مدام وائل :

بصوا كالعادة وحشتونى جدااااااااااااااااااا بس صدقونى والله خلوا الموضوع للاتنين لية عايزة نفصلة ما احنا دايما بنتكلم فى دا ودا ودى حلاوة صحبتنا والعادى ان يدخل معانا بنات جداد ونتعرف عليهم ويكمل معانا الجداد وكلنا نعلم بعض وبنستفيد من بعض انا بدأت الموضوع من عطر وايجيبتى لو تفتكروا بعد شوية جت مادو وغدير شاهين كمان معانا من اول موضوع وشوية جت عروس وبعدين ماما زوزو وهكذا بدأنا نكثر حرام نقفل الموضوع على نفسنا بصوا والله كنت داخلة ابص بصة وامشى لان الخميس بذن اله هأرد بالتفصيل قلت مبدهاش لازم اكسر حدة الكلام بقى يوميااااااااااااااااااااااااااااااااااااااااتى صحيت فى مود مش هو كسل ومش عايزة اتحرك من مكانى اصلا قلت تعملى اية يا بنتى خلاص حواووشى وعنها فتحت العيش وعملت الخلطة وعملت حوواشى وطلع حلو الحمد لله والمفاجأة بقى اشتريت الديب فريزر جبتة الاسكا يالا اتشجعوا يا اللى ناويين وبعدين زوجى العزيزززززززز جابلى كرنب حقيقى بناء على طلبى بس طلب لن يتكر اكيد المهم فضلت اعمل فى الورق ساعتين وبعدين حشيت المحشى وسبته الصبح بأذن الله احشيها وربنا يستر على المرارة والقاولون بقى ويمكن بالليل بكرة ابق اعمل كول اسلو اما يومياتى من بدبود بية ..... بحاول بكل فشل فى تعليم الحمام طولنا اوى انا عارفة بس مفيش ا تطور نهائى ومبقاش بيكش من العقاب بيعاقب نفسة وبيروح يطفى التى فى ويعين لعبة ويضرب نفسة عايش الوهم يعنى ههههههههههههههه ويقولى عملت على نفس واتعاقبت وساعات يسوق فيها ويغير لنفسة هبل يعنى بس باعلمة حاليا يجمع اجتين مع بعض بس لسة علية شوية وبافضل بقى نقول دعاء النوم علشان يفظة وكمان كل لما يعمل حاجة اقوله ربنا بيحبك علشان انت جميل علشان مؤدب نفيى اقوله لما هتعمل بيبى هههههههههههههههههههههههههه شكلى بحلم ما علينا المهم والله هاكتب بعد كدا يوميات بودى تفصيل شوية علشان خاطر عيون مادو حبيبتى وهارد والله على الكل يوم الخميس ان شاء الله حاسة انى هافتح عكا يوم الخميس ورايا ميت حاجة ههههههههههههههههههههه يالا بقى اقوم انام وبكرة اشوف يوميات الموضوع عن تنظيم الوقت عامــــــــــــــــــــــــــــــــــــــــــــــــة

بصوا كالعادة وحشتونى جدااااااااااااااااااا بس صدقونى والله خلوا الموضوع للاتنين لية عايزة...

ســــجى الليل :

منى موش معقول يا اهلا يا مليون سهلا دا انتي نورتينا وانستينا ... على فكره يا منى انتي بتفكريني بنفسي في حتة انك كنتي قلبك جامد ... موش بهاب من حاجه جريئه جدا ... ولكن بعد تجربه مرض دخلت فيها انا شخصيا... اتغيرت نفسيا ... صحيح اني لازلت امتلك هذه الصفات ولكن بقدر اخف ... بقى خوفي من ربنا عالي جدا ... خوف من انه يتضايق من عبد من عباده انعم عليه بنعم كثيره ولم يشكر المنعم ولم يهابه ... بمعنى اخر بقيت استحي من الله اوي ... صحيح بخاف من ناره وبحب جنته ولكن رضاه عني المنزه من اي مصلحه من ناحيتي اكبر وافضل واولى ...

