تعالو يابنات حواء اقولكم وش صاراليوم بالرياض جاليري مأساه

السلام عليكم

شخباركم يابنات

طبعا اليوم رحت للسوق الرياض جاليري لاني مافي نزول سوق يعني نتسوق ونفر غير يوم الخميس هذا نظام الوالد

:angry::angry:


المهم ماكنت ابي انزل اليوم بس الشي الي ابيه ضروري قبل الخميس الجاي اشتريه وضطريت انزل اليوم عشان اشتريه

المهم يابنات طبعا انا كم سنه اشوف الفوضى والمسخره وماتعجبني


نزلت السوق وانا بالمحل بالدور الارضي اشتري الاواسمع صراخ انفجعت على بالي في مصيبه ونقزت وكنت ناويه انحاش على بالي حريقه مصيبه


الا وراعي المحل يقولي لاتخافي يااختي هذااحتفال عشان اليوم الوطني:44:

وانا سكت لاحول ولاقوة الابالله معقوله كذا


واشتريت الشي الي ابيه المهم وطلعنا للمطاعم نبي نشتري

الاو اشوف زحمه صراخ البنات واولاد وبنات واغاني يركضون بالممر مع بعض ويغنون والشباب يصفقون وصفرو والبنات على الدرج عند الملاهي وتحيه واعلام وقسم العالم تركض على بالي مصيبه صايره واقول لاختي امشي نركض شكل صاير بلا الا واحد من الاخوان الله يجزاه خير ترى يااختي هم يركضون مسيره بس مافي شي


قلت اشوى ماركضت ولا ياشين وانااركض على بالي مصيبه وطلعت مصيبه الحمدالله احد قالي


وبصراحه انرفع ضغطي بقووووووووووووه والله عصبت اقول لاختي انزلي ماعاد ابي اشتري شي والله احس الممر الي فيه نور بطيح فينا كنت ادعي ربي مايخسف بنا


وكان في التلفزيون السعودي يصور مباشر والمصورين ناظرو فوق كيف الهبل ومستنكرين

المهم اختي قالت لاصديقاتي وماادري كيف المهم قلت شوي ونطلع المهم وقال ابوي يلا مشينا وفعلا جينا نمشي طلعت فوق في المطاعم بشوف اختي لانها قالت جوعانه وتبي تشتري مويه واكل وطلعت

لان الجوال الشبكه ماتمسك معي واطلع وامشي واشوف شباب يركضون والبنات موسعين الطريق والشباب عشان المسيره والركض وكنت امشي انا بالنص لان مافي غيره فاضي الا واسمع يقولون الهئيه قلت وينهم من اول

والشباب يرقصون ويركضون وغناء وعند المصلى وبعدين قال خلاص يسكرو المجمع وفي مجموعة بنات شافو الهئيه ماتدري تكلم مين وتترك مين تجمعو وقامو يصرخون قدام الهئيه والله اشوفه مصدومين مو عارفين ايش يسو

وفوضى ودمار يأخذون من المطاعم الزينه ويركضون فيها ويشيلون بعض ويطيرون بعض بالهواء

والبنات اشكال الفتن والميك اب وكشف الوجه تجي مغطيه وتكشف فوق الله المستعان



وبس وطلعت واشوف المسخره وقلت الحياء والله ضاق صدري ولولا حاجتي ماطلعت قسم بالله ضاق صدري
وين اهلهم كيف كذا يمشون مسيره بنات مع اولاد انا تقرفت وعصبت رغم انا مو متدنيه بقوه بس والله مارضيت هالمسخره وفي بنات بالعبايه على الراس انصدمت من تصرفاتهم والله حريم يشجعون ودنيا


عاد يوم جينا نطلع والا وصارت هوشه ودنيا والله شرطه عددهم 13 جو عشان الهوشه غير اللي من الاماره حاله


مو يوم وطني الا يوم قلة حياء ويصارخون خير ياطير اليوم الوطني مو بالصراخ مثل ايام الجاهليه وقلة الحياء وامشي واركض معي رجال ونترقص :mad:


والشارع حالته يرثى لها والله اقول الله يعين قوات الامن من جد تعب عليهم من قلب الله يقويهم يارب

وشفت سيارة القوات الخاصه
جيت اكتب من قهري من الي شفته اول مره انزل سوق في يوم وطني واخر مره الله لايعوق بشر

حشى والله الاجانب في اوروبا مايسون هالسوات


مااقول غير الله يهدي ويصلح شباب وبنات المسلمين ويثبتنا على دينا:44:




بنات انا ماطلعت اشوف المسخره وقلت الحياء ولاحتى ماسكه علم او شي طلعت لان المحل الي ابيه بس في الرياض والحياة والرياض اقرب وتوقعت مايكون فيه كذا

وقلت لكم انا لولا لي حاجه ولازم اني اشتريها اليوم لان ابوي مايطلعنا يوم الجمعه هذا يوم خاص بالبيت مستحيل يطلع غير بحالة الطوراى عرفتو يعني حاولت اطلع امس وقبله بس مافي

لان ابوي مو فاضي ولاعندي سواق وغير كذا انا عندي اشغال مو فاضيه باقي الايام وهالشي لازم اشتريه قبل بداية الاسبوع عشان كذا مجبر اخاك لابطل


بعض الردود كأني كنت حابه هالشي ولابخاطري اطلع وربي يشهد علي صحيح ايماني ضعيف لاني كنت انكر بقلبي مع الاسف ماعندي جراه انكر بالكلام