ام النصر :

السلام عليكم انا سعيدة جدا بعثورى على ملفكم المفيد و الرائع دا ماعندكوش فكرة ازاى انا سالت دموعى لما تصفحت اول صفحة فى الملف لانى حسيت انى لاغية دماغى من زمان و و عايشة كدة بالحظ من غير اى هدف حتى العبادة مقصرة فيها جدا كمان شغل البيت باعمل فيه الضروريات بس لانى باختصار مش باحب شغل البيت مش بيمثل اهمية بالنسبة ليازى باقى ستات البيوت لما باروح عند ماما بيبقى نفسى اعمل زيها فى النظام والنظافة لكنى مش عارفة او تقدروا تقولوا مش عايزة ياريت يا بنات تشجعونى على حاجتين الاولى الالتزام فى العبادة و خصوصا صلاة الفجر الثانية الاهتمام بشغل البيت لانى ممكن اكروت النظافة فى ربع ساعة يومياو طبعا بيتوسخ بسرعة لانه مش معمول بضمير كمان اغلب اوقات فراغى باقضيها امام النت او تقضروا تقولوا ان النت من الضروريات جدا فى حياتى او هو هدف فى حد زاته لما بيحصل عطل فيه يوم او يومين بابقى مخنوقة قوى و مش طايقة حد يكلمنى يظهر ان النت عندى اصبح ادمان ارجوكم خذوا بايدى جزاكم الله كل خير

السلام عليكم انا سعيدة جدا بعثورى على ملفكم المفيد و الرائع دا ماعندكوش فكرة ازاى انا سالت...

hamssa4u :

صباح الخير عليكم كلكم والله يومياتكم حلوه وتفتح النفس يعنى اللى مش عايزه تعمل حاجه تقرا يومياتكم بصو بئا انا عندى مشكله مش لاقيه وقت اقعد فيه مع جوزى بحكم شغله نومنا عكس بعض يعنى بحكم شغله انا اصحى وهو ينام والعكس يعنى انا بانام انا واولاد على الساعه 11 وهو بيجى البيت الساعه 1 ويسهر طول الليل وهكذا مش باقعد معاه خالص كنا الاول قبل المدرسه وفى الصيف باسهر معاه وبنقعد مع بعض انما دلوقتى وقتى كله رايح فى البيت والعيال وحاسه ان احنا بعدنا عن بعض خالص مش عارفه اعمل ايه ومش باعرف انام فى النهار علشان اسهر معاه حتى يعنى من ساعه ما باصحى الفجر بافضل صاحيه لحد ما انام بليل والنهارده بئى حسيت ان الموضوع ماثر على نفسيتى صاحيه ماليش نفس اعمل اى حاجه فى البيت وشكلى كده هاقضيها نوم وبس مش نوم نوم يعنى هاريح على السرير بصراحه مشاركتكم كلها حلوه ملكه بجد دمك زى العسل ماما زوزو يارب ااقدر اربى ولادى زيك شكللك ست بيت شاطره وزوجه مثاليه وام عظيمه يارب يبارك فيك وفى اسرتك ويسعدكم دايما

صباح الخير عليكم كلكم والله يومياتكم حلوه وتفتح النفس يعنى اللى مش عايزه تعمل حاجه تقرا...

الملكة الرومانسية :

أهلا بيكي معانا أم النصر انتي عاملة زيي بالظبط فولة واتقسمت نصين :39: كنت عايشة اليوم بيومه باكل واشرب واتفسح وأروق نفسي وشغل البيت باكروته آخر كروتة ده لو عملته أصلا يعني وكل يوم أقول الوقت مش مقضي وانا باشتغل هاعمل إيه وبعدين فتحت الملف ده ودموعي نزلت لأول مرة من زماااااااان وبعدين لما قعدت صارحت نفسي بالسبب الحقيقي اللي مخلي الوقت مفيهوش بركة لقيت انه كله بيصب في خانة التقصير في العبادة لا صلاة فجر ولا عشا وأيام بتعدي عليا ما باصليش خالص وطبعا لما بادعي بادعي من غير نفس زي ما اكون بغبغان باقول الكلام لكن مش حاسة بأي حاجة لكن اليومين اللي فاتوا كان ليا وقفة مع النفس جامدة جدا جددت النية في كل حاجة في حياتي وأعدت ترتيب حساباتي من أول وجديد من امبارح والحمد لله بدأت أصلي بانتظام يعني النهارده تاني يوم صلاة ليا وبدأت أحس بشرارة الإيمان في قلبي اللي كنت فاكراها ماتت هي صحيح لسه شرارة ضعيفة مرجعتش قوية زي ما كانت من سنين فاتوا لكن هاخدها واحدة واحدة بإذن الله وعندي أمل كبير اوي في كرم ربنا نيجي بقى لشغل البيت ده الكوم الكبير والجرح الأليم انا كمان ما باحبش شغل البيت وطول عمري باكروته من يوم ما اتجوزت ولما باحاول أعمل حاجة بضمير بتاخد مني وقت طوييييييل جدا لكن حطيت في دماغي اني هاتغلب على العادة دي وأحتسب النية في كل حاجة باعملها في البيت علشان ربنا يقويني ويعينني ويمكن بمرور الأيام ابقى أسرع كتير في الشغل أو يمكن أحب شغل البيت الله أعلم انا رغيت كتير كالعادة وعملت صداع نفسي حد يقفل بقي ده شوية :04: ويقولي روحي اشتغلي

أهلا بيكي معانا أم النصر انتي عاملة زيي بالظبط فولة واتقسمت نصين :39: كنت عايشة اليوم بيومه...

ام النصر :

حبيبتى ملكة اشكرك جدا على ردك عليا و اتمنى انا كمان ابدا زيك و هاحاول احسب وقتى بالورقة والقلم و يا ريت نشجع بعض و اى واحدة عندها شىء جديد و مفيد تكتبه علشان نتعلم منه:16:

حبيبتى ملكة اشكرك جدا على ردك عليا و اتمنى انا كمان ابدا زيك و هاحاول احسب وقتى بالورقة والقلم ...