تعالو نضحك شوي ونغير بما إنا نواسي بعض خلونا نضحك بعض

الأسرة والمجتمع

السلام عليكم صباح الخير خواتي
بما انا نواسي بعض ونطرح حلولنا و نوسع صدورنا
انزلي واكتبي اللي عندك موقف مضحك نكته اي شي
خلونا نخفف شوي ضغوط الحياه عشان نقدر نكمل ونعيش
الله يزيل همومكم ويغسل صدوركم من الهم والحزن والغم ويريح بالكم بذكره الطيب
موقف محرج
يوم كنت بصف خامس اخذت درس عن مبطلات الصيام
منها الجماع في نهار رمضان يفطر
طبعا ايش جاء في بالي الجماع ايش هو تعالو اقولكم
والله وجتكم الشيخه ثريا وخذيت الكتاب معي عشان اوريهم الدليل واكون لهم ناصحه لوجه الله😂😂😂😂
واروح لامي وابوي وهم كانو يتقهون قلت يابوي ترى الجماع في نهار رمضان يفطر
ابوي وامي ضحكوا ضحكة المجرمين😎😎
قال ابوي كيف طيب الجماع في نهار رمضان قلت يعني انك تجتمع انت وامي جنب بعض لالا مايصير لازم انت تجلس هنا وامي باخر الصاله😑😑
والله ماشاء الله علي
الزبده ضحكوا وحسيت الموضوع فيه لبس قالو خلاص قومي بس
ياخبر اليوم بفلوس بكره ببلاش
...................
تبين تهدين اعصابك :
ما يهدي الأعصاب الا الفلوس 💶💷
الليمون اعصريه على ركبتك .🍋
خلاص اخر شي😂✋🏻
..............
بعض البنات كاتبين : عنيدة جداً ولا ارضى بسهوله.
الترجمة : ما امشي إلا بالنعال 👡
..............
موقف مانساه
حطيت حبتين فحم عالنار يقال اني ببخر البيت وبعدها بروح لاهلي ويكند طبعا والله واحط ذيك الفحمتين واروح ارتب شنطتي والبس عبايتي واركب السياره ولا دريت عن الفحم طبعا كان يوم خميس والله ماطفى زوجي النار عليه الا يوم الجمعه بالليل😳😳😳😳
وعادي اصلا ماقالي زوجي شي😖😖😖
ومن يومها وانا اخذ لفه عالبيت قبل لاطلع ربي ستر
..........................
  • المايك لكم اكتبي اللي عندكم خلونا نغير شووووويات😘😘😘😘
27
4K

يلزم عليك تسجيل الدخول أولًا لكتابة تعليق.

تسجيل دخول

مريم يحي
مريم يحي
روووووعه سالفة الجماع لا بعد الأخت مسويه فيها إفتاء وأدله هههههههههههههههه والله ضحكتيني
الثريا 1199
الثريا 1199
تدرين ياجواهر خليت السالفه كلها ورحت افكر بالقميص القصير في هالبرد 😂😂😂😂😂
لو لابسه من تحته سروال طويل كان ماتسدح الرجال 😎😎
مريم يحي
مريم يحي
واحد يقول اتصل علي خالي وكان وقت الأذان
قالت له أمه :اخوياك اللي يدقون الحين مايصلون
قال :هذا خالي قالت : اه يمكن باقي ما إذن عندهم
ليييه العنصريه يالقلب الحنون هههههههههههه
مريم يحي
مريم يحي
ايام الابتدائي


لما الأستاذ يضربك وترجع كرسيك وتمسك الطاوله لأنها بارده وطالع في خويك وبعيونك دموع وتقول : اصلا ماتعور


براءه +كبرياء
مريم يحي
مريم يحي
عجوز ركبت طياره من جده للرياض ولما وصلت الرياض راحت للطيار وقالت له :


تزرق بي لدوادمي وازيدك عشره
هههههههههههه