تعالو يالأمهات ندردش نفيد ونستفيد وخاصة اللي بالنفاس؟؟

اعذريني اختي اذا قلت لك انك فعلا موسوسة الله يهديك
ولاتزعلين تراني اتكلم معاك بصراحه
انا مثلك ام لاول مرة بس مااسوي سواتك
وحدي الله واتوكلي عليه
وبنتك طبيعية ومافيها شي

وانا اقولك ليش

اولا""
بنتي معاها امساك الله يكرمكم وبعد زيارة 7 دكاتره
انصرف لها تحاميل جلسرين
وانا مابيها تتعود عليها من فيكم جربتها؟؟
انا عن نفسي لما صاب بنتي الامساك مافكرت حتى اوديها دكتور يعني ماجربت هالتحاميل
بكل بساطة اذا صار معاها امساك اعطيها مغلي يانسون مع سكر نبات بيهديها ويروح الامساك عنها


ثانيا"
بنتي اذا رضعتها تنام على صدري وانا ارضعها
واذا جيت اطلع الهواء مايطلع وهي نايمة
مو زي وهي صاحية على طول
والحل علشان ماتستفرغ اول ماتصحى؟؟
اذا نامت وهي ترضع نوميها على بطنها ومو ضروري تمهدينها بس غطيها زين

ثالثا"
وهي نايمة تتعصر وكأن ريقها ناشف تطلع لسانها
واسمع صوت خرفشه بصدرها مدري وشو هذا؟
صوت الخرفشة يكون عادي احيانا عند المواليد بنتي كانت كذا بس راح هالصوت والحمدلله
واذا حسيتي ريقها ناشف بللي شفايفها بالماء ولاتصحينها عشان تروينها او ترضعينها انتظريها تصحى

رابعا"
بنوتي طالع لها شعر خفيف بجسمها بسم الله عليها
واسفل ظهرها كثير شوي وبجبهتها
وزوجي مستغرب ويتافف يقول وش ذا
كني انا اللي حاطته
سؤالي هل ابيطيح هالشعر ولا لا؟؟
ياعمري هالشعر عااااااااادي وراح ينزل لوحده بس انتي ادهنيها بزيت زيتون كل ماحممتيها او زيت الاطفال كل جسمها وبيروح مع التقدم في العمر

خامسا"
كل ما مهدتها تطلع يدينها وتمصها
وحتى لو شديت امهاد ماشاء الله
تقهرني اذا طلعت يدينها
لدرجة افقد اعصابي واصرخ عليها
عادي يد البيبي تكون بهالقوة؟
ايه عادي وبقوة بعد .... بنتي الى يومك هذا وهي عدت الشهرين وهي ماترتاح وتنام الا اذا طلعت ايدينها
بس حذاري لاتعقدين البنت بالصراخ عليها
لاتقولين ماتفهم تراها تفهم

سادسا"
وش افضل وضع لنومة البيبي؟
يعني احيانا افككها بدون مهاد
وانومها على بطنها عادي الوضع او لا؟؟
الافضل انك ماتخلينها تطول في النومة على بطنها
انتظريها الين تتعمق في النومة واقلبيها على ظهرها او جنبها
وعشان تتطول في النومة مهديها زين

وريحي نفسك ياقلبي
وشوفي خوفك وقلقك الزايد وين وصلك مع زوجك
كلنا نقلق على مواليدنا ونخاف عليهم بس
بعقل

وان شاءالله بنوتتك مافيها الا العافية

انا نفس الشي أم جديدة ...بنتي عمرها 3 اسابيع الله يخليها ان شالله .......وانا جاني اكتئاب مابعد الولادة من كثر ماكنت خايفه عليها .....وكل اللي تقوليه صار معايا مع بنتي بس ماوديتها دكتور بالعكس ......كلهم يقولوا هذا طبيعي ... واعطيها يانسون زي ماقالت الاخت ......وللمغص اعطيها يانسون مع كراويه وشمر ..... ونوميها على بطنها راح ترتاح .....وكمان موية غريب جدا ممتازه للمغص......وانا حاولت امهدها بس ماشالله عليها تطلع يدها وتتعصر وتبكي اذا ماطلعت يدها فما صرت امهدها كثير .....وانا حضرت محاضره لاستشارية اطفال ...وقالت انه التكفيل او التمهيد للطفل مو كويس لانه متعود ببطنك على تحريك يده ولمن يتربط فجاه ..يكون شي جديد عليه .....الحمدلله انا احسن الان لانه عرفت احتياجات بنتي مو شرط انه كل طفل زي التاني انتي اصبري وشوفي هي ترتاح على ايش وراح تطبقيه معاها ....ومافي احد يعرف البيبي اكثر من امه حتى لو كنتي ام لاول مره

هلا وغلا
اختي الغالية مون
كنتي جافه معاي بحكيك ولكن كلامك صدق
وواقع بس ما انلام
كنت اخاف اشيل بيبي
انهبل
تخيلي فجاة جاني وحسيت بمسؤولية كبيـــرة
شكرا على اجاباتك اللي راح تفيدني

هلا وغلا اختي كعبولة
عمر بنتك مثل بنتي
متى ولدتيها باي تاريخ؟
<<<<ملقوووفه
ابسالك عن موية غريب يقولون مو كويسه للبيبي
مدري صدق او لا؟
وبسالك<ياكثر اسئلتي
تنومك بالليل
وتسحب نوم النهار او شلون؟؟

سامحيني اختي الدانة
لكن هالشي والله طلع من قلب والله اعلم
واقصد به نصحك وارشادك