صباح الخير
انا آسفة على التأخير
واضح اني دايما كده
أبهدل الدنيا وبعدين آجي متأخررررررر علشن اشوف إيه اللي حصل بسببي
دلوقت جه وقت الاعتراف
وتقفيل الموضوع بالضبة والمفتاح
انا باعترف وبأعلى صوت
انا كنت سبب رئيسي في تشتيت الموضوع وخروجه عن النص الأصلي
وممكن اقف اقولها على برج القاهرة أو كورنيش اسكندرية أو كوبري ستانلي بأعلى صوت
وخلاص كده هاقفل بقي تماما اللي مش راضي يتقفل ده :D
وعلشان تبقى مشاركتي مفيدة
وما ابقاش دخلت اعيد وازيد في الموضوع اللي مش راضي يخلص ده
هاقولكم على خطتي الفظيعة للنهارده
ان شاء الله النهارده ناوية أوضب الاوضة التانية الفاضية اللي عندي وانضفها تنضيف عميق
وأرتب التسريحة لأنها مأساة
وألمع الخشب في البيت كله
وانضف الشبابيك لأنها برضه مأساة (مش عارفة المآسي كترت كده ليه)
وأطبخ أكل الأسبوع علشان آجي أسخن الاكل كل يوم واستريح من المطبخ الأسبوع ده
وفي آخر اليوم أو بكره ان شاء الله
هاجي اقولكم انا عملت كام في المية من الجدول ده
وفي أثناء شغل البيت طبعا لا انسى زوجي العزيز وحسن التبعل ليه
انا رايحة دلوقت أعمل حمام زيت لشعري قبل ما ابدأ أشتغل
دعواتكم

السلام عليكم ورحمة **** وبركاتة
ازيكم يا بنات عاملين اية ان شاء **** تكونو كلكم فى احسن حال
بالنسبة لاهدافى لسة ماكتبتش حاجة احيانا باحس ان مش قادرة اعمل حاجة واحيانا ابقى عايزة اعمل حاجات كتير مرة واحدة انا من النوع اللى بخاف احلم لحسن الحلم ما بتحققش لانة لو ماتحققش بزعل جدا ونفسيتى بتتعب باريح نفسى وماحلمش اصلا كسل فظيييييييع انا عارفة وكأن كل طموحاتى انتهت عن التخرج من الجامعة وكلة ماشى بعد كدة بالبركة الحمد للة انا ربنا كرمنى جدا وادانى اكثر مما استحق ومشكلتى انى مش عارفة اتغير تمر سنين والمحصلة اية مافيش حاجة انا عملتها ماشى فى حاجات ربنا كرمنى بيها بس انا ماتعبتش فيها مش مجهودى ادعولى اتغير يا بنات يمكن تكون دعوتكم مستجابة واتغير يا رب
بالنسبة ليومياتى النهاردة انا عمرى ماكتبت يوميات قبل كدة بس هاجرب معاكم بالنسبة للابمانيات الحمد للة الصلاة فى اول الوقت احسن حاجةمع السنن الحمد للة يا رب دايما لانى احبانا بلغى السنن وانا مستعجلة وقراءة سورة الكهف بس هو دة ربنا يهدينى
بالنسبة للطبخ طبخت بامية ومسقعة وكان فية حتتين بيتزا من امبارح انا باعمل البيتزا بعجينة شمس هنا فى المنتدى بتطلع حلوة
بالنسبة للبيت اتعودت وانا داخلة الحمام اتوضا لصلاة الضهر اعملة قبل ماخرج وكدة ابقى خلصت منة والنهاردة وانا داخلة المطبخ كنت رابحة اعمل شاى طلعت فى دماغى انضف التلاجة رحت طلعت الاكل كلة من التلاجة الاول وبعدين حطيت البراد على النار وغسلت الارفف بتاعة التلاجة على الحوض طبق بلاستيك حاطة فية سائل الاطباق وملح وخل ومية على بال ماخلصت غسيل الارفف كانت مية الشاى غلت صبيت الشاى فى المج وغطيتة بطبق دقايق وبعدين بليت فوطة بسائل الغسبل اللى فى الطبق البلاستيك وعصرتها نص عصرة ومسحت بيها التلاجة من جوة سريع وفوطة ناشفة مسحتها بعد كدة ونشفت الارفف وحطبتها ورصيت الاكل فى التلاجة فى اول رف وبعدين خفت الشاى يبرد شربت الشاى وكملت رص الاكل فى الرفين الباقين و كنست البيت وبس
بالنسبة للعيال باحاول انى اعلمهم الادعبة طول اليوم يعنى دعاء الاستيقاظ دعاء الاكل دعاء النوم وهكذا وحاولت احفظهم قران 10 دقايق وزهقو وقامو ومكملناش يا ريت اللى عنها تجربة ازاى بتحفظ عيالها قران وامتى تقولى عليها وجزاها **** كل خير
بالنسبة لنفسى ماعملتش حاجة انا مابحطش ماسكات ولا اى حاجة ومافيش عمار بينى وبين المكياج حاجات بسبطة كدة من العيد للعيد مثلا واقصى حاجة اعملها فى شعرى الدوامة وفقط باخاف من الصبغات والسشوار احسن يبوظ شعرى اصلة خفيف ومش ناقص
بالنسبة للقراءة ماتعرفيش بينى وبين الكتاب عداء ولا اية من ساعة ماخلصت اخر امتحان فى الكلية وتقريبا ماخلصتش كتاب اقرا شوية كدة على النت
يااااااااااااااااة انا اتكلمت كتير قوى مش كدة معلش استحملونى سلام

