انا سويتها قبل سنه واتبعوا معاي البرنامج القصير
وكل شي كان تمام سحبو البويضات وتلقحو عندي 10 أجنه
رجعولي 3 من الدرجه الاولى .. لكن ماصار حمل
والحين توني باديه فيها للمره الثانيه وهالمره اختار الدكتور البرنامج الطويل
ولي اسبوع باديه بالابر التحضيريه والله يكتب لي الحمل ان شاءالله

مع العلم ان عندي أجسام مضاده يمكن تكون السبب في فشل عمليتي الاولى

انا عملت انابيب 3 مرات

اول عمليتين تمت بنفس الطريقة تقريبا وتم ترجيع جنينين بالاولى و3 بالثانية

انا سليمة والحمد لله لكن زوجي عنده حركة الحيوانات صفر وبالعمليتين الاوليتين تم اخذ عينة من السائل المنوي ويصير تلقيح للبويضات وتتكون اجنة من الدرجة الاولى بس ما صار حمل والله اعلم شنو السبب

العملية الثالثة تم أخذ عينة من داخل الخصية يعني زوجي بنفس يوم سحب البويضات عمل عملية وتم سحب عينة من الحيوانات على افتراض ان الحيوانات الي داخل الخصية تكون افضل

صار حمل ما مداني سمعت الخبر اسبوع جان ينزل دم وينزل هرمون الحمل وبالنهاية سقطت ولله الحمد

تم ترجيع 5 اجنة لان الدكتورة كانت تبيني احمل تقول لان كذا تجربة فتبي احتمال الحمل يكون اكبر

ومترددة هل ارد اعيد العملية شهر 6 لاني عملتها شهر 2

فقلت بريح جسمي هالفترة لان للحين ينزل علي دم وهالاسبوع الثالث فالوضع متعب جسديا ونفسيا

الله يرزقنا جميعا

صدقك والله نعمة وبالنسبة للمرة الاولى كانت دكتورة والمرة الثانية دكتور والله يشفي ازواجنا ويرزقنا ان شاء الله

الله يرزقنا وياك ياالغاليه ويفرحك المره الجايه بس كونك ياقلبي بتسخدمين العلاج الحين وبعدين تقطعينه تقريبا ثلاث شهور اخاف خلال هالثلاث الشهور انقطاع ترجعين لوضعك يعني الي ابي اوصله لك خلي استخدامك للعلاج قبل العمليه بثلاث شهور يعني اتركيها الحين وابدي فيها قبل العمليه بثلاث شهور يكون جسمك متشبع من هالادويه خاصة لو كانت فيتامينات ويكون ماخذ كل حاجته بوقت العمليه والتنشيط
طيب قلبو ياليت تكتبين اسماء الادويه لانها اساميها بالصور ماهي واضحه وياليت قوتها ومنين شريتيها


بالنسبه لي اول مره سويتيها سويت التنشيط والدكتور حسبي الله عليه عطاني الابره التفجيره قبل اكتمال نضج البويضات والمصيبه كمان عرضني للعمليه والسحب رغم انه لسا ماعندي بويضات صالحه للتلقيح وبالاخير طبعا سحبوا مني بويضتين وطبعا ماتلقحوا لانه حسب كلام دكتورة المختبر انها غير صالحين للتلقيح بسبب صغرهم

في المره الثانيه تم التنشيط وللاسف مثل الاولى كانت الاستجابه ضعيفه مو قد كذا لكنه صبر علي اليين طلع بويضات وتم السحب وسحبوا خمس بويضات لكن ماتلقح الا واحده وتم ارجاعها لكن ماصار حمل ويارب نحمل قبل مانلجا لهالعمليات ويرزقنا ربي من واسع فضله

أقول لكل مهموم أحاطت به المصائب والكروب من كل جهة .. ( أَلَيْسَ اللَّهُ بِكَافٍ عَبْدَهُ )

استغفر الله الذي لاإله إلا هو الحي القيوم وأتوب إليه


استغفر الله الذي لاإله إلا هو الحي القيوم وأتوب إليه

استغفر الله الذي لاإله إلا هو الحي القيوم وأتوب إليه