تعالو يا بنات اقرا قصة ولادتي الاليمه

السلام عليكم يابنات

والله لو اتشعرفون شنو صار لي راح تستقربون اني قمت بالسلامه

انا شفة الموت بعيوني

اول شي انا حسيت بالعوار من يوم الاربعاء5/1/2005

وزاد شوي يوم الخميس6/1/2005

وحاولة اتحمل لي الساعه 2 بالليل رحت المستشفى اكشفة علي الدكتوره وقالت الرحم مفتوح 2سم

يالله بسوي لج دخول انا ما رضيت واتصلت على دكتورتي وقلت لها قالت لي لا تدخلين ويلعبون فيج رجعي البيت واكلي حبة بندول ونامي

انا سمعت كلامها ورجعت

يوم الجمعه 7/1/2005 اتصلت علي الدكتوره الساعه2 الظهر وقالت لي روحي خل يكشفون عليج سمعت كلامها ورحت قالت الدكتوره الرحم مفتوح 4سم دخول

دخلت غرفة الولاده قامت السستر اكشفت علي ولا الرحم مفتوح 3سم بس

الدكتوره مالتي عصبت وقالت لش ادخلونها على 3سم وليش قلتو لي 4سم

المهم اشتغلوا علي بالكمام وابر اتحمي الطلق وتفتح الرحم ماكو فايده الرحم مو راضي ينفتح

شان تطلع الدكتوره عند امي واتقول لها انا اليوم ماشفت امي بروح اشوفها عطيت امحور ابره اتنام وباجر الصبح اجي واولدها تخيلوا هالكلام الساعه1 بالليل
انا ما حسيت الى دكتورة الخفاره اتقعدني واتقول لي انا لازم انزلج العمليات واسوي لج عمليه قيصريه وانا كلمة دكتولا\\رتج بالتلفون وقالت لي حولوها قيصري

لان المثانه مجروحه عندج وقاعده تنزفين دم

:(

وبعدين قالوا لزوجي زوجي قام يصرخ على كبر المستشفى انتو لعبتو فيها انا لو اموديها مستشفى حكومه احسن (انا رايحه مستشفى دار الشفا) بالكويت خاصه

وبعدين دخلوا امي اتشوفني ولا انا غرقانه بدمي والدكتوره اتقول لي يالله الحين راح انركبج الاسعاف وانحولج حكومه

ادخلت امي وشافة الدم وشافتني انا شبه ميتهقلت لها يمه انا تعبانه مو قادره اتبهذل بعد بالاسعاف
اهني الرحم كان مفتوح10سم والبيبي مونازله من راسها نازله من لحيتها

امي لما قلت لها هالكلام قالت يالله بسرعه نولوها العمليات ريحوها

والله اني داشه غرفة العمليات مو خايفه لاني ماراح اشوف عذاب اكثر من الي انا شفته

قاعده اصرخ واقول لهم يالله بنجوني الله يخليكم انا بموت يالله بسرعه الله يخليكم

لما بنجوني ارتحت ما حسيت الا الدكتوره اتقول لي يالله قومي انتي ولدتي ويبتي بنت حلوه تشبهج

ااااااااااااااااه

ويينه حق عذاب ما بعد الولاده من الطلق جسمي كله مكسر

ومن العمليه ما اقدر اتحرك

ولي الحين والله انا ماطبت مع العلم صارلي الحين45 يوم بس الحمد الله على كل حال


انا اسفه يابنات ادري اني طولة عليكم

وسامحوني


والحين صار عندي احلى هديه بنتي الغاليه حور:32::27: