تعالو يا بنات شوفوا كيف الاجانب عندهم امل واصرار انهم يحملوا !!

مدخل :
وظني فيك يا ربي جميل فحقق يالهى حسن ظني ~





طبعا دايما اقرا لكم .. وشفت كتتير من البنات عندهم يأس ..

وخصوصا ما بعد ما يمروا بتجربه انابيب او حقن غير ناحجه ..

بعضهم تكون نهايه الدنيا .. ويدخلوا في حزن وكابه ..

والبعض الاخر .. ييأس .. ويقول خلاص ما عاد راح اجربها مررة ثانيه ...

طبعا وتكون عايشه في دوامه من الحزن والكابه .. واليأس .. وكانه اخر المطاف ..

وغيرهم يقعدوا فتره 10 سنين او اقل او اكتر .. وما عملت غير 2 الي 3 مرات عمليه اطفال انابيب او حقن ..

والبعض الاخر .. تعملها مرتين او 3 . . وبعد كدا تقول لزوجها خلاص اذا ما نجحت اتزوج ..

هل يا بنات حاولتوا كفايه ؟؟

هل عملتي واخذتي كل الاسباب ؟

ولا ضيعتي سنين عمرك في الانتظار بلا عمل او مجهود يذكر ..

يعني وحده قرات قصتها عشرة سنين ما عملت غير عمليتن انانيب ..

10 سنين من عمرك ضاقت .. والوقت يمشي .. وبعدين تقول خلاص فشلت .. وتقعد تتنظر وهيا حزينه ..


" ما من داء الا وانزل الله له دواء"..


يعني مرات يكون الضعف من ناحيه الزوج او الزوجه ..

والحمل الطبيعي يكون شبه مستحيل

يعني الواحد يدعي ويستغفر ويتصدق .. ويعمل ويروح يتعالج ..

يعني حقون زمان .. لمن تكون فيها ضعف او زوجها ..
ما عندهم حل غير انهم يصبروا ..

لكن الحمدالله دحين ربنا رزقنا بنعمه العلاج .. وبما انها موافقه للشرعيه الاسلاميه وما عليها خلاف

ايش المانع ؟؟



حبيت ابعث في قلوبكم الامل .. من قصص وتجارب الاجانب ..

وكيف عندهم امل غير طبيعي ..

على عكس بعض الناس المؤمنين طبعا مو كلهم ..


يومتها عملت بحت عن اطفال الانابيب عند الاجانب وقرات قصص .. وشوفت يتويوب عنهم ..

وشفت كيف املهم وقوه صبرهم .. وكيف ارداتهم قويه .. حتي لمن ما تنجح العمليه ..

اول قصه حابه ازكرها ..

مغنيه اجنبه جدا مشهورررة في عالم الغرب.. وغنيه جدااا ..

زوجها عنده ضغف في عدد الحيوانات المنويه وتقريبا ما تتحرك .. وعمره زوجها 68 ..

وعمرها42

الموهم تحكي قصتها .. تقول انها اول ما اتزوجت كانت تبغي تحمل .. وتبغي تموت على الاطفال

فحاولت هيا وزجها قرابه 3 سنين .. بدون اللجوء الي الطب او الفحصوصات

تقول بعد 3 سنين وانا عندي كل دورة اني اطلع حامل .. وتجيني الدوره ..
وكل دورة كان عندي امل جديد ..

الموهم بعد 3 سنوات .. من المحاولات الغير ناحجه راحوا للطب .. واكتشفوا انو زوجها عنده ضعف ومستحيل تحمل حمل طبيعي ..

تقول طبعا ما ضيعت الفرصه وعلى طول بدانا بالاطفال الانابيب ..

طبعا اول تجربه لها .. وتقول كنت فرحانه ومبسوطه ومتحمسه ..

الموهم تحكى في خلال الفترة اتفرجت على برنامج خاص بقصص اطفال الانابيب .. وجات وحده تحكي تقول ليا 8 محاولات والي الان ما نجحت ولا محاولة .. وانا راح استمر فيها الي يسير حمل

طبعا المغنيه .. تقول انا استغربت من اصرار الحرمه .. وسرت افكر في نفسي اني ممكن اسير زيها وما تنجح عمليتي ..

لكن .. !!!

عمليتي نجحت من اول مررة .. وكنت في غايه السعادة .. وزرقت بطفل جميل ..


تقول كبر طفلي وسار عمره 10 سنوات .. تقول وانا كبرت ايضا وسار عمري 40 سنه ..

وحسيت انو البيت فضي علينا .. وولدي يبغي اخ له ..


فقررنا انا وزجي نو نبدا باطفال الانابيب .. من جديد ..

وكانت الصاعقه انو عدد الحيوانات المنويه سارت عند زوجها بالعدد .. يعني ينعدوا بالاصابع .. يعني فرصه الحمل اضعف واضعف ..

خلال العشرة السنين لمن تستخدم مانع ولمن تفكر في الحمل كثييرا .. لانها كانت مشغوله بجولاتها الغنائيه ~

تقول وبدانا رحله العلاج .. من 2009 الين 2010

في خلال سنه وحده عملت قرابه 6 عمليات اطفال انابيب ..




ولو تشوفي مقابلها وكيف تتكلم عن الموضوع .. وعلى وجهها بسمه كبيرره وقوه وحماس ..

بصراحه ما شفت في حياااتي .. حتي المذيعه مستغربه منها .. تقول المذيعه انا اعرف تجربه اطفال الانابيب تجربه مؤلمه ومليئه بالمشاعر ..

والمغنيه ترد عليها .. تقولها بالعكس كل تجربه تخليني اقوى واملى واصراري بالطفل يسير اقوى ..


وراح استمر اعملها الين الدكتور يقولي في خطر على حيااتك .. وداك الوقت الوحيد الي راح اوقف وابطل اني اعملها ..

اما بدون سبب او عشانها فشلت كدا مررة .. من المستحيل اني اوقف !!!

شايفين يا بنات قوه الادراه .. والامل عندها ..


ما قعدت تفكر انو العمليه الي قبلها ما نجحت وقعدت حزينه عليها .. بالعكس تقول انا افكر لقدام ..

خلاص الي راح مات .. ايش راح اسوي هوا الي مهم ..
وهدفي طفل .. وما في شي راح يمنعنني عنه ..

الا اذا في خطر على صحيتي او على صحه الطفل ..!!


اول عمليه اطفال انابيب .. غير ناحجه ..

ثاني وحده غير ناحجه

ثالث وحده غير ناحجه

رابعه وحده تم الحمل .. ولكنها اسقطت في الشهر الثالث ..

وكيف كانت رده فعلها ؟؟.. جدا هاديه .. وجدا مرتاحه .. وتقول انا لمن عرفت الخبر ..

رحت وخبرت زوجي وولدي انو الطفل ما راح يعيش .. ودي سنه الحياه .. وما فيها شي خطا

تقول قلت الخبر لهم وانا عاديه جدا وما ابغي ولدي او زوجي يشعروا بالحزن ..




وبعدها على طول بدات بالعمليه الخامسه .. وكانت تقول في كل لقاء تلفزوني ..

اني هيا الخامسه اكيييد راح احمل وانا كلي امل ..

واتوقعوا ايش !!




ما حملت !!

والعالم كلها كانت تنظر ..


وتتصورا انها وقفت او قالت خلاص .. يابنات دا كله في سنه !!

في سنه وحده ومو في عشره سنين !!!!!!!

شايفين كل الامل والرغبه والاصرار ..

كيف هما كفره وما عندهم رب .. وكيف املهم كبييييييييييير ..

ما قعدت وحزنت وبكيت وقفلت على نفسها الباب .. وممات من الحزن ..

بالعكس كانت ما تضيع الفرصه ولا الدقيقه ..




وفي العمليه السادسه .. نجحت .. وحملت ب 3 تؤام ..


وفي الشهر الثالث واحد من التؤام قلبه اتوقف .. ومات .. تخليوا ..



تقول وكل همي وخوفي على الباقين .. تقولي حزنت في قلبي على الي مات ..

بس املي في الباقين انهم يكملوا ..

وجابتهم .. ودحين عمرهم قرابه السنه ..


وتقول انا ابغي اعطي امل لكل وحده انها تستمر وما توقف .. المساله مهي باللارقام

5 او 6 عمليات او 10 غير ناحجه ..

اهم شي هدفك .. الرقم ابدااا مو مهم .!!!!!!!


تقولي هدفي ابغي طفل وراح احاول بكل مجهودي وقوتي . .. اني احمل بيه

واعمل خمسيه عمليه انابيب .. ولا همني الرقم .. لانو الرقم مو مهم !!!

اهم شي اني اوصل للهدف ..


ودحين عملوا معاها مقابله .. وتقول بكل عزيمه الاطفال نعمه وبسمه في الحيااه

وانا اكيد بابغي اطفال ثاني .. وراح ابدا من جديد .. بس مو دي الفترة ..

ما قالت خلاص او كفااايه ..




شفتوا يا بنات كيف ..

لا احد يوقف عند نقطه الفشل ويقعد عليها ويحزن ..

او يشوفيها ناهيه الدنيا.. خلي عندكم امل واصرار ..

وامل كبيير بالله .. اذا هم الكفرة ربي اعطاهم ..

فكيف نحنا المؤمنين ..

عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

حسن الظن والامل .. مو الحزن على الي فات ..

بس يا بنات ابغاكم تفكروا في قدام مو الي فات .. واعملي انه كله صبر وامتحان من الله ..

انك تكوني من الصابرين او القانطين ..


2- وتاني حكايه برضوا .. جدا مؤثره ..

وحده اجنبه .. تقول برضوا انو حملها مستحيل ولازن يعملوا حقن مجهري . .

تقول عملتها كد مررة وما نجحت .. وبعدين نجحت وحملت بتؤام ..

تقول سعادتي كانت فوق الوصف ..

وكل شهر يكبروا في بطني .. واحلامي وفرحتي بيهم تكبر وتكبر ..

تقول اشتريت لهم ملابس وكل شي ..

مع انهم فقراء من حي جدا فقير .. تقول وطول الوقت وانا وزجي نجمع في الفلوس عشان الحقن .. والتكاليف ..

تقول وفي يوم من الشهر السادس .. احس بالم وكانه طلق ..

وعلى طول على المستفشى .. وقالوا لها الرحم فاتح 6 .. انتي ولاده ..

تقول ولدت اطفال احياء .. وما قعدوا 10 دقايق الي ماتوا الاثنين قدام عيني ..

تقول حزنت حز عليهم .. ورجعت بيتي خاليه اليدين ..
والبيت مليان اشياءهم واسرتهم ..

تقول مستكها ورفعتها للاطفال الي راح اجبيهم .. لاني اكيد راح احمل تاني ..

هما راحوا .. بس انا اكيييد راح اجيبهم زيهم .. واحلى ...

وتقول وبدات افكر في المستقبل واني راح اجمع فلوس اكثر عشان اسوي الحقن مررة ثانيه وثالثه ..

وبعد فترة طويله .. حتي انها اصرت على الدكتورة ترجع لها كم جنين ..

وتقول ورجعت لي 6 اجنه ..


وتقول وحملت .. وما صدقت حملت ..

وتروح المستفشي تتطمن على الاجنه .. وتلاقي 5 بيبهات قلبهم يدق .. !!
تقول انا وزوجي سرنا نبكي .. ونشكر الدكتورة على انها رجعت لنا كم جنين ..

وولدت فيهم ودحين اعمارهم سنه وشي ..

بنات شايفين كيف .. الامل والاصراار ..

من جد قرات كم قصه للبنات .. بعض الي اجهضوا في الشهور المتقدمه الخامسه والسادسه

يقعدوا في دوامه من الالم والحزن .. والبعض يوقف تماما عن عمل العمليه مررة ثانيه .. ووحده اتطلقت من زوجها .. وقعدت حزينه على ااطفالها الي ماتوا ..

واالثانيه رفعت ملابسهم وكل ما تمكسها تبكى .. وتحزن .. وترفض انها تخلف او تخوص التجربه مررة ثانيه !!


يعني نحنا المفروض يكون عندنا صبر اكتر من الغرب ..
لاننا نعرف انهم راحوا يكونوا في الجنه ..

1- ورد ذلك في حديث سمرة بن جندب رضي الله عنه ، قال :
( كانَ رسولُ اللهِ - صلى الله عليه وسلم - مِمَّا يُكثِرُ أن يَقُولَ لِأَصحَابِهِ : هَل رَأَى أَحَدٌ مِنكُم مِن رُؤيَا ؟ قالَ : فَيَقُصُّ عَلَيه مَنْ شَاءَ اللهُ أَنْ يَقُصَّ .
وَإِنَّه قَالَ ذَاتَ غَدَاةٍ : إِنَّه أَتَانِي الليلَةَ آتِيَانِ ، وَإِنَّهما ابتَعَثَانِي ، وَإِنَّهُما قَالَا لِي انطَلِق ، وَإِنِّي انطَلَقتُ مَعَهُمَا . . .
.( فذكر أشياء رآها ثم قال ) فانطَلَقنَا ، فَأتَينَا عَلَى رَوضَةٍ مُعتَمَّةٍ ، فِيهَا مِن كُلِّ لَونِ الرَّبِيعِ ، وَإِذَا بَيْنَ ظَهْرَي الرَّوضَةِ رَجُلٌ طَويلٌ لَا أَكادُ أَرَى رَأسَهُ طُولًا فِي السَّماءِ ، وإِذَا حَولَ الرَّجُلِ مِن أَكثَرِ وِلدَانٍ رَأيتُهم قَطُّ ، . . . ( ثم كان مما عبره له الملكان ) :
وَأَمَّا الرَّجُلُ الطَّويلُ الذي فِي الرَّوضَةِ فَإِنَّه إبراهيمُ ، وَأَمَّا الوِلدَانُ الذِينَ حَولَه فَكُلُّ مَولُودٍ مَاتَ عَلَى الفِطْرَةِ ، فَقَالَ بَعضُ المُسلِمِين : يَا رَسُولَ اللهِ ! وَأَوْلَادُ المُشْرِكِين ؟ فَقَالَ : وَأَوْلَادُ المُشرِكِين ) رواه البخاري (7047)
عن ابن مسعود رضي الله عنه قال :
*" أرواح ولدان المؤمنين في أجواف عصافير تسرح في الجنة حيث شاءت ، فتأوي إلى قناديل معلقة في العرش " انتهى.


2 - عن أبي حسان قال : قلتُ لِأَبِي هُرَيْرَةَ : إنَّه قَدْ مَاتَ لِي ابنانِ ، فَمَا أَنْتَ مُحَدِّثِي عَنْ رَسُولِ اللهِ بِحَدِيْثٍ تُطَيِّبُ بِهِ أَنْفُسَنَا عَنْ مَوْتَانَا ؟
قالَ : نَعَمْ ، صِغَارُهُم دَعَامِيْصُ الجَنَّةِ ، يَتَلَقَّى أَحَدُهُم أَبَاهُ - أَوْ قَالَ أَبَوَيْهِ - فَيَأْخُذُ بِثَوْبِهِ ، - أَوْ قَالَ بِيَدِهِ - كَمَا آخُذُ أَنَا بِصَنَفَةِ ثَوْبِكَ هذا ، فَلَا يَتَنَاهَى حتى يُدخِلَه
وفي قول اخر : أو قال بيده كما آخذ أنا بصنفة ثوبك هذا قال: فلا ينتهي حتى يُدخله الله وأباه الجنة" رواه مسلم.

3- عن أبى هريرة -رضي الله عنه- قال: جاءت امرأة إلى النبي -صلى الله عليه وسلم- فقالت: يارسول الله! إنا لا نقدر عليك في مجلسك فواعدنا يوماً نأتك فيه. فقال: موعدكن بيت فلانة فجاءهنّ لذلك الوعد، وكان فيما حدثهنّ فيه: ما منكن امرأة يموت لها ثلاثة من الولد فتحتسبهم إلا دخلت الجنة فقالت امرأة: واثنان؟ قال: واثنان".


4- عن أبى سنان قال: دفنت ابني سناناً وأبو طلحة الخولاني جالس على شفير القبر، فلما أردت الخروج أخذ بيدي، فقال: ألا أبشرك يا أبا سنان؟
قلت: بلى، قال: حدثني الضحاك بن عبد الرحمن عن أبى موسى الأشعري عن النبي -صلى الله عليه وسلم- قال: إذا مات ولد الرجل يقول الله تعالى لملائكته: أقبضتم ولد عبدي؟
فيقولون: نعم فيقول: أقبضتم ثمرة فؤاده؟
فيقولون نعم فيقول: ماذا قال عبدي؟
قال: حمدك واسترجع.
فيقول : ابنوا لعبدي بيتاً في الجنة، وسموه بيت الحمد" رواه الترمذي وهو حسن.

يا سبحان الله .. ياربي كم انت رحيم

وعسى ان تحبوا شيئا وهو شر لكم وعسى ان تكرهوا شي وهو خير لكم ..

ودا كلامي لو وحده فقدت طفلها او عندها يأس او حزن ..

او فقدت الامل ..


انها ترجع مررة ثانيه وتحاول .. وتحط قدامها هدف انها باذن الله راح تحمل ..

وتخلي ظنها بالله كبير .. حتي لو ما نجحت العمليه ..

وتكون موقنه انو الله ما راح يردها بقدرته ..


ادعوا الله وانتم موقنون بالاجابه .. وخلي عندك امل واصرار وعزيمه ..


وخذي باالاسباب .. واعملي المستحيل .. واتوكلي على ربنا ..

ولا تاسي .. شفتي كيف الغرب وقوه اصرارهم .. وعذابهم وشوقهم للطفل ..

لكانهم ما تهاونوا لا حزنوا .. لكن اخذوا بالاسباب ..


حبيت ابعث في روحكم الامل من جديد ..

يمكن كلامي فتح مواجع وذكريات للبعض مننا .. لكن هدفي انكم لا تفقدوا الامل ..

انكم تحاولوا من جديد .. وما دام انتي في صحه وعافيه ..

فلا تضيعي الوقت .. ابداي من جديد بقلب مليئ بالتفاؤل والاصررررار


وفي الاخير :
اذا عند قصه تشاركينا بيها .. لعلها تبعث الامل في قلوبنا فلا تبخلي بيها ~




مخرج :



واني لادعو الله حتي كاننى ارى بجميل الظن ما الله صانع ~