تعالو يااهل العرسان نجهز لافراحنا مع بعض \ اخذ حقه من الردود

ارفعوا الموضوع عشان ماينحذف كالعادة

رفع لعيونك

الله يرفع قدرك

هلا ياعسل الله يتمم لكم على خير

اما من ناحية التجهيزات فالله يعينك يارب وهونيها وتهون :)

وفيه فكرة انا سويتها في ملكتي كانت يوم الخميس اللي فات

جبت خمريات للشعر ووزعتها على الحضور وجبت العاب للاطفال صغيرة وحطيتها في سلتين

وطلعو فيها اخواتي على اغنية للاطفال ورقصو فيها ووزعوها على الاطفال فكانت حلوة :)

وجبت قطع جاتوه وكبتشينو وعملنا لها زفة

وجبت شوكولاته من باتشي ..

وطبعا علب الملكه هذي اكيد ..

وفيه شي عملته كان مع زفتي جبت شوكولاته من محل في جدة وكان كاتب لي على كل حبه مبروك واسمي واسم زوجي وصورة دبليتين

طبعا الحبه كلفتني 5 ريال فانا سويت 100 حبه وتوزعت على الكوشه

وسلامتك ياقلبي ماحبيت اجي للموضوع وما ارد

وفي الاخير اقولك اهم شي الترتيب التنسيق والله هو المهم

والله يتمم لكم على خير

اهلين حبيبتي انا بعد تعبت من التفكير زواج اخوي في اول يوم من عيد الحج يوم عشرة انا من الاحساء ولا مشغل رضا فينا الكل يقول ما نفتح في او يوم العيد حتى الي تشتغل على حسابها العروس لقت مشغل وحجزت فيه اهي وخواتها بس بعيد عنا كثير والاهم من هذا كله اني بولد قبل زواج اخوي بشهر تقريبا وللان ما خيطت لي ثوب خايفه من المقاس وما حب الجاهز والاجار مو عارفة الموديل الي يناسب ؟؟؟
حجزنا الصاله ورحنا محل كوش خلصنا الكوشه والطاولات وطاولة الاستقبال اخترنا شكل الطاوله بس الضيافة الي فوقها مابعد نخلص عليها سالنا عن نافورة العود مو موجودة عندهم ياليت تشورون علي شنو نحط فوقها ؟؟
وحبيت اسالكم عن شي بالنسبه للمضيفات اي جنسيه اختي قالت فلبينيات او سعوديات وصاحب المحل يقول صوماليات لان اذا طلبتي فلبينيه او سعوديه راح تضيفي لكل وحدة زيادة ثلاث ميه مالها داعي وصرنا نصفين بين مويد وبين رافض شرايكم انتو ؟؟؟
بالنسبه للحركات ما فكرت كثير غير في زفة العصير وتوزيعات بعد العشا بس انا مو الكبيرة انا اختة الثالثه واكبر منه هههههههه بس هم مخي تعب من التفكير