تعالو نشوف ليه كل وحدة منا تشتكي من زوجها على طووووووول

بسم الله الرحمن الرحيم
الأ كل زوجه تحب ان تحافظ على بيتها وعلى ابنئها
لوتلاحظون دئما نشكو من حياتنا وانا وحدة منكم دئما نقول زهقنا ملينا من المسؤليه نبي نرتاح:angry:
ونسينا ايه بلقران(انا خلقنا الأنسان في كبد)
بنات ليه مانغير من حياتنا نحاول نوضع حلول
دئما الحريم يقولون ازواجنا مايجلسون معنا مايشوف اخباري انا والعيال
طيب اسالكم بالله كل وحدة تقول متى اخر مرة تشيكت لزوجها شياكه مثل ماتطلع للافراح
ادري فيكم بتقولون الصلا ازواجنا مايكشخون الا لما يطلعون برى او مع اخوياهم او بلمناسبات بس احب اقولكم سبحان الله المرة اذا حبت زوجها مكتفيه فيه وفي شكله اما الرجل بلعكس يحب التجديد بشكل والبس ولا ننسى كمان نفسيت المرة لها دور اساسي في تقرب الرجل وفي نفورة
بقولكم حاجه زوجي دئما يرحم واحد من اخوايه يقول عايش في جحيم مع مرته يقول من يوم يدخل زوجته تقابله تتشكى من العيال والبيت حوسه والعيال متبهذلين وهي نفسها متبهذله ونفسيتها دئما زفت وتعصب وتصارخ يقول والله ماصدق اني اطلع من البيت المهم انه استاجر له شقه تخيلو يعني هرب من مين ؟؟من شريكه حياته !1
ولا واحد من جماعتنا متزوج ومطوع واخلاقه ماشالله المهم زوجته كثير تروح لأهلها ونتيجه ؟؟الرجال كثرت سفرياته لخارج المملكه المشكله انها تيجي مرته وتقول زوجي يسافر كثير :mad:طيب لحظه ماسالتي نفسك ليه ؟؟؟السبب منك حبيبتي لوانك تجلسين بيتك من البدايه وحافظه على زوجك ماظن لقى وقت خرج برى البيت اوكيه زيارة الاهل تكون بلايام وترجعين لبيتك مو بلأسابيع وشهور :mad:
في حاجه تقهرني بنات الحين انتو دائما تطلبون ازواجكم الاسواق وهم مايقصرون على طول ينزلونكم ونتو تتقضون يالله عاد المكياج والعطورات والبخور ولارواج وبنهايه تحطونهم بتسريحه وكأنها منظر وماتستخدمونها الا اذا بتطلعون لبرى طيب زوجك مسكين مانزلك السوق وخسر ودفع الاعشانك يبي يبسطك ونتى في النها مستخسرة تونسينه بلحاجات الي هو جايبهم لك
ولا بعض الحريم اذا جت تنادي جارتها للقهوة قامت تحط السفرة طول وعرض لدرجه الازواج تيجي في نفوسهم انك ماتسوين له كذا ليه صارت حقوق الناس اولا من زجك هو الي بينفعك بعد الله بنات ترى نحن معشر النساء فينا جحوووود يعني تلاقين الرجال مسكين يحاول يرضى زوجته باي شي بس لو يغلط حاجه صغيرة تقومين عليه حرب طيب نستي حسناته كلها وتذكرتي سيئه سواها لك
بنات الزبدة ابي كل وحدة فيكم وانا معكم قبل لا نطلب حقوقنا كل وحدة تسال نفسها هي ادة واجباتها لزوجها على اكمل وجه وبعديييييييييييييييييييييييين نطلب بحقوقنا
انا كمان ماانسى ان الرجال بعضهم مقصرين لكن الغلب دئما يكون من اتجاة النساء:09:تعبت وانا اتكلم اتمنى ماتكون تعليقاتكم جارحه والكم مني افضل تحيه:39: