ادخلو على الموقع ده وسجلو الايميل بتاعكو
ويبعت لكو كل يومين حديث مع شرحه

www.balligho. com

مرره وإن شاء الله راح يكون صدقة جارية في ميزان حسناتك

ماشاء الله عليكم والله تفرحوا و بجد الموضوع يبعث على البهجه
بصوا انا الحمد لله احسن حاجه حصلت في حياتي
انتظامي في صلاه الفجر من رمضان اللي فات
و بجد الموضوع ده مسبب لي سعاده غيييييييير طبيعيه
و فعلا زي ما عروس بتقول لما يوم بتروح عليا نومه بقوم اخر نكد

و الحاجه التانيه اللي برضه سعيده بيها اوي مواقيت الصلاه
يعني انا من سنين و انا بصلي بس مش بحافظ على وقت الصلاه
انما و لله الحمد بقيت بتنطر لما اسمع الادان (اللهم ادمها نعمه)

و ايضا حفاظي على الورد اليومي
ساعات طبعا مش بقدر بس الاغلب الحمد لله اني منتظمه فيه

اللي نفسي ابدا فيه و مش عارفه هو الحفظ و كل ما انوي الاقي حاجه تزحزحني

اما اهم اهدافي ان شاء الله هذه السنه
ان بعون الله نفسي اصوم الايام المتراكمه عليا من سنين
و ياريت تدعولي يا بنات اخلصهم على خير

عموما انا معاكوا
و الخطوه القادمه ان شاء الله الاذكار لاني دايما تروح عليا نومه في النص
مع اني والله مش خم نوم بس من التعب
بس ان شاء الله احاول و انجح


ملكه
على فكره بجد انتظامك في الصلاه ينبع من اراده حقيقيه و نيه قويه
و ادعي ربنا كتييييييييييييير
انا عن نفسي عملت كدا عشان اقدر انتظم في الصلاه

يعني حقيقي الرغبه اللي كانت جوايا التحمت مع النيه و الحمد لله ربنا يسر لي و قدرت

اما بقى موضوع الخشوع فديه للاسف مشكلتي و مش عارفه احلها ازاي
يعني ممكن اخشع جداااا في بدايه الصلاه بس في النص بسرح

ربنا يقدرنا ان شاء الله و ييسر لنا السبل



اما مادو و ميرو
فياريت تضموني معاكوا للحزب(حزب المزاج و الموود المتغير )

انا فعلا كل ساعه بحال
يعني ساعه اقوم اهد الدنيا و اطبخ و انظف و اوضب
ويوم تاني متحركش من مكاني

و يوم اكون اجتماعيه و اكلم كل الناس و اخرج
و يوم عايزه اكون لواحدي و حتى ماما مكلمهاش


مش عارفه راجع للبرج بتاعي ولا ايه
اصل انا حوت

عموما ربنا يثبتنا و احنا معاكوا يا جماعه و مادام كل ده ابتغاء لمرضاه الله و بس
يبقى ربنا هيوفقنا ان شاء الله

السلام عليكم
انا داخله اسلم ونفسى اتكلم فى كل حاجه واعلق على حاجات كتيير بس بجد تهت
انا كنت مش موافقه مع كلام ميرو وروشانا اننا نفصل بين الموضوعين
على اساس ان فعلا الدين والدنيا واحد واحنا كالعاده بنقول يومياتنا فى كل شىء دنيا ودين
ولاننا جروب متجمعين مع بعض تحت اى عنوان باه مع ايمان

بس انا لقيت ان فى ناس كتير جداد عايزة تستفيد من خبرة ايمان فى موضوع التنظيم دة وكلامنا فى اى حاجه تانيه هيتوههم
فلو ايمان ناويه تضيف معلومات للتنظيم كل يوم نخلى الموضوع مخصص
ولو كانت اصفحه الاولى بس هى الاساس نكمل هنا ولا رايكم ايه
سلام

السلام عليكم
انا داخله اسلم ونفسى اتكلم فى كل حاجه واعلق على حاجات كتيير بس بجد تهت
انا كنت مش موافقه مع كلام ميرو وروشانا اننا نفصل بين الموضوعين
على اساس ان فعلا الدين والدنيا واحد واحنا كالعاده بنقول يومياتنا فى كل شىء دنيا ودين
ولاننا جروب متجمعين مع بعض تحت اى عنوان باه مع ايمان

بس انا لقيت ان فى ناس كتير جداد عايزة تستفيد من خبرة ايمان فى موضوع التنظيم دة وكلامنا فى اى حاجه تانيه هيتوههم
فلو ايمان ناويه تضيف معلومات للتنظيم كل يوم نخلى الموضوع مخصص
ولو كانت اصفحه الاولى بس هى الاساس نكمل هنا ولا رايكم ايه
سلام

حاسه اننا بنتكلم فى موضوع واحد بس كل واحد ليه ظروفه المختلفه
زى ما بنتكلم فى التربيه مثلا وفى ناس عندها طفل عنده سنتين وناس عندها شباب ما شاء الله
فمحدش يقارن الطفل بالشاب فى التربيه لكن كل واحد يحاول يستفيد على اساس ان الطفل يبقى شاب واللى عندها شاب يبقى راجل ان شاء الله
طبعا الطفل هى الايمان فى بدايته ووكل ما ينضج بيكبر ويبقى شاب و....

بس بعيدا عن حفظ القران والورد وكل الفرعيات والمكملات
الصلاه يا بنات لا تقارن بشىء
الصلاه عماد الدين من اقامها فقد اقام الدين
وابسط الطرق للحفاظ على الصلاه هى الوضوء اول سماع الادان وترك اى شىء بنعمله مهما كان لان بجد التاجيل دقيقه بياجل ساعه وبيدخل الشيطان اكتر
ويديله فرصه للعب فى الدماغ
انا الحمد لله صليت من وانا صغيرة
بس فى فترة المراهقه دى وحشه عندى فى كل حاجه
وسبت الصلاه فترة والشيطان يقولى انى لما بصلى بيحصلى حاجات وحشه والعياذ بالله
وكانت النتيجه انى لا بصلى وبردة بيحصلى حاجات اوحش
يعنى الدربات اللى بتحصل لينا فى الحياه
مش بصلى يعنى بصلى فرض فاليوم مثلا
لاحظت والله
انى لما مش بصلى ويحصلى اى دروب كنت ممكن اعمل فى نفسى حاجه وعايزة اخلص من نفسى
ولما انتظمت فى الصلاة ويحصلى دروب كنت بكسل عن الصلاه
ولما بدات اضيف السنن للصلاه ويحصلى دروب كنت بصلى الفروض كامله واكسل عن السنن
وكل ما بحاقظ على الصلاه اكتر بحس بحلاوتها اكتر
وحاليا الحمد لله لما بتخنق ونفسيتى بتتغير مش بلاقى حاجه احلى من الصلاه تفرج عنى واحس بجمال معنى وجود الله مهما داقت الدنيا
واعرف يعنى ايه صبر يعنى ايه تفاؤل يعنى ايه حب الله يعنى ايه منخفش من الموت وتكون نفسنا مطمئنه وراضيه بقضاء الله وقدرة
انا اسفه لانى مش بعرف اعبر اوى بس قلت اقول تجربتى وافضفض معاكم كالعاده
فى ناس بيجيلها الاحساس دة فجاه وتتغير مرة واحده وفى ناس بالتدريج
اهم حاجه اننا نتمنى انها تحصل ولو حصلت ربنا يثبت قلوبنا على هدايته
وربنا يبعد عننا جميعا وسوسه الشيطان الرجيم