اللي اعرفه ان ليلة القدر تاتي للشخص وهو بين النوم والبقظه وليس يقظ على ما اظن

وش ذا الحتسي؟؟!!

طيب أنا ما أبي أكذب أحد لأنكم حريم عاقلات .. ما أتوقع تكذبون بهذا العمر ..

اللي مستغربة منه ان هذا الكلام أول مرة أسمعه يعني ماعمري سمعت أحد يقولة لا أهلي ولا مدرسات ولا حتى كتب على كثر ما قريت ..
اللي أعرفه ان الشخص يمكن يشوف هذا الشي في المنام .. والأحاديث اللي تدل على علاماتها ..

ويمكن ربي يصطفي ناس هم أولياء الله ويخصهم عن خلقه بكرامات أو شي ..
يمكن اللي شفتوه ملائكة مثلا بس محد شافها الا الأنبياء والرسل ..طيب يختص بها واحد .. وحدة تقول اهي وخواتها وصديقاتها شافو حصان له جنحان ( يعني نفس اللي بأفلام كرتون )يطلع للسما لحد ما أختفى ..متأكدة ؟! أخاف يكون بالون حق الأطفال طار من واحد هذا اللي على شكل حيوانات ومعبا بغاز .. والله أتكلم جد لا تزعلين ..


الأخت اللي تقول بتدعي على البنات اللي ما صدقوها .. ليه ؟؟!! ..الموضوع انطرح وكل وحدة حرةحسب قناعتها .. لا تلومينهم معلومات غريبة عليهم .. ويمكن صدق بس ياليت تفيدينا أكثر يعني بأي شي حديث أثر تاريخ يدل على ان الشخص ممكن يشوف ليلة القدر بعلامة زي ما قلتي لأن اللي نعرفه اننا نعرفها بالعلامات بعد الليلة يعني أثناء الشروق ..


والله أعلم

انا من مدة سنتين عاهدت نفسي في رمضان اني اقاطع المسلسلات

واتفرغ للذكر وقرآة القرآن وقلت في نفسي كل هالمسلسلات بتنعاد اهم شي اني

ما افوت رمضان هالمره اللي هو سنة 1429 هـ على ما اظن

وفي ليلة 25 طلعت اصلي القيام بالمسجد اللي جمبنا واشوف الا السماء على غير عادتها

منوره ماشاءالله وحسيت وربي يشهد علي بانشراح غريب في صدري غير باقي الليالي

ولمن بدت صلاة القيام جاني خشوع اول مره اعرف وش يقول الأمام باتلصلاه بدون سرحان ولا تفكير

وكل ما جات اية عذاب اصيح كني مجنونه من خشية عذاب الله وكل ما جات اية فيها عن وصف الجنه اصيح مشتاقه لها

احساس غريب اول مره احس فيه وبعد ما خلص رمضان سمعت شيخ في اذاعة القرآن يقول ان ليلة القدر كانت في 25

وفرحت فرحه عظيمه ان ربي وفقني في ذيك الليله اقومها ايمان واحتساب

وهذي قصتي في ذيك السنه

لااله الا الله محمد رسول الله ............... معقول اللي شفته انا كمان دوبني تذكرت اني كنت في المتوسط وكان في اخر رمضان وصلاة تراويح او تهجد الله اعلم في قريه صغيره وهدوء الا زي السهام تنزل من السماء للارض كانت كثير زي المطر ولامعه واستمرت دقايق بس من الجهل ماعرفت اش اسوي او اقول والى الان صورتها ومكانها في بالي لااله الا الله وماتكلمت على احدالموضوع ذكرني سبحان الله ....
وماهي شهب زي اللي نشوفها بالبر لااااااااااااااااااااا ياسبحان الله ....


الاخوات الغير مستوعبين لاتكذبون احد الله العالم بالصادق من الكاذب هذا كلام واحداث من سابقين ولاحقين وناس فعلا ظهرت لهم هذي المشاهدات والكرامات يدل والله اعلم على تفضل الكريم المنان عليهم بهذه الهبه والمكرمه العظيمه واتمنى يكون فيه توعيه مكثفه بفضل قيام العشر والاجتهاد فيها بالعبادات والطاعات والدعاء لان الملائكه تتنزل في هذي الليالي ولااله الا الله