الاول اسلم على عروس وعطر اللى فاكرينى علطول هههه
ربنا يسلمكم دايما من اى شىء

ايناس
الف مليون مبروك يا جميل وربنا يتمم حملك على خير يا رب
وعقبال ملكه ان شاء الله وعطر ولو انها مكسله تجيب تانى بس هو ده اللى هيقعدها فى البيت ويعرفها ان الله حق ههههه

روشانا
والله بنتك دايما على بالى عشان حاسه بيكى ربنا يتم شفاهايا رب ويفرحك بيها
وطمنينا عليها دايما
هايا
اخيرا انتظمنا شويه فى الموضوع
وشكرا على المعلومه بجد ولو انى مش بقولها بس حسستنى برده بالغباء
لازم الواحد يعرف اصل الامثال اللى بتتردد ادامه

كل البنات القدام والجداد
ربنا يحلى ايامكم بصحتكم وبين اسركم وفى طاعه ربكم

من حق
ميرو
عايزين حد باه ينصحنى فى حكايه المود دى
والله من نعم ربنا علينا فترة البريود دى للنساء
لان الواحد بياخد راحه من دماغه سبحان الله ان اعتقد ان ربنا خلق الستات كلها كده

سجى احمدى ربنا ان ادامك مثل اعلى المفروض يحتذى به
لكن عندى مثلا ماما كانت تصلى وتقول لنا اقفلو التلفزين مش عايزة دوشه ونعقد معرفش بنعمل ايه؟؟؟؟ ههههه

حبيبه
بعد اذن ماما زوزو طبعا
ممكن تستخدمى ايد شنطه بتاعه الاطفال بتبقى محطوطه كده عشان تسهل مسكتها
يا رب تكون عندك
سلام باه

أنا أسلم و أحي إيمان و بقية الشلة
و راجعة بإذن الله بعد الصلاة
وعندي كلام كثير كثير، و الموضوع راق لي جدا ، بس عندي مشكلة إني موش مصرية زيكو يعني فيه كلام كثير بعديه لأني مش فهماه!!
بس مش مشكلة أنا حدخل معاكو لأن معروف عندنا بالسعودية أن اهل مصر هم الاقوياء في كل حتة ، في الدين و شغل البيت!!
سؤال لمدام وائل الست إيمان أنت ليه سبتي الشغل ، أمال دارسة الماستر و بقيتي معيدة بالجامعة ليه سبيته؟؟
لاني أفكر أكما الماستر ..أرجو تجاوبيني..
يا حبي لكم يا ستات ..

يابنات

يامدام وائل
او يايمان

انا الحمد لله
الف حمد وشكر يارب
اللهم ادمها عليه نعمة
طول عمرى عارفة اهمية الوقت
الحمد لله
بصراحة مش عارفة مت تعلمت ذلك
برغم اننا 9 اخوات

وكلنا مختلفى الميول والطباع
لكن لاقيتنى انى باعرف قيمة الوقت

حتى قبل اختراعات التنميه البشريه
موضة العصر
وانا ليه فيها بااع طويل

وبعدين هقول لكم استفدت منها ايه
لكن على ما اتذكر وانا فى الجامعة اشتركت فى الجواله
واللجنة الرياضيه
واللحنة الثقافيه
ولحنة الرحلات
ماشاء الله
هنا مقالة
وهنا رحلة
وفى الجوالة الافكار الجديدة
وبداية تعليم الكروشيه والتطريز
ولازم احضلر المحضرات
وطبعا لازم الحق اذاكر
والمفاجئه
انى كنت اعمل مع والدى بمكتب مقاولاته
يعنى محاسبه صغيرة
واكتب على الالة الكاتبه
اتعلمتها فى المكتب
لانى ثانويه عامة
يعنى علشان احصل على كل المتع
كان لازم ابذل كثيييير من الحهد
ولازم احافظ على وقتى وما يوقعش منى

على هذا النظام اربع سنوات
تحددت وتبلورت شخصيتى
من خلال الذهن التوقد لاستخدام الوقت
مع العلم
لم اسهر يوما للمذاكرة
وعودت اولادى على ذلك
لكن ممكن اصحى بدرى بغرض المذاكرة وبالمرة اصلى
ايوه ما كانش الهدف الصلاة
لكن صحيت يبقى طبيعى اصلى
التخرج والوظيفة
والزواج

الزوج منعنى من كل الانشطة الشبابيه
الدنيا ما وفقتش
الطاقة عالي
حبى للبيت
حبى للاعمال الفنيه
حبى للشغل
وبالمرة حبى للزوج

الطاقة بتدى معنى للوقت
الكسل
بيهدر الوقت بالكامل
مرحلة الاولاد
بيلعبوا قدامى وايدى يا اما بتشتغل كروشيه او بخيط او بانهى اعمال المنزل
وهكذا مرحة او سنين المذاحكرة
حتى لو قاعده معاهم المد لله والشكر لله
منتجة
طبعا هتقولوا فين الحرعة الايمانيه

ااقولكم ماكانتش عاليه
على اد الفروض
واللحظات تزيد وقت المعاناة

ما اقذرش اكدب عليكم ابدااا

ولكن الحق يقال زوجى كان له فضل كببببببببببير فى تلربية اطفالى دينيا
لازم الفجر معاه
لازم التراويح فى رمضان على قدر المستطاع
وابتديت اغييييييييييييييييييير
وانكسف من الاولاد فى سن السابعة والثامنة
وزادت الجرعات الايمانيه
الحمد لك والشكر لك يارب العالمين

كاية كدة عليكم
عايزه ااقول الوقت لما بنستغله صح
بنحصل منه كتيييييييير
بالنسبه للنت
والله العظيم الكروشيه بيبقى فى ايدى
وبما انه بظء وعلى بال ما يقلب الصفحة اكون اشتغلتى غرزيتين
وساعات اكون غسلت طبقين
انا مش من هواة التليفون
لو فى زيارة
لازم يكون فى هذف جانبى
حتى الفسح والتع
والخروج لازم استغلهم صح
يعنى اتفسح قوىىىى

يعنى مقولة شهيرة
لما نكون بنعمل اى حاجة انا وابنتى
شغل بيت
كروشيه
خياطة
ممكن تتكلمى وانت بتشتغلى
وقفت الشغل ليه


الحمد لك والشكر لك
اللهم اعطنا الصحة والبركة
لنعطى كل شئ حقة
سامحونى مش بتكلم على شعائرى الدينيه
خوفا من الزيف والنفاق
انما اللهم تقبل منى ومنكم

