حبيبه اوسو :

الله يهديكى يا ايمان خليتى التجمع بقى اعترفات ليليه هههههه انا كمان مقصره مع زوجى وبشتغل طول انهار فى البيت ولحد لما اجى انام وبرضو مش بخلص ودرست سنه فى الماجستير بدون هدف ولا حتى اعرف انا عايزه ايه ولحد دلوقتى بجد مش عرفه انا عايزاه ولا لاء فى الاول كنت حابه الكلمه من باب المركز الاجتماعى والفراغ النفسى وليس العاطفى وبحب الدراسه لكن دلوقتى حاسه ان عندى انفصام فى شخصيتى وبلبله فى افكارى عايزه ومش عايزه طبعا انا استفدت كتير من دراستى الى باين اثرها على شخصيتى وكمان نضج تفكير وتقليل هوائيتى يمكن دا اتعارض وجه على حقوق ولادى وبيتى مما ادى الى انى وقفت عجزه مش عارفه اختار صعبان عليا الى فات والتعب الى انا تعبته وفى نفس الوقت قرفت من الموضوع ولو كنت من الاول حددت اهدافى ورسمتلها خطه مع مراعاه العقوبات الى هتواجهنى كان حالى بقا افضل من كده انتى جيتى صحيح على الجرح وهو لسه بينزف فيا اخواتى التى لم تلدكم امى حقى عليكم انكم بجد تساعدونى فى هذا الاختيار وتقولولى راءيكم كل واحده تقول راءيها امامى اسبوعين لدخول امتحان 4 ملاحق مع الشفوى ولسه مدبرتش المصاريف (معملتش حساب للوقت ) واحتمال انجح او وساعتها كل الى فات هيتلغى لانى مش ناويه ابداء من جديد اطلاقا هنسى كل الى فات واذا نجحت هستفاد علاوه دائمه على المرتب جايز ينفع فى الترقيات او احتمال ضعيف جدا انى اتعين فى الكليه المرحله الى جايه اسهل من الى عدت ولسه سنتين والا اريح نفس وابطل اوجع قلبى وامسح كل الى فات دا باستيكه وانساه مع العلم انى كنت بحفظ مع مجموعه قبل ما ابداء الدراسه وتوقفت علشان الدراسه وطبعا هما سبقونى ولما حبيت ارجع لم اجد مجموعه مناسبه لظروفى لحد دلوقتى وبحفظ فى البيت ببطء شديد دا كمان مضايقنى عذرا على الاطاله بس بالله عليكم واستحلفكم بالله محتاجه راءى كل واحده فيكم بجد علشان تساعونى انى اطلع من حيرتى وترددى واحدد هدفى الى ابنى عليه بقيت حياتى وانجح ان شاء الله والله محتاجه راءيكم والعاء لى وربنا يفك كرب الى ترد عليا ويرزقها الرضا والعفاف والتقى

الله يهديكى يا ايمان خليتى التجمع بقى اعترفات ليليه هههههه انا كمان مقصره مع زوجى وبشتغل طول...

3aroos elneel :

السلام عليكم ورحمة الله وبركاته الموضوع ما شاء الله بقى له نمط جديد حاسه انه قاعده أخويه جميله لكن من القلب قاعده كلها حماس للتعلم وحماس بان كل واحده عايزه تفيد بكل ما عندها سجى فكرتك ما شاء الله جميله ان يكون الموضوع منظم ومش عشوائى وفى نقطه مهمه أحب أتكلم فيها شعارنا لازم يكون الايجابيه وبداية الايجابيه علاقتى بربى لانها هى ال حا تنظم لى كل حياتى مش الغرض انى اعيش عابده وزاهده فى غرفه مقفوله بعيده عن الحياه والعالم الخارجى أكيد الصوره دى لا ترضى الله ورسوله لانى حا اكون مقصره مع بيتى ونفسى وولادى وأكيد كلنا بنخاف من التدين لاننا شفنا فى حياتنا نماذج لناس عابده وملتزمه لكن مع أى موقف تلاقيى ردة الفعل بعيده تماما عن الدين فتخافى من التدين عشان ما تكونبيش النموذج المنفر ده لكن كلنا مع بعض حا نمشى صح الدين هو منهج حياتى وهو ال حا ينظمها ويخلى ليها طعم لان ليا هدف كبير هو رضى ربى والهدف الكبير حا ينعكس على كل حياتى حا نربى صح نماذج من أولادنا بلغة العصر روشه لكن مش على حساب دينها حا أكون فى بيتى شيف ممتاز ووزيرة ماليه وطبيبة علم نفس وأنثى رقيقه أكيد كل واحده تقول صعب أكون كل دول لكن بالدين ان شاء الله نمشى وحده واحده وحا نتغير ونبدأ بولادنا ونغرس فيهم حب الدين وعدم فصله عن الحياه وفعلا لما حا نعيش لهدف ونجتهد من أجله حا يكون لحياتنا طعم جديد ياريت نكمل تجاربنا فى الالتزام بالصلاه وتكون هى البدايه ال ننظم بيها حياتنا لانها عمود الدين وأنا حا اخرج بره الموضوع لان معنوياتى مرتفعه جدا لان لاول مره الاقى كل الناس مشتركه فى مشاعر السعاده والفرح ال مهتم بالسياسه والغير مهتم حتى الاطفال كله سعيد أكيد عرفتو ليه وال مش عارف اقول له لاول مره حا تشوف حاجه فى نشرة الاخبار تسعدك ايمان منتظرينك وكل البنات جزاكم الله خيرا كل المشاركات رائعه

السلام عليكم ورحمة الله وبركاته الموضوع ما شاء الله بقى له نمط جديد حاسه انه قاعده أخويه جميله...

ســــجى الليل :

متهيألي ان اول واهم هدف عندنا هو الصلاة ... والاذكار وقيام الليل ... صلاه كامله غير منقوصه في مواعيدها وتكون باتقان سواء المفروضه او السنه وتبقى بخشوع ونختمها بالاذكار ...وقبل الصلاه عاوزين ناكد على احسان الوضوء وعلى اذكار الوضوء ... وقبل ما ابتدي تجهيز نفسي للصلاه والوضوء لازم يبقى ذهني صافي تماما بمعنى لو بعمل اي حاجه في ايدي اخلصها قبل موعد الاذان ولو ما خلصتش اوقفها ... بحمر رز مثلا اطفي عليه ... اولادي صغيرين وقاعدين معايا في البيت ابقى اكلتهم وشغلتهم باي حاجه علشان ما حدش منهم يقاطعني ... اولادي كبار شويه اعلمهم انه وقت الصلاة وانه وقت مقدس لأنه مقابله لرب العرش العظيم ... ما فيش دوشه ولا مقاطعه لغاية ما اخلص ... وهدف تاني ممكن احققه جوا الهدف ده اني اعود اولادي على الصلاه ... طب حعمل ايه ... قبل الاذان بربع ساعه ... انده على اللي في البيت الصلاه يا مؤمنين الصلاه يا اولادي يا جوزي مين عاوز يروح مع ماما الجنه مين عاوز ربنا يرضى عليه مين عاوز ربنا يحبه ... مين عاوز يظله الله في ظله ... ييجي معايا ... يالا يا ماما كل واحد يذهب للوضوء يالا حماسه احنا حنقابل رب العباد حبيبنا اللي ادانا كل النعم اللي بنتمتع بيها مين حييجي يصلي مع ماما مين امامنا النهارده وهكذا تشجيع وكلام يرغب ويحبب الى الصلاه ... اعملهم استيكارات تعلق في اوضهم وفي طرقة البيت في المطبخ عن اهمية الصلاه عن جزاء تاركها وعن فضلها ... جيبي لبنتك لبس صلاه خاص بيها ده حيشجعها ... لابنك او بنتك سجادة صلاه خاصه بيه بردك حلو ... ادي لكل واحد منهم سبحه يسبح بيها ويذكر الله علميهم بعض الاذكار الخفيفه يقولوها بعد الصلاه وبعد كل فتره وفتره زودي الجرعه .... صحيهم لصلاة الصبح ابقي عاملالهم عصير مثلا لبن بعسل ...وحضري لكل واحد منهم الفوطه بتاعته واحده لتنشيف رجليه وواحده لتنشيف ايديه ووشه فوط صغننه وشامبو في علبه صغيره لزوم التنظيف والطهاره تممي على غسيل اسنانهم قبل الوضوء وقوليلهم حديث الرسول (لولا ان اشق على امتي لأمرتهم بالسواك قبل كل صلاة ) ولو في سواك عندنا يبقى اجمل لأني بخليهم يعملو حاجه موش معتاده واعرفهم اني باعملها سنه عن رسول الله صلى الله عليه وسلم ... في المجمل حسيسيهم بخصوصية الوضوء والصلاه ... انا بقول الكلام ده لنفسي قبل ما اقولهلكو ... ده حلم من ضمن الاحلام اللي عندي ... وعلشان يتحقق لازم العمل والصبر وحقولكم مقتطف من كلام الشيخ الرائع النابلسي عن الصلاة: المؤمن مكلف بأمر أهله بالصلاة و الاصطبار عليها : (وامر اهلك بالصلاة واصطبر عليه) سورة طه ايه 132ا كم من المؤمنين يصلِّي لكن لا يعنيه شأن أهله .. صلَّوا أم لم يصلّوا ، لا يعنيه شأن أولاده .. صلَّوا أم لم يصلّوا ، إذا كان بالإمكان أن تصلّي بهم إماماً في البيت فافعل ، إذا كان بالإمكان أن تصطحبهم إلى المسجد فافعل ، دائما الابن قد يكون عبئاً على أبيه ، لكن إذا كان عبئاً عليه ثم قطف الثمرة اليانعة ، ينسى كلَّ الأتعاب التي تعبها من أجله ، إذاً أوَّل آية : فكلَّما دخل وقت الصلاة تذكَّر هذه الآية ، أنت لست مكلفاً أن تصلِّي وحدك .. أنت كمؤمن مكلفٌ أن تأمر أهلك بالصلاة وأن تصطبر عليها . الآية الثانية : (قوا انفسكم واهليكم نارا وقودها الناس والحجاره) التحريم ايه 6 على الإنسان المؤمن أن يقي نفسه و أهله نار جهنم : أمْرُ الله عزَّ وجلَّ لك لا أن تقي ذاتك وحدك ، أمْرُ الله عزَّ وجلّ أن تقي نفسك وأهلك ، فالآية واضحة : الإنسان الذي يأمر أهله بالصلاة يتكفل الله برزقه هو و أولاده : نحن نحاول أن نتعرَّف إلى سنَّة النبيّ ، نحن نحاول أن نتعرَّف إلى توجيهات النبيّ هذه توجيهات النبيّ ..افعل ما يأمرك به النبيّ ، ولا تلتفت إلى الرزق ، ما الدليل ؟ الدليل هو قوله تعالى : (وامر اهلك بالصلاة واصطبر عليه لا نسئلك رزقا نحن نرزقك والعاقبة للتقوى ) (سورة طه) العلماء استنبطوا : " أن الذي يأمر أهله بالصلاة ، يتكفَّل الله سبحانه وتعالى له ولهم بالرزق ، هكذا تقول الآية ﴿ لا نسألك رزقاً ﴾، لا تقل لي : إنني مشغول ، عندنا موسم ، أريد تأمين الطعام لي ولهم ، أنت واحد منهما ، أنت معال ولست معيلاً .. أنت وهم عالةٌ على الله عزَّ وجلَّ ، لا تحتَّج بإهمال أولادك بعلَّة كسب الرزق .. لا نسألك رزقاً .. هذا كلام خالق الكون ﴿ نحن نرزقك ﴾ .

متهيألي ان اول واهم هدف عندنا هو الصلاة ... والاذكار وقيام الليل ... صلاه كامله غير منقوصه في...

فاطمه 79 :

مدام وائل موضوع اكثر من رائع وياريت نساعد بعضنا بكل شي ومثل ماقالت الاخت 3aroos elneel (كل حاجه محتاجه صفحات عشان نديها حقها) اي كل صفحه يحتاج الى جدول وبالجدول راح ينضم وقتنا واول نتضيم واول جدول هو العباده والحمدلله سويت لي جدول وها انا امشي عليها وان شاء الله باذن الواحد احد راح استمر عليه وراح اسوي لي ... جدول الثاني المصروف والثالث بيتي بما فيها من تنظيف وترتيب وطبخ وزوجي ونفسي ولو هذا اخر شي افكر فيه عن نفسي والرابع اهلي ( امي وابوي) لان افكر وبجديه بما اني بالغربه لكني راح اسافر لهم وابقى معاهم 3 اشهر ولو كثير لان زوجي مسكين راح اتركه لفتره بس شو اسوي امي وابوي فوق الكل واسوي كل ماقدر عليه لذالك ليل ونهار افكر كيف انضم نفسي وحياتي ووقتي بين اهلي وبين زوجي وبيتي الي بالغربه الله المستعان والله يقدرنا على السؤليه لان ليس مسؤليه وحده بل مسؤليات وان شاء الله لي رجعه باذن الله ونساعد بعضنا وكلها تسهيل من رب العالمين

مدام وائل موضوع اكثر من رائع وياريت نساعد بعضنا بكل شي ومثل ماقالت الاخت 3aroos elneel (كل حاجه...