مشكوره ماقصرتي اختي نور الكون و**** الله اقدر ارد مساعدتك لاحتجتيني

دحين ايش هيا الافكار الجديده اللي يرقصو فيها بالبيشي اللي تعرف تفيدنا وبالنسبه لمحلات قربان اللي في المدينه كلها قديمه نبغا افكار جديده للتوزيعات وزفات العصير وهدايا المعازيم وكل وحده تسدح فكرتها هنا
احنا عندنا بالمدينه اول حاجه كل ماصه عليها ثلاجة قهوه وتلات صحون صحن حلاوه من شكولاين وصحن معجنات وصحن بيتي فور اوحلا
اما العصير يدخل على اغنيه ويتوزع على طول وكدلك الشاهي انا ابغاكو تفكرون معي بحركه جديده للتقديمات
وللبيشي

البيشي يا قلبي صاروا يلبسوا اهل البيت يعني مو الكل يعني بحدود 10 الى 15 حرمة ثياب شفافة و يكونوا في البداية ووراهم التكملة
و معاهم الشماسي و العصي المزينة و الاشياء هادي و اللين يوصلوا لوسط الممر يكشوا الورد على المعازيم
وبالنسبة للدقاقة ترى ام مودة خطيييرة و احنا طلبناها اسلامي بس معاها الصفاقات و مرة كانت رهيبة
وسعرها ب 4 الاف لانها جديدة

وين القى الثياب الشفافه هادي والعصي المزينه بالمدينه وكم سعر سمى الرحيلي

و الله يا قلبي انا سوتلي الثياب و الاشياء التانية ام براء و اشتريتهم منها قلت ينفعوني في الزواجات التانية
بس هي تسويلك على طلبك و اما تشتري او تستاجري منها
الصراحة انا مرة مبسوطة منها لانها ريحتني كتير في اخر مناسباتي بحكم اني الكبيرة و على راسي كل شي
بدل الفرفرة و البهدله اروح لها و هي تسوي احسن مما طلبت منها