تعالو نطرح حلول لمشاكل ام الزوج

هلا حبيباتي من اكثر المشاكل في مجتمعنا العربي
مشاكلنا مع ام الزوج لازم كل يوم نلقا مشكله

طيب ليش مانتجمع كلنا حتى اللي مو متزوجة لانها اكيد بتكون اخت زوج واندور حلول واللي صارت لها مشاكل ورجعت على قولهم سمن على عسل تقول لنا وش الاسلوب والطريقة اللي اتبعتها لان فعلا موضوع مهم ام الزوج واهل الزوج عموما مهم جدا تكون علاقتنا فيهم كويسه ونتبادل الاحترام والمحبة لانهم اهل عيالنا
شوفو انا قبل سنة كانت مشاكل بينى انا واهل زوجي كبيرة لدرجة القطاعة ولو شفتهم في مناسبة مااسلم عليهم يعنى وصل الحد لدرجة الكره الصراحة المشاكل هذي غيرتني تعبت نفسيا رغم والله اني ماامدح في نفسي اعاملهم كنت بطيب واحترمهم واكرمهم حتى زوجي تغير يعنى اكثر مشاكلي انا وهو اهله
توفى عمي ابو زوجي والله كنت اشوف فيه ابوي الله يرحمه توفى عمي فجأة وانا كنت مقاطعته كان له سنتين مايدخل بيتى وكنت حارمه عيالي يروحون لهم بعدها انهرت وعرفت ان الدنيا ماتسوى وحسيت زوجي انكسر بوفاة ابوه عاد هو جاته جلطة فجاة في المخ واكثرهم كانو يسألون احد زعله لانه ماكان كبير بالسن يروح ويجى والكل يحبه وكان شبابي الله يرحمه
في يوم كنت جالسه مع زوجي قالي خلاص مابي مشاكل مع اهلي مااحد موت ابوي بعد الله سبحانة وتعالى الا المشاكل ويمكن يصير فينى مثل ماصار فيه فوقنى بالكلام اللي قاله لي
واخذت عهد على نفسي ليلة العيد اني اسامح كل الناس واولهم اهل زوجي لوجه الله واللي زادني اني اتغير معاهم اني ماكنت اعرف ان دعوة امه علي ممكن تكون مستجابة

صرت اورح لهم وانا ماخذه صنية حلا وقهوة يعنى ماادخل ويدي فاضية واسولف واضحك معاهم ماكن في شي صار كنى اول مرة اعرفهم حتى لم ام زوجي تغلط علي ولا تمزح مزح ثقيل ولا تتدخل في شي احاول اعاملها مثل مااعامل امي ولو قالت لي كلمة جرحتنى فيها استغفر في نفسي سبحان الله شي يبرد على قلبي واكلمهم في المناسبات سافرت وجبت لهم هدايا
صحيح اني مابي اقط الميانه على قولهم تجنبا للمشاكل بس اعاملهم بما يرضى الله
مااقولهم وين اروح واجي ولا ايش اشتريت وش جبت لان هو هذا سبب المشاكل والحمد لله يابنات والله تحسن الحال وبعدنا عن المشاكل والهموم والدنيا ماتسوى والدنيا ( سلف ودين ) يعنى الوحدة تعمل الشي عشان تلقاه بكرة في حياتها وصحتها واولادها


ادرى اني جلست اهدرى كثير بس اتمنى لكم الخير واتمنى من ربي كل وحدة تنحل مشاكلها مع اهل زوجها
وابي كل وحدة تدخل وتقول رايها بالموضوع وتكتب تجربتها او اكثر مشاكلها مع اهل زوجها عشان الكل يستفيد
ترى انا في بداية زواجي ماانكر اني في اشياء كنت فيها غلطانه بس لاني كنت صغيرة بالسن اسمع كلام الناس واافهم مصلحة نفسي


يالله اللي بعدي:)