تعالو هنخس مع بعض/ تمنع التجمعات بدون أخذ إذن مشرفات القسم

اخباركم ايه يا حوائيات 
ايه رايكم نعمل رجيم جماعي 
وكل وحده تدخل تقولنا يومها كان ماشي ازاي 
ونشجع بعض 
بس قبل ما نبدأ في شوية نصايح لازم نمشي عليها 
اول حاجه/ نبدأ يومنا بزنجبيل ولمون وشاي أخضر وخل التفاح
المشروب ده مفيد جدا وبيعمل على تفتيت الدهون 
ثاني حاجه /هنشرب كوب ماء كل ساعه حتى لو مش عطشانين 
ثالث حاجه / هنقنق واحنا بنجهز الأكل ليه بقا 
عشان المخ بيدي اشاره ان الجسم شبع بعد عشرين دقيقه 
خلينا واحنا بنقطع سلطه ناكل طماطم خيار خضره جزر 
بس اوي تنقنقي حلويات ونشويات خدي بالك 
رابع حاجه / هناكل العيش والرز والمكرونه والحلويات قبل المغرب 
يعني اي حاجه فيها دقيق ابيض أو نشويات أو سكريات نكلها قبل المغرب 
ليه علشان الجسم فترة الصبح بيحرق النشويات والسكريات لكن بعد كده بيحرق دهون 
ومش معنا كده انك تاكلي دهون باليل علشان معدل حرق الدهون ضعيف جدا 
خامس حاجه / هنشرب المشاريب بسكر دايت 
سادس حاجه نحرص بعد كل وجبه بنص ساعه نشرب كوباية شاي وعليها عصرة لمون 
سابع حاجه/ الساعه 10 باليل ناكل كوباية زبادي وعليها عصرة لمون وننام علشان 
في هرمون بيحرق في الفتره من الساعه 11 إلى الساعه 2 تقريبا واللي بيزود عمل الهرمون ده هو الزبادي بالمون 
ثامن حاجه / نستغفر مية مره يوميا بنية اننا نخس 
تاسع حاجه / على الأقل ساعه الا ربع مشي في اليوم 
ليه مش اقل من كده علشان اول نص ساعه الجسم مش بيحرق حاجه 
بعد النص ساعه الأولى بيبدأ الجسم يستجيب ويحرق لو مكملناش حتى ربع ساعة بعدها كأننا معملناش حاجه
عاشر حاجه / لو أكلنا اي سناك (شوكلاته _لب_فشار....)لازم ناكل بعدها ع طول برتقانه كده كأننا مكلناش اي سناك 
هنبدا كل وحده تقول عملت ايه النهارده عشان نشجع بعض
ومتنسوش تدعولي