جزاك الله خير ذبحتنااااا هالكروش

هلا خواتي
صح هذا اللي اقصده الموضوع ومشكوره على الرابط
وانا عرفتها الاخت نوفا وهي بسببها اللي نزل كرشي يا بنات
واكرر شكري لها مع ان لا اعرفها ولا تعرفني
هلا اختي جود
مقادير بكتبها لك
كنت احط قطعه كبيره شوي من الجنزبيل تقريبا حجمها قد استكانة الشاي او اكبر بشوي واحيانا اصير كريمه واكثر
واحط ملعقتين كبار من الكمون
واحط تقريبا عودين من النعناع ويكون كبير العود يعني اكثر عشان يطرد الغازات
واحط 2 شاي اخضر للرشاقه من عند وادي النحل وتلاقونه عند العطار او السوبر ماركت
وبصراحه السوبر ماركت ارخص من العطار
واحط 3 ملاعق كبار من رجل الاسد
وكنت احط مويه بدون مقياس
ويمكن تطلع لي اكثر من 4 كوب من المشروب
حطي 4 اكواب ماي
واحيانا لما اصب لي من المشروب في الكوبه اقوم واعصر عليها نص ليمونه صفره
واحط الترمس جنبي واشرب فيه
واللحين موجود جنبي الترمس


هلا اختي ديني نجاتي
بصراحه العشبه هي ازهار
وكنت اشوف يها اعواد وكنت اشيلهم لان ماادري عن الاعواد
وبعدين انتبهت الى موضوع الاخت وشفت الاعواد هي نفسها اللي كنت ارميها
والحين استخدم الزهور مع الاعواد
لان يجون مع بعض اثنينهم
طبعا اخدتهم من عند عطار بالدمام اسمه المرواني وهو بصراحه غالي
يبيع الكيلو 80 ريال
وانا اشتريت ربع كيلو تجربه 20 ريال
بس الربع كان كبير والى الحين ماخلص حتى نصه مع ان عطيت اختي منه
ان شاء الله استفدوووووووو مني
واي سؤال اسئلوني سواء بالموضوع او بالخاص وانا ما بقصر وياكم
وحياكم معاي الترمس مليان من المشروب

نسيت اقول لكم شيئ
اللي لاحظته وانا اشرب الخطه انه انتم وبكرامه كنت ادخل الحمام كثير للتبول
وحتى زوج اختي لما جربها وياي صابه نفس الشيئ
اما انتم وبكرامه ما سبب لي اسهال
ويا كرهي لما اروح كل شوي وانتم بكرامه الحمام
بس ويش نسوي
اللي يبي الدح ما يقول اح
وهذا كله في سبيل الرشاقه
بس لما اروح السوق مع الغالي مااشربها
عشان لا كل شوي ابي الحمام
ههههههههههههههههههههه
تتوهق البنت في عمرها

طيب اختي كنت تسوين رجيم
وكم كان وزنك

ربي يجزاك الجنه انا اليوم اشتريتها وببدا فيها من بكره باذن واحد احد