بنات بنحط بطاقات على الطاولات في الزواج
ابغى كلام نكتبه

سمو الذآت

ماحددتي اي منطقة بالرياض
بس في بجنوب الرياض حي الحزم قاعات رخيصه وحلوه ....هالكلام قبل اربع سنزات الحين مادري عنها

اذا تبون شي بالشرقيه حاضره لكم

السلام عليكم
زواج اخوي ثاني يوم بعيد الفطر باذن الله
من عادات اهل العروس الضيافه عليهم >>توفير الحمدلله :love:
واحنا ان شاء الله ما انقصر ولانه اخوي الوحيد دلوع الكل
ببالنا كم فكره ..اول فكره حركه مدخل القاعه
بنستاجر ركنيه خيمه طولها مترين تقريبا وبكل زينتها من فرش وجلسه صغيره والزينات المعلقه بنقدر نوفرها من عند جداتنا
وبنحط قدامها طاولتين وعليها اكل <معجنات ومعمول ونخلتين تمر > ودلات قهوه ونكون احنا اخوات العريس بضيافه الناس اول مايدخلون القاعه
ثاني فكره ...بنحط دروع ع كل طاوله وعليها عباره ترحبيه وبتكون من ام العريس >>هذي صارت جاهزه وبوريكم صوره باذن الله
ثالث فكره ..بنسوي زفه لامي وعمتي اخت ابوي لانها بمثابه امي وماعندها عيال
فكره الزفه انها تكون هديه من اخوي ومنا طقمين ذهب ودرعين كبيره تكون مكتوب فيها عباره >>يعني عمتي بتحطها بعدين بمدخل بيتها وامي بنفس الاستفاده
وبنوزع هدايا وشكولاتات للضيوف مع الزفه وبنحط فيها ورقه بقصيده من اخوي
الفكره الرابعه ..بنوزع كوب كيك ملون وكل وحده تشيل مجموعه منه بنفس لون فستانها وتوزعه هي للضيوف
العشا اتووووقع يكون ذبايح وكم متر حلا ..وبعد مايطلعون الضيوف من صاله العشا نكون احنا باستقبالهم بمباخر وعطور و وبجهز طاولتين فيها ثلاث نوافير الكبيره تكون بشكولاته نيوتيلا وثنتين صغار بشكولاته بيضا وبنحط كماليات الطاوله وطاوله بالجهه الثاانيه فيها نافوره العود وفازتين خمريه
اممم بس هذي الي ببالنا الحين وبدينا فيها بس اختباراتي واختبارت اخواتي بتشغلنا شوي وان شاء الله يمدينا نخلص
الفساتين حقتنا بنفصلها في اليمامه ..الكوفيره باقي جاري البحث ..الدقاقه علينا مع اهل العروس بالنص قلنا ياهوازن قالت ب18 الف او دخون قالت ب20الف او شوق ب15 الف
الزاوج خارج جده وع كذا كل شي دبل السعر :44:
وبالنهايه اتمنى تدعون لنا بتيسر امورنا ويوفقنتي ربي باختباراتي :icon36:
والي عرفتني لاتعلم بالحركات ويسونها قبلنا من جماعتنا:icon36: زواجنا اخر زواج بنفس السنه :44:

السلام عليكم ورحمة الله وبركاته
اشكر صاحبة الموضووع
صراحه روووعه
فكرتي الله يسلمكم كانت بزواج اخوي
فكره لتوزيعات الاطفال
تجيبون عربيه بيضاء حقت النونو
وتعبونها التوزيعات طبعا تكون التوزيعات باكياس او علب براحتكم
وتدف العربيه بنت صغيره لابسه ابيض قصير ويكون الفستان ساده
وتجيبوا دببه صغيره وتلزقوها على الفستان
وقبل ذا كله يكون فيه بنات متنكرين بشخصيات كرتونيه يدخلوا اول الدقه ويرقصوا البنات الصغار ويروحوا يرقصوا بين المعازيم
بسس هاه لازم يكونوا جريئات
وبعد الرقصه يساعدوا البنت الي لابسه ابيض في التوزيع

اتمنى تعجبكوا الفكره
والله يكتب لكم الي فيه الخير
دعواتكم لي بالحمل الصحيح السليم المعافى