الملكة الرومانسية :

شوفي يا ميرو انتي فتحتي موضوع مهم جدا جدا وكويس ان انا أول واحدة شفته لأنك جيتي للشخص المناسب اصل انا ملكة الرومانسية والمنطقة دي منطقتي (منتهى الغرور والثقة) :) انتي كده بالظبط عاملة زي الراجل اللي بيصرف على مراته وبيأكلها وبيشربها وبيعالجها وبيلبسها وبيستغرب ويقول هي عايزة إيه تاني؟ مش كفاية ان انا باصرف عليها وبالبي لها احتياجاتها؟ لكن هل احتياجات الست مادية بس؟ تخيلي لو جوزك فكر بنفس الطريقة وقال اللي انا باقول عليه ده ونفذ كل طلباتك بس وهو مكشر في وشك وزهقان منك ومش طايقك هل هتبقي سعيدة معاه وهتقولي هو بيحبني لأنه بيأكلني ويشربني؟ أعتقد الإجابة واضحة انا بقى يا ستي مشكلتي عكس مشكلتك تماما مشكلتي اني طول السنتين ونص اللي اتجوزت فيهم اهتميت بجوزي زيادة عن اللزوم لدرجة جت على حقوق البيت مش زيادة للدرجة اللي تخليه يزهق من اهتمامي لأني برضه عارفة حدود الاهتمام بيه وبانسحب في الوقت المناسب بحيث أسيبله وقت يعمل فيه اهتماماته ويخرج مع اصحابه وكده لكن كانت أهم أولوية عندي ان يبقالنا وقت نقضيه مع بعض وده أهم من ان البيت يبقى بيلمع أو السفرة تبقى 5 نجوم مش معنى كده برضه ان احنا مقضيينها حب X حب ومش بناكل ولا بننضف لأ طبعا الحاجات دي كلها كنت باعملها لكن من غير اهتمام ولا تركيز يعني باعمل الحد الأدنى المطلوب انما لو تسأليني الأولوية في حياتك الزوجية لإيه هاقولك جوزي لأنه بني آدم من لحم ودم ومراعاة احتياجاته النفسية أهم من الوقوف في المطبخ ودعك الحمام وكوي الهدوم وترتيب السفرة والكلام ده كله دي كانت وجهة نظري هي يمكن متكونش وجهة نظر صحيحة مية في المية أو يمكن انا زودتها شوية وجيت على حقوق البيت زيادة انما هو عمره ما كان متضايق ان البيت ما بيلمعش من النضافة وهو قالي كده بنفسه وكون اني أهتم أقعد معاه واخصص له وقت أهم عنده من الحاجات التانية اللي الزوجات فاكرينها هي دي الواجبات الزوجية لأني لاحظت في الفترة الأخيرة لما بدأت أهتم بشغل البيت أكتر بدأ يتضايق وحس ان الوقت اللي باقضيه معاه قل شوية علشان كده انا مش عارفة حياتنا هتبقى عاملة ازاي في وجود الاطفال أكيد هيغير ربنا يقوينا بقى على اليوم ده المهم نرجع لموضوعنا لازم تهتمي بجوزك كبني آدم دي مش رفاهية على فكرة دي حاجة أساسية جدا في الحياة الزوجية لكن الأهم اننا نعمل توازن في الموضوع ده بحيث مفيش حاجة تطغى على حساب حاجة تانية ابدأي اعملي الموضوع ده بالتدريج يعني شايفاه قاعد زعلان أو مهموم أو متضايق متسيبيهوش يكلم نفسه وتقولي انا ورايا مواعين لازم تتغسل روحي اعرفي الأول هو ماله وحاولي تتكلمي معاه وتخليه يطلع اللي في قلبه علشان ما يحسش ان انتي مهملاه ووراكي شغل أهم منه وفيه حركات صغيرة لكن بيبقى ليها مفعول كبير جدا حضريله بيجامته قبل ما يطلع من الحمام - جربي مرة تسرحيله شعره أو تحلقيله دقنه - اعمليله مرة حاجة من غير ما يطلب منك زي كوباية شاي أو فنجان قهوة - لو انتي بترجعي من الشغل قبله اديله حضن سريع أول ما يدخل من الباب - اقعدي اتناقشي معاه في أي موضوع بعد الأولاد ما يناموا أو في أي ساعة فاضية علشان برضه يحس ان انتي إنسانة مثقفة مش مجرد ست بيت وخلاص انا رغيت كتير كالعادة هاسيبك تقري وتردي عليا الأول وبعدين أكمل كلامي

شوفي يا ميرو انتي فتحتي موضوع مهم جدا جدا وكويس ان انا أول واحدة شفته لأنك جيتي للشخص...

ام النصر :

ملكة ازيك انتى زى ما تكونى بتتكلمى عنى بالظبط انا برده ممكن اهمل اى حاجة الا زوجى كمان مهما كنت تعبانه و حسيت انه عايز يسهر باحضر قعدة حلوة بعد الولاد ما يناموا و نديها سهر او لو عايز ينام بادخل السرير انيمه زى البيبى الصغير دا فى بعض الايام بانام انا وهو و انا بادلكله ضهره يمكن هى دى الحاجة الوحيدة اللى انا ناجحة فيها بجد مع انى باتعب باحس انى دلعته زيادة عن اللزوم بس باكون سعيدة لما بابات عند بابا ويقولى ما عرفتش انام من غيرك:icon28:

ملكة ازيك انتى زى ما تكونى بتتكلمى عنى بالظبط انا برده ممكن اهمل اى حاجة الا زوجى كمان مهما كنت...

فطوووم م :

انا محتاجة اسبوع علشان اقرا اللى فاتنى وارد عليه عموما سلامى للجميع ودعائكم لامى بالشفاء لانها تعبانه قوى ووارد تعمل عمليه بس انا معاكم ومتبعاكم معلش مش بقدر اشارك لانى فعلا وقتى ضيق جدا من ماما للبيت والعيال انتو عارفين الحوسه اللى اختوكم بتقبى فيها يارب اصلح حالى ويسره وقدرنى ان اكون بارة بامى وابى

انا محتاجة اسبوع علشان اقرا اللى فاتنى وارد عليه عموما سلامى للجميع ودعائكم لامى بالشفاء لانها...