السلام عليكم ورحمة الله وبركاته
ملكه يومياتك جميله ربنا يعينك وطمنينا على اخبار الصلاه ايه
مادو فى فكره حلوه هنا فى الركن عجبتنى انهم يتفقوا يوميا على تنظيف اى حاجه فى البيت تنظيف عميق مع باقى
شغل البيت وبدأوا بالتلاجه وال حابه تصور ما انجزته تصوره فايه رايك ننفذ الفكره دى يالا اعملى خطه وانا معاكى
زى ما تحبىيوميه او اسبوعيه
femal ومعناه بالعربى أنثى ملكه بقى تقول لى صح ولا خطأ ترجمتى
أنا كمان مغتربه فممكن نفضفض مع بعض على الخاص او العام زى ما تحبى
ما شاء الله عليكى يومياتك حلوه ومنظمه ولما أحب اعمل شاى استغل وقت وجود
البراد على النار وافتح فى شغله سريعه فى المطبخ أحس انى أنجزتها سريعا
وأشرب الشاى بروقان
شوفى كلنا عايزين نتغير ونتطور لان الحياه لو على وتيره واحده حتبقى ممله جدا
فلازم نتغير ونتطور فعجبتنى الفكره دى من برنامج فى قناة رساله
حا نجيب ورقه وقلم واكتب فيها عنوان
ماذا تعرف عن ذاتك
وتحت العنوان اعمل جدول
أحب وأكره
أستطيع فعله لا استطيع فعله
ومن خلال هذا التقييم للذات سوف نعرف سلبياتنا وايجابياتنا
ونقوم بعمل خطه لمدة اسبوع بتنمية ايجابيه معينه
والاسبوع التالى ايجابيه أخرى وبذلك سوف نقضى
على سلبياتنا
والفكره دى لقيتها منطبقه جدا على عنوان موضوعنا
عايزين ننظم حياتنا فعلا فى ناس معذوره لانها تاهت مع عنوان الموضوع
ومش عارفه هو مضمونه ايه فبما اننا كلنا يد وحده يبقى كلنا بنشرح الفكره لكن بطرق مختلفه
لكن الهدف واحد عايزين نتغير فى كل حاجه
ايه ريكو يا بنات نقعد بصدق مع نفسنا ونعمل الجدول الجميل ده وعشان ما نتهش
من بعض ونرجع تانى نقول احنا مش فاهمين الموضوع عن ايه
يبقى دى خطتنا نعمل الجدول ونغير من نفسنا
ومنتظرين من مادو جدول للبيت وتنظيفه
وايضا منتظرين وصفات للتجميل عشان ادلع نفسى وايضا لحسن التبعل
ما فيش حاجه اسمها مش بهتم بالمكياج لا لازم نتغير
ياريت كده نكون نظمنا فكرنا صح ومنتظره رايكو سواء بالسلب او الايجاب
لان الخلاف لا يفسد للود قضيه بس عبرونى وقولو رأيكو

ادعولنا ادعولنا ادعولنا الوضع صعب جدا والقصف شغال القصف بحري شايفه النيران من كذا حته حتجنن على اولادي ادعوا