منى موش معقول يا اهلا يا مليون سهلا دا انتي نورتينا وانستينا ... على فكره يا منى انتي بتفكريني...

الملكة الرومانسية :

منى أهلا بيكي معانا نورتي الملف ويا رب يبقى فاتحة خير علينا كلنا الملف ده زي ما يكون بيشد الناس بمغناطيس سبحان الله يمكن لأن إيمان كاتباه بنية صافية اوي وطالع من القلب اوي جزاها الله كل خير سجى أهم أهدافي حاليا هي الصلاة الصلاة...الصلاة...ثم الصلاة وبعد كده أبقى أرتب كل حاجة براحتي وشكرا على الكلام اللطيف والدعوة الحلوة هيوشا انتي بتتكلمي بجد؟ 5 ساعات نت و10 تليفزيون وساعة تليفون ده في اليوم ولا في الأسبوع ولا في الشهر؟ حددي موقفك بالظبط عطر أكيد الانتظام في أي حاجة محتاج إرادة + نية والحمد لله أنا جددت النية وشحنت الإرادة والخبر الحلو اني امبارح صليت المغرب والعشاء في أول الوقت والنهارده صليت الفجر صحيح لحقته قبل الشروق بعشر دقايق تقريبا انما الحكاية دي ادتني أمل كبير جدا وفرقت في نفسيتي النهارده بشكل رهييييييب وعلى فكرة انا معاكم برضه في حزب المزاج والمود ويمكن أسوأ منكم كمان انتوا عندكم أطفال فمش معقول مثلا متعملوش أكل يعني مش هتسيبوا الأولاد يموتوا من الجوع لكن انا لما الحالة بتجيلي مش باتحرك من مكاني ولا حتى علشان أعمل أكل ولا أشيل ورقة من مكانها ان شا الله ما عننا أكلنا وخلي البيت مكركب زي ما هو مش مهم ده طبع سيء جدا لكن لازم بإذن الله نحاول نتخلص منه سبانيش فلاور جزاك الله خيرا كتير اوي الكلمة دي بجد جميلة وأثرت فيا اوي اوي دي حاجة لا يمكن تزعل بالعكس انا حاسة ان الكلام ده زي المية اللي بتطفي النار اللي في قلبي البعد عن ربنا ده بجد حاجة وحشة جدا جدا...بتعمل سواد في القلب ونار ميطفيهاش غير القرب منه تاني عارفة انا حصلي إيه امبارح لما صليت المغرب والعشا؟ حسيت زي ما اكون مسلمة جديدة...بادخل في الإسلام لأول مرة ونطقت الشهادة وحسيت ليها بطعم تاني متتخيلوش فرحتي امبارح والنهارده كانت قد إيه همسة أهلا بيكي نورتي الملف برضه ويا ستي تتكسفي من إيه اقولك على سر صغير انا في حياتي الشخصية باتكسف جدا جدا ومحدش من اللي عرفتهم اونلاين بيصدق ان البنت الغلباوية (اللي هي انا) هي نفسها الشخصية الخجولة جدا (اللي هي برضه انا) :) على النت الواحد بيبقى الشخصية اللي بيتمنى يكونها وبيعمل كل الحاجات اللي ميقدرش يعملها على أرض الواقع أتمنى ان ده ميبقاش مرض ومتقولوش عليا مجنونة ولا عندي فصام :p في الآخر عايزة اقول حاجة مهمة انا خطتي الأسبوع ده أو هدفي الأسبوع ده هو الانتظام في الصلاة والأسبوع الجاي أبدأ أدخل معاها السنن والنوافل بالتدريج ولو كل أسبوع فرض واحد لو نجحت في تحقيق الهدف هاكافئ نفسي ولو منجحتش هاعاقب نفسي بس عايزة حد يقولي اعاقب نفسي ازاي أكافئ نفسي دي سهلة لكن اعاقبها بإيه مش عارفة

منى أهلا بيكي معانا نورتي الملف ويا رب يبقى فاتحة خير علينا كلنا الملف ده زي ما يكون بيشد الناس...