حياااااااتهم نقل الكلام وبأساليب كتيره احيانا تجيبهاا كداا على بلاطه

واحيانا تسوي انها الشغله زلة لسان وانو مو قصدها تنقل الكلام <<<< أساليب ملتويه

واحيانا تسوي انها على نيتها وتبغى المصلحه العامه وطبعاً ولا همها خير ولاهم يحزنون إلا

بالعكس تقصد الشر بعينو

وطبعاً اساليب كتير واسباب كتير


بس برضو نرجع ونقول خلاص انعرفو الحريم بكترة الكلام ونقلو <<<<<< إلا من رحم ربي


المصييييييييييييبه لما تكون دي الصفه البشعه في الرجااااااال


يااااااا ساااااااتر مرررررررررره يطلع صغييييير وتافهه في عيون الناس اللي تفهم


يروح ياخذ كلام من بيت اهل زوجته ويوصله لأهله


وإلا لعديله اللي ماكان موجود

ومن أهله إلى زوجته ومن الزوجه للأهل وعلى كدااا


بصراحه شخصيه مقرفه والواحد يشمئز منها

والرجال يطيح من عين الحرمه حتى لو فرحت في البدايه إنو بيكلمها ويحكيلهاا

اناا اعرف وحده مادخلت بيت اهلها من سنتين ياا لطيف وكلو بسبب إنو زوجها نقل كلام لزوج أختها

قام أبوها طردو من البيت وهو قال لمرتو يا أنا يا أهلك وعندها بزوره وأهلها على قد حالهم مو

ناقصهم غُلب

قالت لأهلهاا قالوا لها إسمعي كلامو وإذا حبينا نشوفك وتشوفينا نتقابل عند أحد من الأقارب أو أي

مكان عام إن شاء الله في المسجد




ويااامااا سار طلاق وياما وياما.............


الله يجيرنا من الرجال اللي زي كدا والله كأنهم حريم وحرام فيهم إسم رجال !!!


والكلام في دا الموضوع ماينتهي والحكايات كتيير


أبغى تشاركوني باللي تعرفوه وبمواقف مرت عليكم وأيش رأيكم أصلاً في الرجال اللي زي كداا ؟؟

وأيش ممكن تقولي لزوجك لو أكتشفتي إنو نقل كلام ؟؟

ولو تكررت ؟؟

وليه سوى كدا أصلاً ؟؟

كيف ممكن يبطل العاده السيئه دي ؟؟



يلااااااااا يا بناااااات حواء رايحه أجهز القهوه اللي تحبهاا قلوبكم وأسويلكم حلى لزييييز زيكم :)


وأجي إن شاء الله نكمل حشنااا خخخخخخخخخخ