تعالو ياصاحبات الخبره .. افيدو البكريات

السلام عليكم ورحمه الله وبركاته

مراحب حبيباتي كيفكم .. ماراح اطول عليكم
بس عندي كم سؤال اتمنى احد يفيدني فيهااا من اللي عندهم خبره انا وخواتي البكريات
لاني شايله هم مررره للنونو اللي جاي
مسؤوليه وخاايفه مااعرف له وابي استفيد منكم بحكم ان اغلبكم حوامل اللي توها والده واللي بالنفاس
يعني الموضوع يهمنا كلنااا .. عشان كذا اتمنى من المشرفات عدم نقل الموضوع لقسم الطفل بليز
نبدأ :

وش افضل حليب يستخدم للنونو الجديد برأيك .. وهل اقدر ارضعه بالنهار طبيعي وبالليل رضعه صناعي عشان يشبع وينام ؟


متى ترضعين النونو كل كم ساعه ؟؟؟ وكيف تعرفين انه جاع .. وانا خايفه بالليل تروح علي نومه واتركه الى الصبح جايع مارضع !! كيف تصحين وترضعين النونو .. هو يبكي وتقومين ؟ ولا تحطين منبه مثلا .. كل وحده تقول طريقتهاا


كيف تعرفين ان المولود فيه حراره او تعبان او يعوره شي ؟ كيف تلاحظين .. اخاف يكون تعبان وماانتبه !!


كل كم يوم احممه بالنفاس .. ووش طريقه ترويشك لعيالك بالنفاس .. وكم مره تغيرين ملابس النونو باليوم



اذا جيت اغير الحفاظ الله يكرمكم .. وش افضل كريم ينحط للنونو الجديد ومايضره
وهل لازم احط كريم ولا يكفي البودره واخلي الكريمات والعصارات للالتهابات وبس
ولا احط فازلين وبس بدون بودره .. ولا الفازلين يضر بشرته .. وش افضل طريقه علموني


كيف تهتمون براس النونو وشكله ؟ وش طريقتكم


ااااخر شي كيف تهتمون بسره النونو ؟ وهل صحيح خطر يجيه عطر يستشم ..ومتى تطيح السره وتصير طبيعيه