زوجة مصرية :

السلام عليكم ورحمة الله وبركاته..... جمعة مباركة ان شاء الله عطر أنا داخلة مخصوص علشان أرد عليكى يظهر شوشو لعب لعبته الدنيئة معانا...طبعا.. شاف ستات زى الفل شاطرين وواخدين بالهم من بيوتهم وأزواجهم وكمان بدأوا يفوقوا لدينهم ..فقال اعمل ايه تتصرف ازاى يا شوشو بيه؟...بااااااس خلاص مفيش زى الشحناء والغضب أنا مش داخلة اقول نصايح...ولا داخلة أقول مين قال ايه انا زعلنى من كل كلامك جزئية واحدة و عموما انا للاسف معلوماتي ممكن متفيدش حد اوي و اللي فهمته انه مينفعش يكون موضوع ليوميات يبقى احسن نترك الساحه للي عنده اكتر كم من المعلومات ما تقوليش كده ..يا بنتى كلنا بنتعلم من بعض من كام صفحة مش فاكرة انتى قلتى ان أكتر حاجة سعيدة بيها انتظامك فى صلاة الفجر من سنة..ده مش حافز يا عطر لغيرك؟ كلامك عن التجميل وكورسات التقشير والترطيب والعناية اللى كتبتيها ..ده ما ساعدناش على حسن التبعلل ؟ انا مش هاعدد البنات ممكن كمان اللى قبلى بكتير هنا يقولوا اوعى تفكرى انك مش هتفيدى حد..الناس مستويات ودرجات فى كل حاجة فى الحياة وأولها الدين، انتى بتشدى حد تحتك يا عطر ما تحرميش نفسك من الثواب وغيرك من الإرتقاء لمكانة أعلى... وبعدين انتى ممكن تدورى على حاجات بنية انك تنقليها أو تبسطيها فى الموضوع هنا..وتبقى كسبتى ثواب ليكى ولغيرك و لو أنا من اللى زعلوكى ..آدى راس يوسف أبوسها " عندى بنت وكده بقى فبأرسم عليكى" على فكرة كلامك عن الأزواج عجبنى جدا قد أختلف مع بعض نقاط فيه لكن دى خلاصة مشاهداتك وجزء من تجربتك فى الحياة ..نجحت معاكى او مع غيرك ..ممكن تفشل مع ناس تانية...عااااااااااادى عارفة هو كله انك لسه تحت التلاتين..........غلاسة وهزار مش فى وقته بجد لسه الحياة ما اخدتكيش قوى وما عصرتش فيكى يا عطورة ...شوية كده بعد ما تعبرى الثلاثين بنجاح......... نظرتك لأمور كتير هتهدىىىىىىىىىى جدا وهتلاقى ان الأختلاف مع الناس شئ عادى وطبيعى ..انا مش باقول انك مش بتعملى ده .. بس هيكون الوضع أسهل ...يعنى أكبر منك بيوم بقى " سنتين الفرق بس أكبر برضه" مين قال اننا مش هنكتب اليوميات مش قلنا دنيا ودين مع بعض ؟ وتعالى هنا يا هانم فين بقى رسم العيون اللى طلبته منك أنا وعروس من ملفين فاتوا كده؟ هه؟ استعيذى بالله من الشيطان اللى بيحاول بكل الطرق يفك شملنا ده وارجوكى لازم تيجى وتتابعى معانا مش هاقول عشان خاطرى ..انا برضه مش قديمة قوى هنا ... احتسبى يا عطر ،،،،،،،،وافتكرى ان كل كلمة هتكتبيها فيه واحدة ما فى بلد ما هتستفيد منها وتدعيلك ..وأنا قلت قبل كده انا فضلت متابعاكم 3 شهور تقريبا قبل ما اقدر اشارك بسبب ظروف العضوية أنا عارفة انه مش بيهون عليكى وأكيد بتبصى علينا برضه وهتقرى الكلام وان شاء الله مش هتكسفينى وكمان مرة بجد انا لما علقت على عدد الصفحات ما كانش قصدى انه كلام مش مهم او بعيد عن الهدف بالعكس، كلنا متزوجات وعارفين ان من اكتر الحاجات اللى بتنعكس على نفسياتنا وقدرتنا على مواصلة كل حاجة فى بيتنا هو علاقتى مع زوجى أخبارها ايه وأنا بجد استفدت من كل واحدة قالت رأيها سواء اتفقت معاها او لم... فيه حاجة اتعلمتها من منتدى دعوى...كنت باكتب فكرة أو موضوع وأنا شبه متوقعة رد الفعل هيكون ايه ، ولما كان يحصل العكس أو الاقى اللى داخل بأدلة أو غيره يثبت عكس اللى باقوله كنت بازعل فى الأول ويمكن أندم انى كتبت اللى كتبته...بس قلت فى الآخر انا باكتب عشان نفسى ولا عشان غيرى يستفيد؟ أنا عايزة أنتصر لرأيى ولا لله؟ وحتى اللى راح دور على اللى يثبت بيه عكس كلامى برضه أنا كنت سبب فى اجتهاده ده ولو بشكل غير مباشر ويمكن ربنا كتبهالى حسنة ..وارجع ادور تانى وآخد بالى المرة اللى بعدها انى اكون جاهزة ومستعدة ومذاكرة كويس للى رأيه ضدى مش معايا أكتر من اللى موافقنى فى اللى باعرضه.... ويمكن وأنا بأدور الاقى فعلا ان اللى باقوله صواب أقرب للخطأ مش زى ما أنا كنت فاكرة.. ما علينا نرجع لموضوعنا ..من فضلك حبا فى الله يا عطر وغيظا للشيطان ..ما تبعديش

السلام عليكم ورحمة الله وبركاته..... جمعة مباركة ان شاء الله عطر أنا داخلة مخصوص علشان أرد...

الملكة الرومانسية :

شكرا يا ميرو

شكرا يا ميرو