تعالو واسوني ضايقه

السلام عليكم ورحمة الله وبركاته

مدري وش اقول ووش اخلي :44:

احس ان ناار بقلبي :icon33:

بجيبها من الأخر وبختصر السالفه


اليوم جلست مع امي الله يطول بعمرها على طاعته والله نيتي بأرضيها والله يشهد

وجلسنا نسولف انا وياها واختي وجبنا سيرة اخواني

انا لاجات سيرتهم اولع :icon33: ماشفت منهم حنان الاخوان اللي بس اسمع فيه :icon33:

حنا ماعندنا الا ابوي وانا وامي واختي بسسسس تخيلو حنا مانطلع نغير جو بالمره والله

يضيق خلقي بنات خواتي ابوهن يطلعهن انا مالي الا الله واخواني واحد مرره وحده مريح نفسه منّا

هو ساكن بمدينه ثانيه ولاجاء عاد يجلس معنا مايقول شي بس مايفكر فينا انّا مالنا احد

والثاني عندنا لكن يطلعون بدون ندري :44:

انا والله ماعلي عاادي يطلع مرته وبالعكس من حقه لكن ليش مايفكر فينا حنا خوااته من لنا غيره

وحتى اهله يحبونا نطلع معهم بس مدري وش فيه مايفكر فينا


واليوم جبنا سيرة الطلعات انا قلت هذولي اخوان بس بالاسم

امي قالت ذاك اليوم يقول كنت بقولكم بس انتو نايمين طيب صحينا ونطلع نبي بر بريره لكن ياحسره


يارب تعوضنا بالجنه والله يابنات مانعرف المطاعم ودي احس بالدنيا الحمدلله اني بعافيه لكن روتين ممل :icon33:


اخر شي امي دعت علي من كل قلبها اتزوج واحد مايطلع :44::44:


انا عصبت ضاقت فيا الدنيا قلت يارب امووت ولاأشوف هذا الرجال

انا ياالله صابره والله اني ضايقه تخيلو ودي اكشت زي الاوادم وجمعات لكن هيهات

من وين لنا رجال يطلعنا ولونطلع مع سواق ياويلنا يغارون طيب ليش ماتحسون بخواتكم


والله احمد ربي ان ماعندي الا الثنين :icon33:


احس اني عايشه بقهرر وامي ماهي شايفه خطاهم واحيانا يجي الكبير يستفزنا والله ذحين لاجو اروح اجلس لحالي


والله كرهت الدنياا اتمنى ربي ماخلقني الحمدلله على كل حاال بس ودي اعيش زي الناس ماهو بس بالبيت

والناس قداامي يطلعون وانا جالسه مابيدي شي الا اقول يارب


دعوااتكم يابنات ضاقت علي الارض ماحب امي تزعل علي وهي ماترضى على اخواني :icon33: