alreem_sa :

الله يسعدكم يا بنات حواء توني داخلة بفتح موضوع لقيتكم فاتحين موضوع فديتكم يا لغاليات انا الله يحفظكم ملكت لولدي قبل شهر الزواج راح يكون في شوال القادم يعني تقريبا سنة ابيكم تقترحون علي قاعات حلوة وبسعر مناسب الزواج كامل بشيلة حتى كوافير العروس هدية مني لولدي وعروسه شرايكم في قاعة المخملية - قاعة الشموع وياريت تقترحون علي المعازيم تقريبا 300 حريم ومثلها للرجال ابي افكار جديده للتوزيعات والتقديمات او حتى قديمة والي تعرف طقاقه حلوة وحتى الي تعرف فرقة تزف ولدي عند الرجال طبعا المتعارف عليه بسوي طاولة للمباركة وطاولة مابعد العشا وطاولة بحط عليها نافورة شوكلاتة وتوابعها غير التقديمات موالح وحلو وشوكلاتة من باتشي وكوب كيك مين شاطرة في تنسيق الحفلات ممكن تساعدني وماتخذلني في اخر لحظة مثل ماصار لي في زواج بنت حماي الله يسامحها بعد 6 شهور اتفاق وكل كم يوم اتصل عليها ونرتب كل شي ومااشتري شي الا واشاورها علشان تكون في الصورة واخرتها يوم الزواج ترسل لي كم هندي يربط لي كم طاقة شيفون على الكوشة وتاخذ فيها 3 الالف لو لي سهل بس فشلتني قدام الناس الي وثقو فيني وناهيك عن المعجنات الي وصلت وغير انها اتصل فيها لانها المفروض تكون معاي لقيتها في المزاحمية :( ماجاتني غير قبل نهاية السهرة بساعه وبشكل مضحك ترتب طاولة السجل حق الضيوف الي يكتبون فيه للعروس مهزلة وراسله مصورة غير الي تفقنى عليها ماابي اذكر الله يسامحها لذلك الي قد الشغل وتكون متفرغة لي ذاك اليوم ياريت تراسلني على الخاص بنات الله يسعدكم لا تحرموني خبرتكم وكيف ارتب ميزانيتي ماابيها تتعدى الخمسين الف تشمل اجار القاعة والطقاقة ..... كيف ممكن او ازيد شوي ؟؟

الله يسعدكم يا بنات حواء توني داخلة بفتح موضوع لقيتكم فاتحين موضوع فديتكم يا لغاليات انا الله...