طبعا مفيش حد مش عندة هموم
فية ناس بتعرف تتغلب على همومها
وناس بتنسى همومها
وناس بتعيش وتموت وهى مش عارفة اية همومها
بس كلنا متفقين ان احنا عندنا هموم
طب بنعمل اية؟؟؟
انا هاقولكم انا بعمل اية
فية حدوتة كدة صغيرة لما بحكيها لنفسى برتاح
قلت احكيهالكم يمكن تساعدكم فى اوقات الشدة
( كان زمان واحد عندة حصان وكان ماشى مرة بية
وهو بيجرة وراة وعمال يفكر
عارفين بيفكر فى اية؟؟؟؟
بيفكر يبيع الحصان دة وبعدين قال بس دة مش هايجيب فلوس
اعمل اية ؟؟؟ اعمل اية؟؟؟ اة انا اتخلص منة
بس ازاااااااااى
وهو عمال يفكر كدة والحصان وراة فجاة .................
الحصان وقع فى حفرة غويطة وقعد يعمل صوت عالى اوى اوى
صاحبة اول ماشافة كدة فرح لانة لسة كان بيفكر ازاى يتخلص منة
المهم وبدون تردد بدا يرمى تراب على الحصان وهو فى الحفرة
وكمان طلب مساعدة الناس اللى حوالية
وهما كمان بدون تردد ساعدوة فى اذية الحصان
كانوا عمالين يرموا التراب والحصان يعمل صوت عالى اوى
وفجاة لقوا الحصان سكت
قالوا يمكن خلاص مات وبيبصوا علية
عارفين لقوا اية؟؟؟؟؟؟؟؟؟؟؟؟؟؟
لقوا انهم كل مايرموا الحصان بالتراب على دهرة
ينفضة ويقف علية لحد ما وصل لفوق وطلع من الحفرة
وساعتها صاحبة ندم اشد الندم لانة فى لحظة كان هايتخلى عنة )
خلصت الحدوتة
انا كنت عاوزة اقول من خلالها انا مهما المشاكل كترت
وبقت حمل جامد علينا نقدر ننفضها عن ضهورنا وساعتها هانوصل
للى عاوزينة واللى كان بيفكر يبيعك هايندم عليك اوى
انا لما بحس بضيقة بحكيها لنفسى
انا مش هاطلب منكم ردود
بس اللى تحس ان القصة دى فادتها تقولى
عشان اعرف ان كان فية لازمة للى كتبتة
شكرا اخواتى
*أحاسيسـ أنثى* @ahasys_anth
كبيرة محررات
يلزم عليك تسجيل الدخول أولًا لكتابة تعليق.
pink fo0ofo0o
•
مشكورة على القصة
الصفحة الأخيرة