روحي مستشفى ثاني خاص بدون ماتقولين اللي قالوه لك المستشفى الاول والله يطمن قلبك ويريح بالك ويفرحك بطفلك سليم معافى

سمي بالرحمن وروحي لمستشفى ثآني وثآلث واذا حكومي أفضل وأفضل

وترا هالدكآتره كل واحد يتفلسف ع كيفه وخلي أملك بربي كبير

وبقولك قصة ولد أختي الله يحفظه بالعيد دخل بحلقه علاق الملابس

وامه من الخوف اسحبته بقوه لانه عجز يتنفس وصار ازررق وهي خايفه

بعدها بالليل صار الولد يبكي بجنون وراحت عند الدكتور وعملو اشعه 4 مرات باليوم اللي مايخافون ربهم وهو توه بالشهور


وكثرت الاشعه تسبب ثقب الحمدالله ربي حفظه

وقالو لها قلب ولدك متضخم مو طبيعي وهي تقولهم يمكن انه من الروعه والخوف صار كذا لان دخلت حديده بحلقه

وهم يقولو لا كبيييير مره مو طبيعي وكل من شاف الاشعه من السساتر او الدكاتره قال كذا وهي تناظر ولدها وعيونه تمطر دموع صار الحريم اللي جاين عشان كحه وزكام يبكون عليها ويهدون فيها

وعملو له تنويم بالمستشفى يومين وحالته حاله واجهزة قلب تخيل موقف اهله وهو رضيع واجهزة قلب عليه

بس ربي رحمنا وعطف بحالنا جا دكتور القلب وكشف بجهاز خاص للقلب وانسجته قال لا طبيعي

من الفرحه كانت وده تبوس راس الدكتور وعقدوها دوم تخاف تروح المستشفى ويقولو لا صحيح قلبه مو طبيعي من جديد


فلاتهتمي بكلامهم يااختي وادعي الله يحفظه وربي حاسه فيك الله يطمن قلبك وقلب الجميع ع اطفالهم

الله يروعهم مثل ماروعوك

مامنهم خير التخويف هالكاتره
لايهمونك ياكثر ماسمعنا حالات زي كذا
واخرتها الطفل سليم ماشاء الله
وكلي امرك لله ولايهمونك

يارب تشوفينه بصحة تامة ويكون من عباده الصالحين وربنا يهون عليك
يا اختي اللي يسمع هذر هالدكاترة يعيش بهم ومرض ويموت قبل يومه الف مرة طنشي وتأكدي ان معاك القوي العزيز ادعي وربنا ما يخيب رجاك ولا دعاك باذن الله

اقول لج قصة وحده اعرفها راحت مستشفى تراجع يوم حطو الجهاز على بطنها قالت لها الدكتوره
مافي نبض!!!
شكل الجنين متوفي
كانت في الشهر الخامس تقريبا ماتت من البكي
قال زوجي لزوجها ليه ماتروحون مستشفى خاص وتجربون
بعد ماراحو مستشفى ثاني قالت الدكتوره فيه نبض ليه مالقوه
النبض واضح ماشاء الله وكل شي تمام اسمعيه بنفسج ....
الحين بنتهم قريب تكمل 4 سنوات
الزبده ان في مستشفيات تخطئ
وماعليج من الكلام اللي يقولونه لو فيه شي جان شافته الدكتوره من الشهر الخامس
الله يخليه لج وتجيبينه بالسلامه وتجين وتبشرينا
وتكتبين قصة ولادتج وانتي شاقه البسمه