تعالو يا بنات علموني وشريكم في حركة سلفتي؟؟؟

بسم الله الرحمن الرحيم



هذا يابنات كنت مرة معزومة عند وحدة من سلفاتي المهم ومالكم بالطويلة وكانت عندها معزومة بعد سلفتي الثانية وبعدين دخلت عليهم وفكيت عبايتي عند المدخل وسلمت علية صاحبة البيت واستقبلتني احسن استقبال ودخلت بعدين الصالة والقى سلفتي قاعدة طبعا هي مالها ثلاث سنوات متزوجة واصغر مني بكم سنة المهم وامد يدي لها ابغى اسلم عليها وما قامت سلمت علية ولا عبرتني :mad:وعاد ولدي كان في يدي نايم ووابغى اسلم وروح اقعد تعبت ولا قامت ولاعبرت وانها تقعد تصارخ على ولدها كان في الحوش يلعب لان الصالة تطل على الحوش وطنشتني ولاكني واقفة قدامها والمشكلة اني انا على نياتي وماني دارية انها ماتبغى تقوم تسلم علي :44:والمشكلة الاكبر ان مابيني وبينها اي مشكلة ولا قد صار بيني وبينها خلاف من قبل هذا الي قهرني زيادة يعني لو اني غلطت عليها كان استاهل الموقف الي صار لي بس عاد وش نقول ناس نفوسها شينة كلها حقد ومرض وحسد المهم وما اطول عليكم في الاخير يوم شافتني طولت قدامها قامت و رفست رجلها في الارض بقوة وسلمت علية بعد عناء:09: وصاحبة البيت قاعدة تطالع الموقف ومستغربة زيي وبعدين رحت قعدت

وما استوعبت الموقف الا بعدين يوم رجعت البيت قعدت اراجع نفسي اقول وش بلاها ذي ماسلمت علي وفي الاخير اكتشفت انها قاصدة وبالعاني ما قامت سلمت بس لو كنتم مكاني وش راح تسوون ؟؟؟؟؟


والى يومكم هذا ما قابلتها عاد السالفة صار لها شهرين ولاني دارية ليش ما سلمت علي الى ذلحين هقوتكم وش السبب والمشكلة ان زوجي مايقصر على زوجها في شي ثاني يوم زوجها جا عند زوجي علشان يبغاة يروح معاة يشتري سيارة ويوم قالي زوجي ماعلمتة بشي ولا حاولت افرق بينة وبين اخوة والى يومكم هذا ماعلمت زوجي بشي تجنبا للمشاكل بس اشريكم في حركتها معاية ؟؟؟؟؟؟