السلام عليكم ورحمة الله وبركاته
الموضوع ما شاء الله جميل جزاك الله خيرا يا ايمان
والردود والمشاركات كلها رائعه بس حسيت انى تهت
عاوزه ارد على الكل يعنى ايه يكون لنا هدف
موضع عدم الاستمراريه لانى هوائيه
العبادات والتقصير فيها
كل حاجه محتاجه صفحات عشان نديها حقها
كل أخت حاسه انها مقصره فى اى شىء
مش لازم انها تأنب نفسها ويكون دى بداية الخيط للشيطان
ما تحاوليش مش حا تعرفى انتى بعيد جدا
فممكن انها ما تدخلش اصلا على الموضوع لانه بالنسبه لها
جرس انذار بيفوقها وفى نفس الوقت فى صوت خفى بيحبطها
ما تحاوليش انتى بعيد
لا لازم نكون ايجابيين ونبدأ السلم خطوه خطوه مع بعض
بالصحبه الحلوه والحب فى الله ورجاء ما تخافيش انك تعترفى بتقصيرك
عشان نشجع بعض ونساعد بعض
أكيد كلنا بشر وكلنا أخطاء لكن حا نحط ايدينا فى ايد بعض
نركز فى موضوع الصلاه أكيد كلنا كنا مقصرين فيها
اتمنى كل أخت تقول لنا تجربتها فى الانتظام فى الصلاه ايه الحاجه ال غيرتك
وخلتك تنتظمى فيها لعلها تكون باب خير لاى عضوه مش شرط من المشاركات
ممكن من ال بيشاهدوا ومش بيشاركو معانا وتكسبى أجرها طول الحياه يعنى تكون سلسة حسنات
وانتى مش حاسه وياريت نتكلم بصراحه لان غرضنا الخير وليس الرياء
اللهم ارزقنا جميعا الاخلاص فى القول والعمل وبعد ما نخلص موضوع الصلاه نتسلسل واحده واحده
لباقى الامور بحيث نوفى كل موضوع حقه وكمان الصلاه بتنظم الوقت واليوم جدا
تجربتى الشخصيه فى موضوع الصلاه كنت مقصره جدا ربنا يغفر لى ما سبق
كنت بصلى لكن نادرا لو كان اليوم كامل
وبعد وفاة جدى رحمه الله بشهر حلمت انه جاء البيت وسلم على الجميع ما عدا أنا
ونظر لى نظره كلها عتاب وقعد وتجمعنا حواليه وقال
هناك بيعذبو الناس عذاب شديد وخصوصا ال ما بيصليش ونظر لى نفس النظره
قمت من النوم مرعوبه واتوضيت وصليت فورا والحمد لله ربنا من عليا بالالتزام بالصلاه
وشعرت فيها بطعم جديد
وبالنسبه لصلاة الفجر اسهل طريقه
الدعاء قبل النوم ان ربنا يعينك على القيام للفجر
وظبط المنبه ووضعه بعيد عن السرير بحيث
تكونى مضطره انك تقومى تقفليه مجرد ما قمتى من السرير
خلاص الكسل راح
وأكثر حاجه حا تساعدك على الانتظام على الفجر الاحساس بالراحه
والنفس المطمئنه طول اليوم لانك فى ذمة الله
وجربى الاحساس بالضيق فى اليوم ال ما صلتيش فيه
بالنسبه لتحديد الهدف أنا عايزه ايه
عايزه اكون أم اربى صح وزوجه مثاليه مع زوجى وقايمه بشؤن بيتى
مهتمه بنفسى ومظهرى وبقوم بعباداتى على اكمل وجه ويكون مبدأ عندى
أحب الاعمال الى الله ادومها وان قل
ودى ان شاء الله تكون بداية علاج للهوائيه
يعنى مش حا اعمل بهمه ونشاط وارجع اكسل
لا ادومه وان قل
وان شاء الله بالصحبه الطيبه حا ناخد بايد بعض ونعمل كل حاجه على اكمل وجه
وان شاء الله ربنا يرزقنا جميعا السعاده فى الدنيا والاخره

انا قلت ادخل على السريع و اسقف جامد و بعدين ارجع بعد قراءه كل المشاركات
سبحان الله يا ايمي كاني انا اللي بتكلم او حاسه اني بجد ادام مرايه
و ده دايما حديثي مع نفسي (انا عايشه بلا هدف)
يمكن عشان كدا مفتقده لفكره الشغل(يمكن الاقي الهدف)
بس الواضح ان الهدف دايما موجود بس احنا اللي مش بنجري وراه
حقيقي كلامك لمسني جداااااااا و انت طبعا عارفه اننا كربون في بعض الاوقات

حقيقي نفسي اقدر اظبط حياتي و اجري وراء هدفي
بحيث لو ربنا اداني العمر اقدر اشعر بسعاده و انتصار
بس املي كبييييير لاننا مع بعض و ايد بايد
زي بدايه موضوعنا الاولاني
كنت داخلاه و انا معنديش اي امل لا في تحويش ولا في تنظيف
انما الحمد لله تفوقت على نفسي في خلال سنه

فياريت المره دي اقدر اتفوق و انتصر

زي ما وعدتك هقرا كله و بعدين اجي تاني