يا صباح الخير

رانيا عجبتني اوي قصتك وقعدت افكر فيها

كتير اوي شادن بتتحايل عليا علشان احكي ليها حدوتة وانا بقعد افكر لغاية ما االف لها واحدة

مع اني فخورة باني لما بالفلها قصة بعتمد على حياتنا فيها وبحاول اخليها قصة تربوية يعني ادخل فيها مواقف عملتها شادن وعجبتني على ان بنوتة تانية عملتها ومامتها فرحت بيها وبكده بثبت المعلومة بان التصرف ده صحيح

كمان لما بتعمل غلط وبحب اوجها بشكل غير مباشر برضة بعمل كده واقولها مثلا ندى امورة بس عملت كذا ومامتها زعلت وده في سياق قصة كاملة وبدخل فيها حيوانات وغابات ونوادي وغيره هههههههههه
بس فكرة حلوة اوي كمان قصص الانبياء دي لان فيها مواعظ كتيرة ومفيدة
***** الله احاول اطبقها

السلام عليكم
انا معاكم لكن مشغوللة لاننا طلعنا وكان عندي امتحان حتى الوقت الفاضي عندي مخي مشغول بيه
المهم
رحت اليوم المسجد المدرسة ما كان عندها وقت لامتحان الكل بكرة ان شاء الله بتكمل

بقوم دلوقتي ارتب المطبخ واغسل الصحون واغسل ملابس واقعد اراجع شوي ومن بكرة ان شاء الله بكون معاكم ومتابعة لكم

انا محتاجة اسبوع علشان اقرا اللى فاتنى وارد عليه

عموما سلامى للجميع

ودعائكم لامى بالشفاء لانها تعبانه قوى ووارد تعمل عمليه

بس انا معاكم ومتبعاكم

معلش مش بقدر اشارك لانى فعلا وقتى ضيق جدا
من ماما للبيت والعيال

انتو عارفين الحوسه اللى اختوكم بتقبى فيها

يارب اصلح حالى ويسره وقدرنى ان اكون بارة بامى وابى

بمناسبة بقى الحديث عن حقوق الزوج

انا صحيح بقالي ست سنين متجوزة بس الظاهر اني لسه مش عارفاها هههههههههههه

يجد بجد بعد جلسه المصالحة اللي بيني وبين جوزي قالي انت قايمه بوجباتك كلها صح العيال والبيت وطلباتي من غسيل ومكواه وكده يعني

لكن
واه من لكن دي
قالي بقى انتي مش عارفة تعاملي جوزك
مش عارفة يعني ايه تدلعيني وتشوفي انا عايز ايه

على فكرة هو مش قصدة الدلع الي بالكوا فيه لا
قصدة دلع المعاملة

بجد انا مش عارفة ازاي
عندي امية فكرية في الموضوع ده

يعني انا فعلا بعمل كل واجباتي والحمد لله على قد ما بادر يعني مباخرش غسيل كل يوم بيبقى في اكل طبعا مش كل يوم اكل تحفة بس بيبقى موجود
العيال باخد بالي منهم وطلباتهم ودلعهم وغيره
وشايفة ان ده حب في حد ذاته يعني طلباته جاهزة هدومة مكوية دولابه مترتب اكله موجود طيب عايز ايه تاني ايه البطر ده ههههههههههه

لا بجد يعني انا بقولكوا باختصار كده مفهومي عن رعاية الزوج ومعاملته وواضح انها مش كفاية

انا بعترف اني مقصرة معاه في وقتي لاني مبلحقش يعني .مش بقعد معاه كتير ولو قعدت بيبقى مودي تعب وقرف

المهم علشان انا زهقت مني اصلا

يا ريت كل واحدة تحكي تنعامل جوزها ازاي وبتدلعه في طلباته ازاي وايه لمسات حلوة بتعملهاله يعني ناخد منها افكار ونحاول نستفيد كلنا

يعني بسرعة كده قبل ما مدام وائل تفردله موضوع مخصوص ممكن ندي نبذه هنا عن الحكاية دي لاني مستعجلة عليها(انانية طبعا)


وكل ده في سبيل مرضاه الله لان حسن التبعل احنا مامورين بيه
يلا مستنيه افكاركوا الرومانسية

السلام عليكم يا بنات وحشتونى
الحمد لله بابا وصل بالسلامه الحمد لله وسفرت وجيت
بس العيال طلعوا عيونى بهدلونى شافوا عيال خالتهم واتجننوا واتغيروا بقوا مفترسين

والحمد لله اللثه ملتهبه ونكدت على
وجيت على الدكتور على طول وحشو عصب للسن الاماميه
ربنا يهون
ادعو لى
حاسه انى متغيره وجوزى كمان حاسس بكده مش عارفه ليه


يمكن التعب مش مركزه ومضايقه على طول مش عارفه كده ليه الحمد لله

المفروض بكره اول جلسه للتنظيف العصب
ومفروض كمان نسافر الجمعه لاهله

ادعو ربنا ييسر الامور يارب

كلكم وحشتونى