تعالو واحكمو

السلام عليكم
شخباركم بنات
كل عام وانتم بخير
انا بالعيد كنت مسافره وشفت وحده اعرفها ونحفت وصار جسمها حلو مرررره لدرجة صدق بغيت ابكي على جسمي طبعا انا مو اول مره اشوفها بس اول مره خليتها تكشف لي السر الي ماتبي تقوله
تخيلو يابنات كل ما اقولها تتعذر واخيرا نطقت بس هل كلامها صدق ولا لا انا جبت الكلام منها
تقول وبالحرف
صرت ما اكل خرابيط قلت كيف تقول يعني اكلي صار خفايف قلت انتي بتقولين ولا كيف
قالت اذا جعت سويت لي صحن سلطة صغير وحطيت عليه زيت زيتون واذا جعت اكل لي بيضه ومرات اشرب عصير اناناس قلت وبعدين يعني الحين قلتي شي قالت هيا وش اقول اكثر المهم البنت تحاول تتهرب قلت لها اسمعي بكلمك بالبلاك بيري قالت اوكي كانت مستعجله المهم قلت لها تعالي عندي الاوتيل عشان شريت فستان وابي رايك قالت اوكي جت لل اوتيل وقعدت وقلت لها الفستان مو حلو ومدري ايش ورجعته مع امي وصرفت موضوعها
وقلت الحين ابي تقولين لي كل شي قالت ايش قلت انتي كنتي دبدوبه وانا مليانه والحين جسمك صار ماشاءالله حلو مررررره ورويانه لا نحيفه ولا دبه
قالت بقولك والشكوى لله !!!
وكنها ماتبي تقولي المهم
تقول اعتمد ب اكلي على عصير برتقال واناناس والاكل صحن سلطة صغير والصوص غالبا زيت زيتون ومرات تحط معه بيض يعني على كلامها كل 3 او 4 ايام بيضه وبس تقول شهر ونص وصلت للي ابي
قلت بس انتي الحين صرتي تاكلين كل شي ؟
قالت قولي ماشاءالله
قلت ماشاء الله
قالت بعد شهر ونص بتتعودين ومعدتك بتصغر وقلت كيف اكلك الحين تقول كنت ازيد وانقص بالكثير خمسه كيلو بعدين ضبطت المقياس وضحكت ههههههههههههه
قلت اي مقياس !!
قالت صرت ما اكثر قلت كيف تقول يعني صرت تقريبا خمس لقم بكل وجبه
قلت وانتي وش عرفك برجيم اللقم تقول قريت عنه لان الي اعرفه هل بنت مو راعية نت مره
وبس وسوري على الاطاله الطويله مررررره بس جبت السالفه كلها
المهم يابنات تتوقعون هل بنت عندها سالفه ولا كلامها خرابيط!!!!!