وانا أقول لو أمك الي عملت هالشي يمكن ماقلتي لها كذا
صدقيني أنك غلطانة
لانهم أهل البيبي وعملوا شي يفيدها حبتيه ولا لا
ودائماً أمهاتنا ياخذون أطفالنا ويعملون كل شي بصالحهم والي لهم خبرة هم فيه بعيد عننا لانهم يعرفون أننا خكارية نخاف من اي شي
على كذا شلون ثقبتي أذن بنتك
وبالإمانة مانامت بنتك هذيك الليلة نومة طيبة واستانستي
.................صحيح دلع بنات.............................

نصيحتي زهبي عشاء ودية عند أهل رجلك كاأعتذار
..........باااااااااااااي........

والله يا بنات انتو ما فهمتو قصدي ابد…


انا مو زعلانه ولا مكبره السالفه…


بس الي قهرني انهم دائما يسوووون هالحركه يعني حتى لو قلت لهم ما احب اسوي هالشي لبنتي …يسووونه حتى لو شي ما يخص الصحة ولا العافيه…يعني مكان معين او بيت فلان …اقول لزوجي لا تودونها لانها مرييييضه ولا كاني اتكلم او زوجي يتكلم يودونها وكانه العيد…

فاهمين علي اذا عاملوكم اهل زوجكم باستخفاف وكلامك صار ويا كلام البيبي واحد شنو شعوركم ما بجيكم يوم وتثورون ..

انه سألوني من قبل قالو لي وديها عشان تصير احسن…وانا رفضت لاني شفت شلون البيبي يتألم..

المشكله في الطريقه ماهي مساج للرقبه وبس لا الطريقه انو يتم ادخال (مزاز العصير) ملفوف بنشاف وفي النشاف كركم.. ويتم ادخاله داخل البلعوم…انا ما اقدر اتخيل شلون بنتي تتالم…

انه ماااااااااااااا أكرهم ابدا والله العالم…ولكن الي ضايقني انه سالوني وقلت لهم لا وعاندو وسوو الي يبون لا وما قالو لي بعد لان عارفين شنو ردة فعلي…هذا الي ضايقني سالوني كم مره وانا ارفض..

والاحتقان يروح مع الادويه عادي ما في مشكله ولو كانت شوي اكبر ما علي يعني مثلا 5 سنوات ما بتكلم بس انها بهالعمر…

وارجع واقول اني سكرت الموضوع من ذاك اليوم ولا فتحته ابد..

شكرا عالردود ومع السلامه

يا الله .... لا عاد إذا لهالدرجة الصراحة مو شي :(

انا كنت اظن بهالموقف بس طلعوا يتدخلون فكل شي وضد رايج دايما.... !!!!!

لازم تفهمينهم وريلج قبل.... إنج ما تحبين هالحركات طبعا باسلوب هادي.... وبعدين ما أظن لو بنتج عندج بيقدرون يسحبونها سحب ويودونها وين ما يبون لو انتي ما تبين... :)

انتي الحكم واثبتي على راي.... وخل لرايج قيمة عندهم... مدامهم يتحكمون بهالصورة بصراحة ما عجبوني....


الله يعينج والامر صدقيني هين... بيني لهم رايج بصراحة ومن دون عصبية وربي ييسر لج :)

فعلا مثل ماتوقعت لهمـ مواقف معاج من قبل...
((ياخذون البنت وهيا مريضه لناس ممكن
انتِ ماتبينهمـ.؟))

طبعا انتِ امـ وتعرفين مصلحة بنتك ..خصوصا انها نونو
وماتدرين يمكن احد يشيلها من الاطفال وتطيح
البنوته منه..؟؟((هذا اتوقع تفكيرج))...

هني لازمـ يكون فيه حل ..
ودامـ ان كلامج مو مسموع..
ممكن انج ماتخلين البنت تروح الا وانتي معاها
او خدامتها معاها..وبجذي تطمنين اكثر عليها
وتحسين انج مسؤله عن بنتج ..خصوصا انها امانه عندج

وماتشوفوون شر وسلامة بنتج ...
بالتوفيق

حتى لو كانت نيتهم سليمة المفروض يعطونج خبر
لو صار شي في البنت لا سمح الله
يمكن ماراح تسامحينهم

الله يعينج عليهم
اقنعيهم او اقنعي ابو العيال ان مايتصرفون في بنتك الا من بعد اذنك